Personforsikring

Det kan verke freistande å spare nokre kroner på å seie opp forsikringane dine når du skal gjere kutt i kvardagsøkonomien. Men er det eigentleg noko du har råd til å gjere?

For å svare på spørsmålet: Du kan spare nokre hundrelappar, men til gjengjeld risikerar du å tape veldig mykje meir om helsa skulle svikte.

Forsikringane sikrar deg mot det uforutsette. Plutseleg skjer det noko som påverkar helsa di. Utan forsikring vil du ikkje få dekka opp det økonomiske tapet du får ved å ikkje kunne arbeide – og det kan koste deg veldig mykje meir enn du sparar. Det offentlege hjelp deg med å overleve, men ikkje med å leve. Det er fryktelig surt om til dømes eit nytt tilvære som ufør også skulle ta frå deg moglegheita til å behalde hus, bil eller fritidsaktivitetane til barna.

kva med helseerklæringa som må fyllast ut på nytt, viss du bestemmer deg for å gjenoppta personforsikringane på eit seinare tidspunkt? Dette kan medføre atterhald som ikkje eksisterar i dag, og prisen kan òg auke etter ei ny helsevurdering.

Det er ingen tvil om at tider med rentehevingar og prisstigningar merkast på lommeboka. Mange opplev å få ein strammare økonomi, med høgare straumrekningar, dyrare daglegvarer og høgare bustadslånsrente. Då er det absolutt verdt å ta ein gjennomgong av økonomien. Still deg sjølv spørsmålet om kor du kan spare pengar som ikke går på bekostning av forsikringane dine. 

Er du bekymra for økonomien anbefalar vi deg å kontakte oss – slik at vi saman kan sjå på kvarr du kan spare.

Når vi snakkar om å flytte ein personforsikring, snakkar vi om å kjøpe ein personforsikring i nytt selskap og avslutte same type forsikring i det gamle selskapet.

Det er fleire grunnar til at personforsikringane dine ikkje automatisk blir avslutta i det gamle selskapet, når du kjøper den same forsikringen i nytt selskap. I motsetnad til skadeforsikringar, kan du ha fleire av ein personforsikring, som også kan gi fleire utbetalingar for same hending.

Når kan eg seie opp tidlegare forsikring?
Du kan seie opp forsikringa di i det tidlegare selskapet etter at du har kjøpt forsikringa og fylt ut helseerklæring i nytt selskap. Når du flyttar ein tilsvarande forsikring, slepp du ny symptomklausul. Du må sjølv sei opp forsikringa i ditt tidlegare selskap.

Kva viss eg får reservasjonar, tillegg i pris eller avslag?
Hvis du får reservasjonar, tillegg i pris eller avslag i nytt selskap, kan du ha rett til å gjenoppta forskringane i tidligare selskap. Fristen for å gjenoppta forsikringa er seks månader frå dagen du avslutta forsikringa. Forsikringa kan gjenopptas i tidlegare selskap utan ny helsevurdering og symptomklausul, hvis:

• Du har hatt forsikringa i det tidlegare selskapet, i meir enn 1 år
• Du har søkt om å flytte forsikringar med tilsvarande dekningar
• Du har fått reservasjonar, pristillegg eller avslag i det nye selskapet
• Du har kjøpt forsikring og fylt ut ny helseerklæring i det nye selskapet
• Ditt tidlegare selskap er med i bransjeavtalen gitt av Finans Norge
• Du betalar for forsikringane tilbake til oppseiingsdatoen
   

Kva med kollektive forsikringar?
Disse reglane gjeld ikkje for kollektive forsikringar. 
 

Alt dette er dessverre litt komplisert, men vi hjelper deg meir enn gjerne om du lurer på noko. Du kan også lese meir om reglane på fremtind.no.
 

Karenstid betyr det same som ventetid eller karantenetid. Reglane for karenstid er forskjellig frå forsikring til forsikring.

Kva er karenstid for dyreforsikringane?
Dyreforsikringane våre har karenstid, som  betyr at forsikringa ikkje dekker sjukdomar/lidingar som viser symptom i ein gitt  karensperiode etter at forsikring blei kjøpt og starta. Er det første gongen du kjøper ein dyreforsikring er karenstida:

• 20 dagar (60 dagar ved allergi-, hud- eller øyreproblem).

Når tilsvarande forsikring blir flytta frå eit anna forsikringsselskap til oss, vil det i hovudsak ikkje vere karenstid. Karenstida gjeld likevel viss du gjer endringar i forsikringa når du flyttar den, men kun for den delen som er endra. For eksempel viss du utvidar forsikringa med fleire dekningar eller aukar forsikringssummen, vil karenstida berre gjelde for den delen av forsikringa som er utvida.

Kva er karenstid for personforsikringane?
Karenstid for personforsikring blir brukt på mellom anna uføredekningane, og beskriv den tida du må vente frå du blir sjuk til du tidlegast kan få utbetaling. Det vanlegaste er 12 månadars karenstid på uførepensjon og uførekapital med forskottering, medan det er 24 månadars karenstid på uførekapital (utan forskottering). Du kan sjå kva som gjeld for deg i forsikringsbeviset ditt. 

Det finst også noko som heiter symptomklausul, som betyr at forsikringa ikkje dekker sjukdomar/lidingar som viser symptom i ein gitt periode etter at forsikringa blei kjøpt og starta. Les om symptomklausul.

