Tips og råd
Tips og råd
Her finn du alt du treng å vite om gjeldsregisteret
Gjeldsregisteret gir deg full oversikt over kva du har i kredittkort- og forbruksgjeld. Slik kan du bruke oversikta til å ta smarte val for økonomien din.
Her finn du alt du treng å vite om gjeldsregisteret
Kva er gjeldsregisteret?
Gjeldsregisteret er ei oversikt over nordmenn si usikra gjeld. Det vil seie all kredittkortgjelda di, alle forbrukslån og kjøpekreditt du har. Målet med gjeldsregisteret er å førebygge betalingsproblem.
Med dette registeret har det blitt enklare for bankane å vurdere heile den økonomiske situasjonen din, og dermed forhindre at du lånar meir enn du har råd til. Det gir deg også god innsikt i og forståing for din eigen økonomi.
Ofte stilte spørsmål om gjeldsregisteret
Kva slags informasjon finst i gjeldsregisteret?
I gjeldsregisteret står mellom anna:
- Namnet på selskapet du har lånt av
- Kor mykje du skuldar i dag
- Kor stor kredittgrensa di er
- Kva renta på lånet ditt er
Du som har forbrukslån vil også sjå kor mykje du opphaveleg lånte, kor lenge du har igjen å betale på lånet og kor mykje du skal betale kvar månad.
Alle desse opplysningane hentast inn frå rundt 200 bankar og finansføretak som kan gi usikra lån. Informasjonen blir kontinuerleg oppdatert.
Kvifor treng vi eit gjeldsregister?
Bankane treng registeret for å hindre at du lånar meir enn du har råd til.
Norske hushaldningar ligg i verdstoppen i privat gjeld. Gjeldsregisteret skal vere med på å hindre at folk si gjeldsgrad held fram med å auke.
Kva betyr eit gjeldsregister for meg?
I gjeldsregisteret får du ei komplett oversikt over alle kredittar du har, enten dei er i bruk eller ikkje. Når banken vurderer økonomien din, er det størrelsen på kredittgrensa på kredittkortet ditt som tel – ikkje kor mykje du faktisk har brukt.
Med kredittgrensa meiner vi beløpet du har moglegheit til å bruke på kredittkortet ditt. Kredittgrensa er viktig å ha oversikt over, både for bankane og for deg. Viss du skulle hamne i en vanskeleg økonomisk situasjon vil vi ikkje risikere at du brukar all kreditt du har og gjer situasjonen verre.
Viss økonomien din ikkje toler at du brukar alle kredittgrensene du har, er det ingen som har lov til å låne deg meir pengar. Merk at du også skal tole ei renteauke på 3 prosent på alle låna dine, i tillegg til bustadlånet.
Gjeldsregisteret påverkar ikkje eksisterande lån, men er med i vurderinga neste gong du skal søke om lån eller utvide lånet du har.
Kven har ansvar for gjeldsregisteret?
Vi i SpareBank 1 brukar informasjon frå Norsk Gjeldsinformasjon AS, som er drive av Finans Norge.
Stortinget vedtok lova som gjorde at vi fekk eit gjeldsregister i Norge – den såkalla Gjeldsregisterlova.
3 tips til ein ryddigare økonomi
Det å samle kreditten er ikkje så dumt. Vårt råd er å samle mest mogleg av kreditten i eigen bank, då har du oversikt over forbruket i mobilbanken.
Med eit bevisst forhold til kor mykje du har i kreditt, kor mykje du har brukt – og ikkje minst kva du har brukt den på – vil du få betre kontroll på eigen økonomi.
Mange har kredittkort eller kredittramme dei ikkje har brukt på årevis. Då kan det vere lurt å ta ei opprydding.
- Det er lurt å redusere kredittramma på kredittkorta du ikkje brukar.
- Ta ei vurdering på om du verkeleg treng alle kredittane du har, og om du treng så store kredittgrenser.
- Er det nødvendig å ha fordelskort med smale bruksområde? Du treng kanskje ikkje eit kort som gir rabatt på byggevarer no når du er ferdig med oppussinga.
I mobilbanken kan du få full oversikt over kreditten og forbrukslåna dine. Der kan du samtidig ta ein rask sjekk for å finne ut om du bør refinansiere noko av den dyre gjelda di.
Å refinansiere gir deg lågare månadlege utgifter og ein sunnare økonomi – både i det daglege og i banken sine berekningar.
Sjå forbruksgjelda di i nett- og mobilbanken.
Visste du at du kan sjå alle forbrukslåna dine og kredittkort i mobilbanken og nettbanken hos oss, uavhengig av kva bank du har forbruksgjelda hos?
