Tips og råd
Tips og råd
Kva viss eg blir arbeidsledig?
Er du redd for å bli arbeidsledig? Her finn du gode råd for ein tryggare kvardag.
Planlegg økonomien din
Viss inntekta di går ned, krev det at du planlegg økonomien din på nytt.
Inntekt
Ein god stad å starte, er å finne ut kor mykje du kan forvente å få inn på konto.
- Er lønna di redusert? Kva er den nye lønna?
- Er lønna di erstatta av dagpengar? Kor mykje dagpengar får du?
- Kva andre inntektskjelder har du: Husleige, barnetrygd, skattepengar, feriepengar?
- Kan du skaffe deg andre inntektskjelder: Har du noko du kan eller bør selja? Kan du skaffa deg anna arbeid?
- Har du betalingsforsikring, som kan hjelpe deg å redusera utgiftene i denne perioden?
Buffer
Har du ein buffer, eller andre sparepengar? Altså pengar du har lagt til side for ein regnværsdag. Før du brukar av sparepengane, bør du tenke over:
- Kor stor er bufferen?
- Kvar er bufferen din plassert? Kan du bruke av den umiddelbart eller er det nokon avgrensningar?
- Hugs at bufferen berre kan vere til hjelp ein periode. Den viktigaste jobben er å setje utgiftene til eit nivå du kan tole på sikt.
Kva kan du kutta?
Viss inntektene ikkje strekker til, er nok svaret at du må redusere utgiftene. Denne jobben handlar ofte om bevisste val. Tenk over kva utgifter du kan kutte heilt og kva du kan redusere:
- Mat er ein av dei største utgiftene i eit hushald: Set opp ein middagsplan og et matbudsjett. Følg med på tilbod.
- Bruk restane og tøm fryseboksen, nettet gir mange gode tips for å redusere matsvinnet.
- Kan du redusere køyrelengda på bilforsikringa di?
- Skal du ha ein periode utan å kjøpe nye klede? I staden kan du bruka nokon du ikkje har brukt på lenge, eller låne av andre?
- Er det nokon tenester du ikkje brukar og som du kan få refundert no?
- Kor mykje brukar du på snus, snop, flaskevatn og på cafe? Full oversikt over forbruket ditt kan du også finne i Økonomien min i mobilbanken og nettbanken
Heilt greitt å søke avdragsfridom
Avdragsfridom kan vere til god hjelp viss inntekta går ned ein periode. Vêr likevel oppmerksam på at den totale kostnaden på lånet aukar ved bruk av avdragsfridom.
Budsjett gir deg kontroll
Kva brukar du pengane dine på?
Eit budsjett kan hjelpe deg med å få eit meir bevisst forhold til pengane du får inn og kva du brukar pengar på. Her finn du eit forslag til budsjett du kan bruke.
Full oversikt med Min økonomi
Økonomien min gir deg ei god oversikt over kor mykje du har brukt på til dømes dagligvarer, lågn, kafebesøk og andre ting. Bestem deg for kva utgifter du skal kutte.
Her finn du Min økonomi
Logg inn i mobilbanken eller nettbanken.
Vel Økonomien min i oversikta
Ikkje spar på sparinga
Det kjennast ikkje alltid like lett, men det er smart å ha litt ekstra pengar på kontoen viss det dukkar opp uventa utgifter, eller viss du får lågare lønn. Kor mykje du sparar kjem an på kor mykje du har råd til.
Spareveilederen i mobilbanken og nettbanken hjelper deg til å finne sparinga som passar for deg.
Førebu deg – viss du kan
Merkar du at rekningsbunken veks, og at kontoen er tom før lønningsdagen? Har du mista delar av inntekta på grunn av arbeidsløyse, sjukdom eller samlivsbrot? Her får du gode råd for å få orden på økonomien.
Du kan alltid kontakte oss for å be om hjelp, og jo tidlegare du ber om råd, jo lettare er det å finne ei løysing du kan leva med. Ikkje sit med bekymringane dine åleine, snakk med oss. Vi er her for å hjelpe!
Kva lurer andre på?
Det kan verke freistande å spare nokre kroner på å seie opp forsikringane dine når du skal gjere kutt i kvardagsøkonomien. Men er det eigentleg noko du har råd til å gjere?
For å svare på spørsmålet: Du kan spare nokre hundrelappar, men til gjengjeld risikerar du å tape veldig mykje meir om helsa skulle svikte.
Forsikringane sikrar deg mot det uforutsette. Plutseleg skjer det noko som påverkar helsa di. Utan forsikring vil du ikkje få dekka opp det økonomiske tapet du får ved å ikkje kunne arbeide – og det kan koste deg veldig mykje meir enn du sparar. Det offentlege hjelp deg med å overleve, men ikkje med å leve. Det er fryktelig surt om til dømes eit nytt tilvære som ufør også skulle ta frå deg moglegheita til å behalde hus, bil eller fritidsaktivitetane til barna.
kva med helseerklæringa som må fyllast ut på nytt, viss du bestemmer deg for å gjenoppta personforsikringane på eit seinare tidspunkt? Dette kan medføre atterhald som ikkje eksisterar i dag, og prisen kan òg auke etter ei ny helsevurdering.
Det er ingen tvil om at tider med rentehevingar og prisstigningar merkast på lommeboka. Mange opplev å få ein strammare økonomi, med høgare straumrekningar, dyrare daglegvarer og høgare bustadslånsrente. Då er det absolutt verdt å ta ein gjennomgong av økonomien. Still deg sjølv spørsmålet om kor du kan spare pengar som ikke går på bekostning av forsikringane dine.
Er du bekymra for økonomien anbefalar vi deg å kontakte oss – slik at vi saman kan sjå på kvarr du kan spare.
Arbeidsløyseforsikring
Arbeidsløyseforsikring er gjerne det som vert kopla til betalingsforsikring for bustadlån. Det vil sei ei forsikring som dekker nedbetaling av bustadlånet i perioden etter oppsigelse eller i perioden du er sjuk eller permittert.
Vi tilbyr dessverre ikkje ein slik arbeidsløyseforsikring. Men vi kan tilby deg å kjøpe betalingsforsikring for køyretøy-, forbruks- og kredittkortlån, som kan vere til stor hjelp dersom du skulle bli permittert, miste jobben eller bli langvarig sjuk.
Betalingsforsikring for kredittkort hjelper deg å nedbetale 10 % av det du skylder i opptil 10 månadar dersom du blir arbeidsledig, sjuk eller utsett for ei ulykke. Ved kritisk sjukdom eller dødsfall blir uteståande gjeld på kortet sletta med inntil 150.000 kroner.
Forsikringa må kjøpast i løpet av dei 3 første månadane etter du har bestilt kredittkort. Dette gjer du enkelt i nett- og mobilbanken inne på kredittkortet ditt.
Betalingsforsikringa kostar 0,6 % av kortgjelda kvar månad. Du betaler berre dei månadane du har gjeld på kortet.
Å refinansiere vil seie å gjere endringar på eksisterande gjeld. Her er tre døme på refinansiering av bustadlån:
- Du slår saman lån:
Har du fleire lån som til saman utgjer mindre enn 85 % av verdien på bustaden din, kan du slå saman desse til eitt lån, med éi rente og éin nedbetalingsplan. - Du får lågare rente:
Bustaden din har stige i verdi og/eller du har betalt ned så mykje på lånet at du har lågare belåningsgrad og dermed kan få lågare rente. - Auke lånet ditt i banken
Viss du skal pusse opp eller gjere andre investeringar kan du auke lånet du har på bustaden din i dag.