Sjå også

Karenstid på hundeforsikring
Logg inn og sjå forsikringane dine

Dobbel forsikring betyr at du har to av same forsikring. Mange er dobbeltforsikra utan at dei er klare over det. Verken forsikringsselskapa eller forsikringsformidlarar kan heller ikkje vite dette, då denne informasjonen ikkje delast mellom dei.

Ved dobbel forsikring på skadeforsikringane dine vil du aldri få dobbel utbetaling ved skade. Mens ved dobbel forsikring på personforsikringane er utbetalingane annleis. Du kan for eksempel ha to livsforsikringar (eller fleire), og alle saman vil utbetalast ved dødsfall, i henhald til vilkåra.

• Dekka av medlemskap
  Det vanlegaste er å ha dobbel innbuforsikring eller reiseforsikring. Er du for eksempel medlem i eit LO-forbund har du LOfavør innbuforsikring inkludert i medlemskapet (med mindre du har reservert deg). Då bør du eller andre i husstanden vurdere seie opp annan innbuforsikring.
• Dekka av andre i familien
  Mange er forsikra via ektefelle eller sambuar utan at dei er klare over det. Både innbuforsikring og reiseforsikring kan utvidast til å gjelde heile familien.
• Dekka av arbeidsgjevar
  Sjølv om det vanlegaste er å ha personalforsikringar via arbeidsgjevar, kan du også vere dekka av arbeidsgjevars reiseforsikring. Denne kan også dekke heile den tilsette si familie dersom arbeidsgjevar har valgt dette.
• Dekka av andre forsikringar
  Mange får tilbod om å kjøpe spesialforsikringar som til dømes leigebilforsikring, idiotforsikring, skjermforsikring eller forsikring mot id-tjuveri. Veldig mange har allereie desse dekningane inkludert i innbu- eller reiseforsikringane sine. Sjå kva for forsikringar du ikkje treng.
   

Kva kan eg gjere?
Mistenkjer du at du er dobbeltforsikra, anbefalar vi deg å kartlegge alle forsikringane dine.

• Sjekk om du er forsikra via medlemskap i forening eller forbund.
• Hør med arbeidsgjevar om kva for personalforsikringar du er dekka av.
• Snakk med ektefelle/sambuar om kva for forsikringar hen har (også via hens arbeidsgjevar).
• Finn ut kva for forsikringar du sjølv har kjøpt.

Er du usikker kan du kontakte oss så skal vi prøve å hjelpe deg å rydde opp. Det kan også hende det lønner seg å samle alle forsikringane ein stad.
 

Overforsikra/underforsikra
Ved overforsikring betyr det at du har unødvendige forsikringar, dobbeltforsikring eller for høg forsikringssum. Ved underforsikring betyr det at du risikerer sjølv å betale for ein del av risikoen du i utgangspunktet ønskjer å vere forsikra mot. Eit eksempel på å vere underforsikra: Du kjøper eit hus og forsikrar dette. Etter nokre år bygger du garasje på den same tomta, men gløymer å legge til garasjen i forsikringsavtalen for huset. Ved skade på hus og garasje vil du måtte betale for skadene på garasjen sjølv.

Personforsikring er ei fellesnemning på forsikringar som sikrar deg og familien din økonomisk tryggleik viss helsa skulle svikte. Det kan for eksempel vere dekning av behandling i privat helsevesen, utgifter i samband med sjukdom, uføretrygd, erstatning for tap av inntekt og utbetaling ved dødsfall. 

Blant forsikringar til privatpersonar skiller ein ofte mellom personforsikring og skadeforsikring. 

Døme på personforsikringar er:

• Livsforsikring
• Barneforsikring
• Helseforsikring/behandlingsforsikring
• Uføreforsikring
• Ulykkesforsikring

Som hovudregel må du fylle ut ei helseerklæring ved kjøp av personforsikringar. Les meir om personforsikringane våre
 

Kva er forskjellen på personforsikring og livsforsikring?
Personforsikring er ein kategori for fleire forsikringar, medan livsforsikring er ei eiga forsikring som for øvrig fell inn under kategorien personforsikringar.

Personforsikring for bedrifter
Personforsikringar for bedrifter kallar vi personalforsikringar.

Sjå også

Kva er livsforsikring?
Kva er barneforsikring?
Kva er tannforsikring?
Kva er gruppelivsforsikring?
Kva er medisinsk invaliditet?
Kva er yrkesskade?
Kva er ménerstatning?

Livsforsikring (også kalla dødsforsikring eller dødsfallsforsikring) er ei forsikring som gir dine nærmaste ein skattefri utbetaling viss du dør.

Når du kjøper ei livsforsikring, får du anbefalt ein livsforsikringssum basert på bustadlån og årsinntekt. Du vel å kven som skal få utbetalinga. For å kjøpe livsforsikring må du vere mellom 16 - 79 år, og fylle ut ei helseerklæring.  Livsforsikringa varer til du fyller 80 år.

Ei utbetaling frå livsforsikringa kan gjere at dei etterlatne kan halde fram å betene gjeld som bustadlån og gjeld, sleppe å måtte flytte og barna kan halde fram i same barnehage eller skule, og på same fritidsaktivitetar som før. Det gir dei som sit igjen moglegheita til å ha same levestandard som før.

Det finst ogsålivsforsikring for kjæledyr, der du får ei utbetaling dersom dyret ditt døyr, må avlivast, blir borte eller stole.

Sjå også

Kva er gruppelivsforsikring?
Kva kostar livsforsikring?
Kva dekkjer livsforsikring?
Kva er aldersgrensa på livsforsikringa?