Forsikring for sambuarar
Når du etablerar deg med sambuar, er det ei fin anledning til å gå gjennom forsikringane. Kanskje må det oppgraderast og kanskje kan de slå nokre forsikringar saman og spare litt pengar?
Forsikringane de bør ha
Har de kjøpt bustad saman er bustadlånet basert på to inntekter. Då er det viktig å snakke saman om kva som skjer viss éi inntekt blir borte – for ein periode, eller i verste fall for alltid.
Livsforsikring
Livsforsikring er noko de begge burde ha når de eig bustad saman. Det kan ikkje ta bort sorgen etter eit dødsfall, men det sørgjer for at økonomien ikkje treng å bli ei ekstra belastning i ei elles vanskeleg tid.
Livsforsikringa kan bidra til at partneren din har råd til å betale ned lån og dermed behalde bustaden.
Kritisk sjukdom
Når ein sjølv eller partnaren får ein alvorleg sjukdom, endrar dette som regel livssituasjonen dramatisk. Det å ha forsikring ved kritisk sjukdom vil gje dykk ein økonomisk tryggleik og eit større handlingsrom.
Vi har fleire eksempel på folk som brukar erstatninga på helsebringande aktivitetar eller tilleggsbehandling på private klinikkar. Men òg det å gje seg sjølv eller partnaren litt pusterom i etterkant av for eksempel eit tøft kreftløp. De har råd til å kunne ta dykk ulønna fri frå jobb for å kome til hektene igjen – noko som kan vere eit behov for partnaren like mykje som for den som har vore sjuk.
Sjå kva for nokre sjukdommar som blir dekte i forsikringa
Uføreforsikring
Dei fleste baserer utgiftene sine på ei fast inntekt. Fell ein av dykk utanfor arbeidslivet på grunn av sjukdom eller ein ulykke, vil de ikkje lenger få den same lønna kvar månad.
Gjennom NAV er de dekka for tap av inntekt ved uføre, men dei dekker ikkje heile inntekta du hadde då du jobba. Maksimal uføretrygd frå NAV er 66 % av 6 G, noko som svarer til ca. 500.000 kroner. Det vil seie at jo høgare inntekt du har før du blir ufør, jo høgare blir òg inntektstapet.
Difor er dette ein smart forsikring for deg som er forholdsvis ung og har mange år att å jobbe. Uføreforsikringa hjelp dykk til å oppretthalde den levestandarden du og sambuar har i dag, og du kan halde fram å betale ned bustadlån og anna gjeld som før.
Reiseforsikring
Når de flyttar saman, har de ofte kvar dykkar reiseforsikring. Då kan det vere lurt å sjå på om dykk skal å seie opp begge avtalane og kjøpe ei ny, som gjeld for de begge og eventuelle barn.
Med familiedekning er sambuar/ektefelle og barn inkludert i reiseforsikringa. Forsikringa gjeld uavhengig av om de reiser saman eller kvar for dykk.
Kanskje har ein av dykk reiseforsikring gjennom jobben. Sjekk i så fall med arbeidsgjevar om denne gjeld for heile familien eller kun den som er ansatt.
Innbuforsikring
Verdien på det de har av ting, innbuet dykkar, aukar også mest sannsynleg når de flyttar saman. Og kanskje har de ei innbuforsikring kvar?
Som sambuarar treng de berre éi innbuforsikring, og den dekker alle tinga de har i heimen, samt tjuveri av sykkel og barnevogn innanfor Norden.
Om sykkelen vert stolen utanfor bustaden din, frå fellesrom, felles bod, felles garasje eller andre stader, er det innbuforsikringa som gjeld. Om den vert stolen utanfor Norden, går det på reiseforsikringa.
De får tilbake inntil 40.000 kroner for sykkelen, og det same gjeld for tilhengar til sykkel og barnevogn. Har de dyre syklar bør de vurdere ei eiga sykkelforsikring.
Husforsikring
Dersom de kjøper hus, treng de ei husforsikring i tillegg til innbuforsikinga. Kjøper de leiligheit eller leiger, treng de ikkje husforsikring. Då er de anten dekka av huseigaren, burettslaget eller sameiget husforsikring.
