Kva er ei kollektiv forsikring?

Ei kollektiv forsikring er forsikring for ei gruppe personar som høyrer til i ein medlemsorganisasjon, bedrift eller eit forbund. Denne gruppa vert forsikra på same forsikringsavtale og på like forsikringsvilkår. 

Prisen på ei kollektiv forsikring blir normalt billegare enn om du skulle kjøpt forsikring privat (individuell forsikring). Dette er fordi den kollektive forsikringa er framforhandla av organisasjonen eller bedrifta på vegne av medlemmene eller arbeidstakarane. Det gjer også at avtalen hovudsakleg administrerast av organisasjonen eller bedrifta som tilbyr forsikring via forsikringsselskapet. 

Den mest vanlege kollektive forsikringa i Norge er LOfavør Innbuforsikring (tidlegare kalla LOfavør Kollektiv Hjem). Det er ei forsikring som LO-forbund har inkludert for sine medlemmar gjennom medlemskapet.

Det er også vanleg med kollektive personalforsikringar gjennom jobb eller organisasjon, som til dømes gruppelivsforsikring (kollektiv livsforsikring), helseforsikring eller reiseforsikring.

I nyare tid har det også blitt vanleg med kollektiv bilforsikring (flåteavtale) gjennom tenester som til dømes Fleks - der bilforsikringa er inkludert i bilabonnementet.