Tips og råd
Tips og råd
Slik kjem du i mål med oppussinga
Oppussing startar gjerne med store draumar og mange planar. For nokon endar det opp med å vere meir stress enn gøy. Her er tipsa våre til å kome i mål med oppussingsdraumen.
Kva moglegheiter har du?
Det er viktig å få ei oversikt over økonomien medan du framleis er tidleg i prosessen. Sjå kor mykje det er realistisk at du kan spare på førehand og kva moglegheiter du har for å eventuelt låne noko i tillegg.
- Vil du gjere mesteparten av jobben sjølv? Betyr dette at du ikkje treng å ta opp lån og kan betale heile oppussinga med oppsparte middel?
- Vil du berre bli fort ferdig og betale folk for å gjere jobben med dei ekstra utgiftene det inneber?
Vi hjelper deg meir enn gjerne med å få oversikt over moglegheitene. Ta gjerne ein runde på planar og utgifter i forkant – jo meir du veit, desto lettare kan vi finne den beste løysinga saman.
Kor mykje vil det koste å pusse opp?
For å finne ut kor mykje pengar du treng er det lurt å setje opp eit estimat på alle kostnadane.
Deler du opp prosjektet i fasar er det enklare å hugse på alt av små og store utgifter. Set du i tillegg opp ein tidsplan, får du ei oversikt over når du treng å ha pengane på konto.
Slik kan du redusere utgiftene:
- Hent inn tilbod frå fleire handverkarar. Då har du eit godt samanlikningsgrunnlag.
- Finn ut kva materiale du treng, og be om eit tilbod. Det er mykje å hente ved å samle materiala i ein større ordre.
- Ta deg tid til å sjå på fleire løysingar og ver sikker på vegen vidare før du set i gang. Endrar du planane undervegs kan det fort bli dyrt.
Legg ein plan for sparing
Med eit oppussingprosjekt er det som regel store utgifter over lengre tid. Då er ein månadleg spareplan smart. Legg ein plan og sett av eit fast beløp kvar månad. Du kan heller spare meir i periodar du er ekstra motivert.
Set opp ein eigen konto til formålet, slik at du har full oversikt over kva du har tilgjengeleg og pengane ikkje blir brukt til andre ting.
Treng du lån til oppussing?
Sjå kva for nokre lån som passar behovet ditt best.
Auk bustadlånet
Har de eit bustadlån frå før? Då kan den enklaste og rimelegaste løysinga vere å auke det eksisterande lånet.
Hugs at lånet framleis ikkje kan vere høgare enn 85 prosent av verdien på bustaden. Viss bustaden har stige i verdi sidan de tok opp lånet kan det vere lurt å få ei ny verdivurdering.
Byggelån
Skal de totalrenovere er byggelån eit alternativ. Byggelån har høgare rente enn bustadlån, men de betaler berre rente på det de har brukt så langt i prosjektet.
For å kunne låne meir pengar kan de prioritere det som bidreg til høgast verdiauke først.
Forbrukslån
For nokon kan eit forbrukslån vere tilstrekkeleg.
Forbrukslån er den dyraste løysinga, men det kan vere ei moglegheit om de ikkje kan bake lånet inn i eit eksisterande lån. Fordi renta er høg, bør du passe på å betale ned lånet raskt – elles blir det fort veldig dyrt.