Husforsikringa gjeld viss det skulle bli skader på sjølve huset, i motsetning til innbuforsikringa som dekker alle tinga de har inni bustaden.
Har de husforsikring, får de erstatning slik at de kan reparere eller bygge eit nytt, viss noko skulle skje. Men hugs at de også er ansvarleg for å vedlikehalde huset for å førebygge skader.
Hus frå 70- eller 80-talet?
Husa frå 70- og 80-talet er dei som er mest utsett når det kjem til brannskader. Dette er på grunn av gamle elektriske anlegg. På tre år har forsikringsselskapa registrert over 78.000 brannrelaterte skadar. Om lag 80 prosent av brannskadane skuldast el-feil på installasjonar og produkt.
Skal de kjøpe hus eller har akkurat kjøpt, bør de sjekke det elektriske anlegget og byte det ut viss det er veldig gammalt.
Forsikringane de kan vurdere
Helseforsikring
Når de etablerer dykk for fyrste gong, er det for mange ein oppstart til “voksenlivet”. De har kanskje fått eller planlegg barn og har kanskje nylig sikra draumejobben. Det er ei periode i livet der det kan verke skremmande å måtte utsetje kvardagen viss noko skulle skje.
Skulle du eller samboar bli sjuke eller skada kan helseforsikringa (også kalla behandlingsforsikring) sørgje for at de slepp å bruke lang tid på å vente på rett behandling. De får mellom anna billeddiagnostikk, for eksempel MR og CT, innan maks 10 verkedagar.
Treng de spesialistbehandling går det også maks 10 verkedagar til de er inne. Og treng de sjukehusbehandling og operasjon er de sikra å få utført behandlinga innan 15 verkedagar.
Ein personlig sjukepleiar ordnar alt det praktiske og sørger for at de kjem til riktig spesialist.
Verdisakforsikring
Har de ting som er veldig dyre løner det seg å forsikre akkurat desse tinga. Har de heilt vanlege syklar, som dei fleste kanskje har, går denne inn i Innbu- og reiseforsikringane dykkar. Men har de ein dyr sykkel, over 40 000 kroner, burde de ha eigne sykkelforsikringar for å få erstatta dei viss dei skulle bli stolne.
Ein verdisakforsikring er også noko de bør vurdere viss de til dømes har ekstra dyrt datautstyr, klokker, fotoutstyr, bunader eller andre dyre ting som smykkar.
Kva lurer andre på?
Er ein gift er det ektemaken som får utbetalinga. Dersom ikkje, utbetaler vi til arvingane dine, etter arvelova eller testamentet ditt.
Vil du at sambuaren din, barna eller andre skal få utbetalinga frå livsforsikringa di, må du gi oss spesielt beskjed om kven som skal få den.
Du kan dele beløpet på fleire ved å legge til fleire personar. Dette gjer du anten når du kjøper forsikring, eller du kan endre når du ønsker. Då vil dette stå i forsikringsavtalen under begunstigelse. Denne måten å fordele på er vanleg dersom ein har sambuar.
For å endre adressa på innbuforsikringa di, kan du logge inn i mine forsikringar, mobilbanken eller nettbanken og velje "Innbuforsikring" under "Mine forsikringar". Der vil du finne linken til "Endre adresse". Dersom innbuforsikringa di nærmar seg hovudforfall, vil det ikkje vere mogleg å endre denne sjølv. Då må du ta kontakt med oss, så hjelper vi deg vidare.
Vi anbefalar at du ventar med å endre adressa til etter du har flytta til ny bustad og meldt dette til folkeregisteret. I flytteperioden dekkjer innbuforsikringane både ny og gamal adresse.
Har du LOfavør Innbuforsikring slepp du å endre adresse. Denne følgjer din folkeregistrerte adresse.
Treng du hjelp er det berre å ta kontakt med oss. Du kan både ringe oss, chatte, skrive til oss eller avtale eit møte med ein forsikringsrådgjevar i banken.
Har du innbuforsikring hos eit anna forsikringsselskap?
Nei, forsikringane dekker dessverre ikkje heksesot.
