Slit du økonomisk?

• Skal du lykkast med å komme deg ut av det økonomiske uføret, må du erkjenne at du har eit problem og bestemme deg for å gjere noko med det. 
• Skaff deg så god oversikt over situasjonen som mogleg. Jo meir du veit, jo lettare er det å ta tak. 
• Vêr open overfor familien. Å halde det hemmeleg gjer ofte situasjonen vanskelegare.
• Gjer det vanskeleg for deg sjølv å ta opp lån på impuls. Hos eit kredittopplysningsbyrå kan du registrere ei frivillig kredittsperre, slik at du ikkje kan ta opp usikrede lån. Du kan sjølv fjerne sperra når du ønsker det.

• NAV tilbyr gratis økonomisk rådgjeving basert på behovet ditt.
• Du kan ringe 800 GJELD (tlf 80045353) for å få rettleiing over telefonen, viss du føler at du står fast. 
• Du kan få hjelp til å lage ei oversikt over den økonomiske situasjonen din, og setja opp eit realistisk budsjett.
• Du kan òg få hjelp til å mellom anna gjera avtaler med dei du skylder pengar og skriva søknad om å utsetje betalingar.

Les meir om økonomisk rådgiving på nav.no

Les meir om økonomi- og gjeldsrådgiving på finansnorge.no

Vi anbefaler at du alltid bruker det offentlege tilbodet om gjeldsrådgiving. Kundane som har knytt seg til ulike private gjeldsrådgivarar har blanda erfaring med dette, og slik hjelp kan vise seg å bli kostbar.

• Kontakt kreditorane dine så raskt som mogleg for å vise at du jobbar med ei løysing, og for å hindra at du held fram med å få nye kostnader i den perioden du treng for å komme fram til ei løysing.
• Start på tvers av alle kreditorane. Ikkje prioriter løysingar for dei kreditorane som er hissigast i krav, utan at du ser at det er mogleg å finne ei totalløysing for heile gjelda di. Alle kreditorar må behandlast likt, med same rente, og få same informasjon av deg. 
• Vêr open om kva du har å rutta med, og send alle kreditorar ei oversikt over månadsøkonomien din og totallista over kreditorar. Har du ei oversikt over betalingsevna di (inntekta di minus forbruks- og bustadutgifter) per månad, eller moglegheit til å auke inntekta di ved å til dømes selja ein bil eller andre verdisaker, er dei fleste kreditorar villig til å inngå betalingsavtalar med deg. 
• Vêr òg konkret når du foreslår kva delbetalingar du kan gjera på gjelda framover. Erfaringa vår er at dei fleste kreditorar som ikkje har pant i bil eller bustad, strekker seg langt for å finne ei betalingsordning med deg.
• Har du fleire smålån eller kredittkortgjeld fleire stader, kan det lønne seg å samle desse i eitt lånn. Det gir færre gebyr og betre oversikt.

• Du kan bruke eit referansebudsjett for normalt forbruk for å sjå om du kan spare eller kutte noko i det daglege forbruket ditt.
• Du kan òg vurdera kva moglegheiter du har til å auke inntektene dine. Kan du forhandle på lønna di? Har du noko du kan selje, som til dømes bil, teknologi eller andre verdigjenstandar? Alle moner drar!

Sjå referansebudsjettet på sifo.no