Tips og råd
Tips og råd
Betal ned lån eller spare?
Er det smartest å betale ned lånet eller spare? Det avhenger litt av kva slags lån du har. Det aller beste er om du klarer begge deler samstundes.
Betal ned lån eller spare?
Har du kredittkortgjeld eller forbrukslån?
Viss du har kredittkortgjeld eller forbrukslån bør du prioritere å betale ned på desse låna først, då dette er dyre lån med høg rente.
Sjølv om du har forbruksgjeld bør du ikkje droppe sparinga. Du bør prøve å legge opp ein buffer til uventa utgifter. Plutseleg ryk vaskemaskina eller du får ei unormalt høg straumrekning, då er det lurt med litt pengar på lur. Vi anbefaler minimum ei månadslønn på konto til uventa utgifter.
Har du vurdert å samle kredittkort og forbrukslån i eit felles lån? Med refinansiering samlar du alle smålån på éin stad, får betre oversikt og sparar pengar.
Har du bustadlån
Vi anbefaler at du først betalar ned på bustadlånet ditt til eit nivå du er komfortabel med, gjerne under 75 prosent av bustaden sin verdi. Etter det bør du:
- Betale ned rente og avdrag
- Spare månadleg til bufferkonto
- Spare månadleg til langsiktig sparing
Skal det løne seg å spare langsiktig medan du har lån, bør du spare i noko som gir deg høgare forventa avkastning enn renta på bustadlånet. Du kan til dømes setje sparepengane i fond.
Har du låg eller ingen gjeld?
Har du låg eller ingen gjeld? Har du bufferkonto til uforutsette utgifter? Då bør du sjå på andre måtar å spare på. Alderen din og ønska spareperiode avgjer korleis du bør spare.
- Er du under 34, er det smartast å fylle opp BSU-sparinga først. Deretter bør du spare i fond.
- For deg som er over 34 vil fondsparing i ein eller annan form vere det mest fornuftige.
- Er du pensjonist, eller skal snart gå av med pensjon? Med ein kortare tidshorisont på sparinga, kan det vere betre å spare i ein sparekonto. Våre rente- eller kombinasjonsfond kan også vere ei god løysing for deg.
Sats på ei kombinasjon av nedbetaling og sparing
Ved å betale ned på gjelda di samtidig som du også sparer litt, vil du få fleire økonomiske bein å stå på – i tillegg til eigenkapitalen i bustaden.
Vi anbefaler at du:
- Nedbetaler gjelda di.
- Har pengar på konto for uventa utgifter (bufferkonto).
- Kjem i gang med langsiktig sparing.
Kor mykje, og korleis, burde eg spare?
Kor mykje du burde spare avhenger av din økonomiske situasjon, men vi anbefaler at du prøver å spare 1/10 av det du får utbetalt i lønn.
Det viktigaste er ikkje kor mykje du sparer, men at du sparer. Start tidleg, så kan sjølv små summar vekse seg store over tid. Prøv å spare regelmessig og sett opp eit månadleg trekk den same dagen som du får lønn.
Framleis usikker?
Dette med sparing og lån er ikkje alltid så lett. Vi er her for deg! Send oss ei melding på chat eller kontakt ein rådgjevar for hjelp.
Tips og råd
Tips og råd