Heksesot kjem av sotpartiklar som festar seg til blant anna veggar og tak. Kjelda til heksesot kan vere panelomnar og eldre lyspærer som brenn støv til sot, stearinlys, duftlys og peisomnar.
Heksesot er verken helsefarlig eller skadeleg for bygninga, men likevel veldig sjenerande. Det finst mange tips på nettet til korleis ein vaskar vekk heksesot.
Er du ung og skal kjøpe din første bil og di første bilforsikring, er det eit par tips det kan vere greitt å vite. Vi har satt saman ein liten guide med nokre viktige tips du bør tenke på i vurderinga di som førstegangskjøpar.
Fyrst av alt, så finst det 4 forskjellige bilforsikringar (eller dekningar som dei òg kallast):
- Ansvarsforsikring: Dette er det lovbestemte minimumskravet, som dekkjer skade du påfører andre personar eller deira eigedom dersom du er uheldig. Ansvarsforsikring er påkravd i Norge.
- Delkasko: Denne forsikringa dekker i tillegg skadar på bilen din som følgje av brann, tjuveri, glasskade og naturskadar.
- Kasko: Dekker det som er nemnt over, og dekker i tillegg skadar på eigen bil som følgje av kollisjon og utforkøyring.
- Toppkasko: Denne dekker alt over, i tillegg maskinskade og utvida leigebildekning.
Når du skal velje bilforsikring, er det viktig å vurdere følgjande faktorar:
- Verdien av bilen: Om bilen din har høg verdi, kan det vere lurt å vurdere kasko eller toppkasko. For eldre bilar med låg verdi kan det kanskje halde med delkasko. Har du billån med pant i bilen, krev vi at du har minimum kaskoforsikring på grunn av tryggleiken i lånet.
- Køyrelengde: Køyrelengda er den distansen du køyrer i løpet av eit år. Vi tilbyr køyrelengder frå 6.000 km til ubegrensa. Om du køyrer mykje, bør du òg vurdere ei forsikring som inkluderer veghjelp og leigebil ved skade.
- Eigenandel: Eigenandelen er den summen du må betale for å bruke forsikringa, med nokre unntak der vi har fast eigenandel (f.eks ved veghjelp). Du kan velje kva eigenandel du ønskjer. Jo høgare eigenandel, jo lågare pris på bilforsikringa.
- Andre fordelar: Du får opptil 20 % rabatt på bilforsikringa dersom du samlar dine forsikringar hos oss. Er du medlem av eit LO-forbund får du toppkasko til same pris som kasko, samt lågare eigenandel.
- Bonus Bonussystemet gjev deg rabatt på forsikring for kvart år du køyrer skadefritt. Hos oss får du 60 % startbonus.
Mange er opptekne av å få den billegaste bilforsikringa for å byggje opp bonus. Men det som er viktig å vite, er prisen etter at alle rabattar er lagde til. Det finst også andre triks for å gjere bilforsikring billegare.
Bruk vår bilforsikringskalkulator så ser du prisen før du kjøper. Du kan også få tilbod på bilforsikring ved å kontakte ein forsikringsrådgjevar.
Har du reiseforsikring (eller betalt billetten med kredittkortet ditt) og du er nøydd til å avbestille ein reise, kan du få refundert billettane for arrangement (utflukt, konsert, show, aktivitetsskule og liknande) i samband med reisa. For eksempel om du må avbestille flybillettar til ein stad der du òg har kjøpt billettar til ein konsert.
Billettforsikringa i reiseforsikringa dekker ubenytta og førehandsbetalte billettar viss du skal på ei reise og avbestillinga skuldast anten:
- Du, reisefølget eller næraste familie rammast av alvorleg akutt sjukdom, ulukke eller dødsfall.
- Brann, innbrot eller vasskade som krev at du må vere til stades.
- At reisa er i strid med reiseråd frå Utenriksdepartementet. Forholdet må ha inntreft mindre enn 72 timar før planlagd avreise.
Har du billettar du ikkje får nytta?
Du må sjølv avbestille billettane og undersøke om du får noko refundert hos aktøren, før du melder sak til oss. Du er ikkje dekt for avbestilling av billettar til arrangement dersom ikkje arrangementet er i forbindelse med ei reise som også må avbestillast.
