Kjøpe eller selje bustad først?

Dei fleste vel å kjøpe bustad først, men dette avheng av den økonomiske situasjonen din og korleis bustadmarknaden er i området ditt.

Kva er bustaden verd?

Det er smart å ta kontakt med ein meklar tidleg. Du treng å vite verdien av den noverande bustaden din – før du kan søke om nytt bustadlån.

Lokale meklarar i EiendomsMegler 1 kjenner området ditt og veit kor mykje bustaden din er verdt i dagens marknad. Meklar kan også gi deg gode råd om bustadsalet.

Kva har eg råd til?

Bustadlånskalkulatoren vår gir deg ei utrekning på kor mykje du kan få i bustadlån, og kva lånet vil koste i månaden.

Søk finansieringsbevis

For å vite kor langt du kan gå i bodrunda treng du eit finansieringsbevis frå banken. Raskt svar, som oftast i løpet av same dag.

Bustadjakta

Når du veit kva du har råd til, begynner den spennande bustadjakta. Finn du ikkje draumebustaden på Finn eller andre stader? Hugs at du alltid kan kontakte eigedomsmeklarane våre direkte. Dei har god oversikt over kva som kjem for sal i området og prisklassen din.

Kontraktsmøte med meklar og seljar

Når du har vunne bodrunda blir du kalla inn til eit kontraktsmøte – enten digitalt, eller på meklarkontoret. I forkant av møtet får du tilsendt akseptbrev og utkast til kontrakt. I møtet er det  første gong du møter seljaren, og de signerer kontrakten og avtaler dato for overtaking.

Signere lånepapir

Først no blir finansieringsbeviset ditt gjort om til eit bustadlån. Sørg for at banken får ein signert kopi av kontrakten du nettopp signerte .

Kjøper du ny bustad før du sel, vil du i ein periode eige og ha lån på to bustader. Dette kallast mellomfinansiering.

Banken ordnar alt, og gir deg beskjed når du skal signere på lånepapira. Dette bør du gjere i god tid før overtakinga.

Vel eigedomsmeklar

Det handlar om store verdiar, og det er mykje å tenke på når du skal selje bustaden din. Derfor er det viktig at du finn ein meklar du kommuniserer godt med. Det er heilt opp til deg kva eigedomsmeklar du vel å bruke. Valet du tar påverkar ikkje lånetilbod frå banken.

Slik gjer du bustaden klar

Kanskje er det oppgraderingar eller mindre grep du bør gjere for å gjere bustaden meir attraktiv? Meklar gir deg råd om kva som er smart å gjere før den blir lagt ut på marknaden.

Annonsering og visning

Meklaren hjelper deg med annonsering slik at den riktige kjøparen kjem på visning. Vis fram bustaden innbydande og koseleg, men ikkje personleg.

Gjer deg klar til bodrunda

Bodfristen er vanlegvis kl. 12 dagen etter siste visning. Fristane kan vere korte og det er viktig at du er tilgjengeleg for meklaren. Tenk gjennom ulike utfall av bodgjevinga på førehand. Til slutt må du bestemme deg for om du aksepterer eit av boda.

Delta på kontraktsmøte hos meklar

Meklaren din kallar inn til kontraktsmøte. Denne gongen er du med som seljar og møter kjøparen som vann bodrunda. Meklar styrer møtet, og sørger for at alle avklaringar rundt overtaking og oppgjer blir forstått.

Overta den nye bustaden din

Før du kan ta over den nye bustaden din, må betalinga vere på klientkontoen til meklar. Som kjøpar har du ansvaret for at dette blir gjort, men det er bankrådgjevaren som gjer overføringa.

Overlever den gamle bustaden din

Gjer klar den gamle bustaden din for overlevering til ny eigar. Fyll ut overtakingsprotokoll, og sørg for at meklar får denne.

Bli kvitt lånet på den gamle bustaden din

Hugs at fram til du har overlevert den gamle bustaden din til ny eigar, vil du eige to bustader og ha to lån. Mellomfinansieringa blir avslutta når oppgjeret for salet er klart.

Gå gjennom forsikringar

Sjekk at  bustadforsikringane  dine er oppdatert til ny bustad. Når du flyttar er det også smart å gå gjennom andre forsikringar sidan den økonomiske situasjonen din er endra.

Vedlikehald

Vedlikehald er skadeførebygging i praksis. Råda i  vedlikehaldskalenderen  vår er utvikla av fageksperter og er basert på skadestatistikk over hyppige skader i heimen.

Pusse opp

Kanskje treng du å pusse opp, eller utbetre noko i den nye heimen din? Hugs at rådgjevarane våre aldri er langt unna for ein prat om moglegheitene dine.