Alle bod og bodaukingar skal skje skriftleg, og du må identifisere deg med BankID eller annan gyldig legitimasjon på første bod. 

Bod på bustaden kan leggast inn når som helst, men det første bodet som kjem skal alltid stå til klokka 12.00 første yrkedag etter siste annonserte visning. Etter dette kan fristane bli kortare og kortare, men meklaren skal alltid sørge for at tidsfristen ikkje er heilt urimeleg.

Meklaren vil halde deg og dei andre bodgjevarane oppdatert om nye bod som kjem inn såg langt det er praktisk mogleg. Bodgjevarar og andre interessentar får òg varsling på sms om bod. Ver obs på at seljar kan velje å takke ja – eller nei – til kva bod som helst. Om han vil, kan han avslå alle.

Les meir om bodgjeving hos EiendomsMegler 1 1

Det kan vere fort gjort å bli reve med når bodrunda drar seg til, men ha litt is i magen så du ikkje endar opp med å by meir enn kva bustaden er verd for deg.

• Ver heilt sikker på at dette er ein bustad du vil bu i.
• Aldri oppgi finansieringsbeviset ditt til meklar eller sei kor langt du kan strekke deg.
• Sett eit maksbeløp på kva du er villig å gi for akkurat denne bustaden, og ikkje gå over dette.
• Oppgi ønska overtakingsdato i bodet, dette er òg ein del av avtalen.
• Alle bod er juridisk bindande, by aldri på meir enn éin bustad av gongen.
• Be gjerne om råd frå folk du kjenner; familie, venner og kollegaer. Det er mange som har vore gjennom ein slik prosess før.

Og hugs, det kjem alltid fleire bustader til sals viss det ikkje skulle gå vegen. Lykke til!

Først og fremst – gratulerer!

Når du har fått stadfesta at seljaren har godtatt bodet ditt, kan du senke skuldrene og puste letta ut.

Det neste som skjer no, er at meklaren oversender ein kopi av bodjournalen til både deg og seljar, slik at de begge ser at bodgjevinga har gått føre seg slik den skal.

Deretter vil meklaren gå gjennom alt det nødvendige papirarbeidet og invitere deg og seljar til kontraktsmøte, for å møtast og signere på at bustaden skal bli din.