Bilforsikring og bonus

Kva er startbonusen?

Startbonus er den bonusen du startar med første gong du kjøper ei bilforsikring eller mc-/motorsykkelforsikring.

Hos oss er startbonusen 60 %. 

Om du har hatt bilforsikring frå før blir bonusen automatisk overført frå tidlegare selskap. Har du øvingskøyrd 2.000 km eller meir får du 70 % startbonus.

Kva reglar gjeld for bonus på bilforsikring?

Bonus er eit rabattsystem som gir deg lågare pris på forsikring kvart år du køyrer skadefritt. Bonus gjeld for både bilforsikring og mc-/motorsykkelforsikring. 

Bonusen tilhøyrer forsikringstakar, og følger personen og ikkje køyretøyet. Dersom du flyttar bilforsikringa til oss beheld du bonusen du har frå tidlegare forsikringsselskap.

Du beheld bonus utan bil, men inaktiv bonus blir sletta etter 3 år. 

For bonusstigen, sjå bonussystemet.

Kor mykje bonustap ved skade?

Hos oss vil du maksimalt rykke ned 10 % ved skade. Du kan berekne bonustapet du vil få ved skade, ut frå lista nedanfor.

Typiske skadar som ikkje gir bonustap er:

• Parkeringsskade
• Brann
• Tjuveri
• Veghjelp 
• Glasskadar
• Motor-/girskade
• Museskadar
• Leigebilskadar 
• Kollisjon med dyr (dersom det meldast til politiet/viltnemnda)
• Naturskadar

Viss det er ein liten skade kan vere greit å sjekke om det lønnar seg å reparere skaden sjølv, sidan du også må betale eigenandel. Som kunde får du 15 % rabatt hos MPS Bilskade, på reparasjon av småskadar som til dømes bulkar, riper, kantkøyrt felg, steinsprut i lakken o.l.

Kor mykje bonus har eg på bilforsikringa?

For å finne ut kva du har i bonus kan du logge deg inn i mine forsikringar, mobilbanken eller nettbanken. Der får du sjå bilbonusen din under "Mine forsikringar > Bilforsikring".

Kan eg overføre bonusen min til andre personar?

Både ja og nei. Bonusen kan kun overførast til ektefelle, sambuar eller partner. Det vil seie at du ikkje kan overføre bonus til barna dine.

Bonussystem

Du rykker opp 10 % kvart år fram til 70 %. Når du har hatt 70 % bonus i 3 år, går du over på 75 % bonus. Når du har hatt 75 % bonus over 3 år blir du ståande på 75 % utan bonustap. Om du ønsker, kan du velje å heller få 80 % med bonustap.

Maks bonus på bilforsikring er 80 % og gjeld berre for privatpersonar.
Som standard får du 75 % utan bonustap som maksbonus, men om du tar kontakt kan vi endre det til 80 % (med bonustap).

Kva med bonus på bil nr. 2?

Du får same bonus på bil nr 2 som bilen du har frå før, så lenge du eller partnaren din står som eigar. Viss du har 80 % bonus og kjøper ein bil til, får du 80 % på denne også.

Kjøper du endå fleire bilar får du same bonus på desse, som den bilen som har høgast bonus frå før.

Dersom du for eksempel bulkar den eine bilen og får bonustap, vil det kun gjelde på denne eine bilen. Du beheld bonus på alle andre bilar du måtte ha.

Flytte utanlands?

Sel du bilen og skal du flytte utanlands, kan vi skrive ein bonusstadfesting til deg på engelsk. Ta kontakt med forsikringsrådgjevar for å få bonusstadfesting.

Bonus ved skilsmisse/samlivsbrot

Opparbeidd bonus kan delast. Ein av partane beheld opparbeidd bonus, og den andre parten får same bonus. Dette må ordnast seinast eitt år etter brotet/skilsmisse er innvilga.

Kontakt oss for hjelp med å ordne dette.

Når aukar bonusen på forsikringa?

Bonusen din aukar ein gong i året fram til du når 75 % (utan bonustap). Den aukast ved hovudforfall, altså når bilforsikringa di fornyast kvart år. 

Har du fått feil bonus då du kjøpte bilforsikring, kan du kontakte oss så aukar vi bonusen din til riktig nivå.