Vegen til å kjøpe din første bustad

Å leite etter din første bustad kan vera tidkrevjande. Hugs å vere realistisk, og sjå etter eit stad å bu som passar din økonomi. Start med å finne ut kva som er viktigast for deg:

• Tenker du at det er greitt med eit oppussingsobjekt, eller vil du flytte rett inn? 
• Er det viktig for deg at bustaden er i nærleiken av jobben, barnehage/skule eller butikken? 
• Må du bu sentralt, eller kan du velje å flytte litt mindre sentralt kor prisnivået er lågare? 

Hugs at det er viktig å tenke framover. Det er få som har råd til «draumebustaden» som førstegangskjøpar.

Som ein hovudregel skal bankane ikkje låne ut meir enn 85 % av kjøpesummen. Det betyr at du må ha 15 % av kjøpesummennår du skal kjøpe bustad. Dette kallast eigenkapital.

I tillegg må du dekke kostnadane i samband med bustadkjøpet. 

Det er mogleg å låne meir enn 85 % av kjøpesummen viss du har nokon, som oftast nokon i familien, som kan stille som kausjonist. 

Viss du har ein BSU-konto kan du bruke desse pengane som eigenkapital. Du kan ikkje spare meir på BSU-kontoen etter at du har begynt å bruke BSU-pengane, med mindre det er pengar du har spart tidlegare i år.

Sjå også:
Kva er forskjellen på sjølveigar og burettslag?
Kva kan BSU-kontoen brukast til?

Før du begynner å leite etter ein plass å bu, må du ha eit finansieringsbevis. Dette ordnar du enkelt og uforpliktande ved å anten søke om finansieringsbevis eller snakke med ein av rådgjevarane våre først.

Nysgjerrig på kor mykje du kan låne akkurat no? Prøv lånekalkulatoren vår, så du ein peikepinn på kor mykje du kan låne. 

Det kan vere freistande å kjøpe den første og beste bustaden du finn. Vi anbefaler å gå på så mange visningar du klarer, for her gjeld det å få eit overblikk over kva du kan få til kva pris.

Sjekk salsoppgåva nøye, og gå grundig gjennom bustaden når du først er på visning. Du som kjøpar har nemleg større undersøkingsplikt enn du kanskje er klar over.

Psst! Ikkje vis finansieringsbeviset ditt til meklaren, då har du avslørt kor langt du kan gå i bodrunda.

Sjå også: 
Gode råd til visninga

Då er vi i gang! Finansieringsbeviset er i boks, du har vore på visning og du har bestemt deg for å legge inn bud på bustaden.

Sett deg ei personlig grense for kor langt du er villig til å gå i bodrunda, det er fort gjort å bli riven med. Ikke mist motet om du taper bodrunda – det er fleire fiskar i havet!

Sjå også: 
Bodrunde

Aksepterte seljaren bodet ditt? Gratulerer, no er du straks eigar av din nye heim! Neste steg i prosessen er å skrive under på lånedokumenta.

Sjå også: 
Signering av kontrakt og lånepapir

Både du og seljaren blir invitert til kontraktsmøte hos eiendomsmeklaren, der de signerer og går gjennom kontrakten.

Hugs å ta med bankkort med bilete, førarkort eller pass til legitimasjon.

Sjå også: 
Oppgjer og overtaking

No som du eig din eigen stad, er det viktig at du har forsikringane på plass. Innbuforsikring er viktig, og har du kjøpt hus må du ha husforsikring.

No som du har ansvar for eit bustadlån kan budsjettet bli stramt, spesielt viss du er ung. Ver prissmart og sjå etter gode tilbod på mat, straum, internett og straumetenester. 

Hugs å endre adressa i Folkeregisteret så snart du har flytta, dette kan du enkelt gjere via nettsidene til Skatteetaten.

Sjå også: 
Slik får du stålkontroll på økonomien