Forsikringssum er den summen du får utbetalt viss det skjer noko som forsikringa di dekkar. Forsikringssummen må ikkje forvekslast med forsikringspremien, som er prisen du betalar for forsikringa.
Skadeforsikringar
For skadeforsikring er forsikringssummen det same som ein makssum, medan den reelle summen er den summen det kostar å reparere eller skaffe ny (minus eventuelle frådrag og eigenandel). Tre eksempel på forsikringssummar:
- Forsikringssummen for innbuet ditt i innbuforsikring er ubegrensa. Det vil seie at du får erstatning for alle tinga dine viss det skulle skje noko. Enkeltgjenstandar og samlingar har ein makssum.
- I hundeforsikringa vår kan du sjølv velje forsikringssum ved veterinærutgifter og reseptpliktige medisinar. Det vil seie at forsikringssummen også er makssummen av kva du vil få erstatning for (per år), viss du blir nøydd til å ta med hunden din til veterinær.
- Har du eit fullverdiforsikra hus eller hytte betyr det at du til kvar tid er forsikra for ein forsikringssum som er lik kostnadane ved å bygge eit tilsvarande nytt hus eller hytte.
Personforsikringar
For personforsikring er det litt annleis. Her har du to eksempel:
- Hvis du har valt at forsikringssummen i ulykkesforsikringa er 1.000.000 kroner, er det dette beløpet som blir utbetalt dersom det skjer ei ulykke der du blir 100 % varig medisinsk invalid. Blir du 20 % medisinsk invalid vil du få utbetalt 20 % av forsikringssummen osv.
- Har du livsforsikring med ein forsikringssum på 3.000.000 kroner, vil heile denne summen bli utbetalt til dine etterlatte viss du dør.
Ved utbetaling av for eksempel uførepensjon i uføreforsikringa og barneforsikringa reknast forsikringssummen ut i antal G (grunnbeløpet i folketrygda).
Høg vs låg forsikringssum?
I mange tilfelle kan du velje forsikringssum sjølv, som for eksempel i dyreforsikringane og dei fleste personforsikringane. Jo lågare forsikringssum du vel, jo billegare blir forsikringa.