Mobilbank
Med mobilbank er det enklare å styre kvardagsøkonomien. I Norges beste mobilbank kan du tilpasse ting akkurat sånn du vil.
Slik aktiverer du mobilbanken
Søk opp SpareBank 1 i App Store eller Google Play.
Opne appen og klikk "Kom i gang"
Lett å bruke og raskt å gjere vanlege bankting.
Kundeservice er open kvar dag,7 - 22 (10 - 18) heile året frå
Mobilbanken er gratis å laste ned, og gratis å bruke. Sjå den fullstendige prislista til banken.
Last ned for iPhone og iPad
Last ned for Android
Ting i mobilbanken som gjer kvardagsøkonomi enklare
Oversikt over pengebruken
I min økonomi blir alt du bruker delt opp i kategoriar så du får betre oversikt over privatøkonomien din. Det er enkelt å sjå kva du har betalt for og kor mykje. Ein gyllen moglegheit til å finne ut om du er fornøgd med pengebruken, eller om du kan spare nokre kroner her og der.
Her finn du Min økonomi
- Logg inn i mobilbank
- Vel ein konto
- Vel fana Min økonomi
Enkelt å komme i gang med fondssparing
Sparing i fond er det beste valet når du skal spare langsiktig. I Norges beste mobilbank er det enkelt å komme i gang!
Her finn du fondssparing:
- Logg inn i mobilbanken
- Under Sparing på oversiktsida trykker du på Start sparing
- Vel Spar i fond. Her kan du velje mellom ferdiglagde fondsløysingar som SpareBank 1 Alt-i-ett, fondspakken SpareBank 1s utvalde eller du kan velje fond heilt fritt sjølv.
- Etter at du har valt spareløysing legg du inn beløpet du ønsker å spare, anten som fast månadleg sparing eller som eit eingangskjøp.
Hurra! Du har tatt eit godt val med sparinga di.
Logg inn og betal med finger eller ansikt
Å logge inn med fingeren eller ansiktsgjenkjenning kjenner du kanskje til, og no kan du også betale på same måte. Då går det endå raskare enn før!
Du kan betale med finger og ansikt på alle betalingar under 5.000 kroner.
Slik gjer du det:
- Logg inn, gå til menyen Meir, og vel Innstillingar.
- Vel Betaling, så Godkjenning og til slutt Godkjenne betaling.
- Vel På og Stadfest med BankID eller BankID på mobil.
Saldo med eit sveip
Treng du å sjekke kor mykje pengar du har på kontoen lynraskt? Med widgeten vår ser du saldoen med eit sveip.
Få saldo med sveip på iphone:
- Frå Heim-skjermen på telefonen trykker du og held på eit appikon, ein widget eller på eit tomt område heilt til appane ristar.
- Trykk på Legg til (+) øvst til venstre.
- Søk etter Mobilbank og vel widget. Du kan velje mellom ulike størrelsar.
- Trykk på Legg til widget og Ferdig.
Få saldo med sveip på Android:
- Trykk og hald på ein tom stad på startskjermen til menyen dukkar opp.
- Vel widgets og finn Mobilbank frå SpareBank 1.
- Trekk widgeten inn på ein tom stad på skjermen.
Sjå alle kredittkort og forbrukslån
No kan du sjå alle kredittkorta og forbrukslåna dine, uavhengig kva bank du har dei i. Informasjonen hentar vi frå Norsk Gjeldsinformasjon.
Oversikta gir deg meir kontroll over alle smålåna og kreditten din. Kanskje du har eit kredittkort du hadde gløymt? Eller ein lånekonto du ikkje har brukt?
I oversikta kan du òg sjekke om du bør refinansiere nokre av låna eller kredittkorta dine, viss det lønner seg. Då kan du får meir å rutte med.
Sånn ser du forbrukslåna og kredittkorta dine:
1. Gå til Oversikt.
2. Trykk på Legg til konto eller kort.
3. Trykk på Kredittkort og forbrukslån.
4. Gi samtykke til at vi kan hente informasjon frå Norsk Gjeldsinformasjon.
Enkel pensjonsoversikt
I mobilbanken får du god oversikt over pensjonen din. Du kan enkelt sjå kor mykje du bør spare, for å få den pensjonen du vil ha når du blir pensjonist.
Få oversikt og rydd i abonnement
Visste du at du kan endre eller avslutte abonnement og faste utgifter i mobilbanken? Start med å få oversikt over alle dei faste utgiftene dine. Viss du finn noko du ikkje bruker så mykje, kan du endre eller avslutte dei med ein gong.
Her finn du abonnementa dine:
- Logg inn i mobilbanken og vel ein konto.
- Gå til Min økonomi og Faste utgifter.
- Trykk på ei utgift for å endre eller avslutte.
Enkel betaling av rekningar på papir og e-post
No er det enkelt å betale papirfaktura og rekningar på e-post i mobilbanken. Du tar bilde av papirfakturaen eller kopierer fakturaen frå e-posten og slepp kopiering av kontonummer og KID.
Papirfaktura - slik gjer du:
- Vel Betale i mobilbanken.
- Vel konto å betale frå og trykk på kamera-ikonet øvst til høgre og vel Kamera.
- Ta bilde av papirfakturaen, så kjem informasjonen automatisk opp i betalingsbildet.
Rekning på e-post - slik gjer du på iOS:
- Opne fakturavedlegget du har fått på e-post.
- Klikk på symbolet for å laste opp og vel ikonet for mobilbank. Viss du ikkje ser ikonet for mobilbanken, finn du det under Meir.
- Beløp, forfallsdato, KID og kontonummer blir automatisk fylt ut.
Kom i gang med mikrospar på 1-2-3
La sparinga gå av seg sjølv Med mikrosparing kjem du litt nærare sparemålet ditt kvar gong du bruker kortet.
Her finn du mikrosparing:
- Logg inn i mobilbanken
- Under Sparing på oversiktsida trykker du på Start sparing, deretter Spar på konto
- Trykk på Spar kvar gong du dreg kortet, og vel om du vil spare eit fast beløp, ein prosentandel av det du handlar for, eller eit avrunda beløp kvar gong du bruker kortet.
Du er i gong med sparinga neste gong du dreg kortet!
Fast overføring av vekepengar
Eit smart tips for ein enklare kvardagsøkonomi og privatøkonomi er å sette opp fast overføring av vekepengar til barn. Då slepp du å hugse på det kvar veke.
Sjå også meir informasjon om mobilbank for barn og korleis du bestiller mobilbank for barn.
Chat og open kundeservice
Treng du hjelp til stort og smått om personleg økonomi, kan du chatte med oss eller kontakte kundeservice i mobilbanken.
Chatten finn du under menyen "Meir" nedst til høgre i mobilbanken. Viss chatboten ikkje kan svare, blir du sett over til ein rådgjevar.
Kundeservice er open kvar dag Telefonnummeret finn du i appen før du loggar inn. Klikk på dei tre strekane øvst til venstre.
Andre smidige ting
- Del konto med kven du vil
Dei du deler med kan sjå saldo og kontobevegelsar, men kan ikkje ta ut pengar. Les meir om deling av konto
- Legg til og betal med konto frå annan bank
I mobilbanken vel du Legg til konto eller kort og Legg til konto frå annan bank. Vel bank, og kontoen du vil sjå.
- Sjå studielånet ditt i mobilbanken
I mobilbanken trykker du på Legg til konto eller kort, og hentar inn studielånet.
- Få pushvarslinger på mobilen
I mobilbanken trykker du på Meir i menyen nede til høgre, trykk så på Varslingar og Tillat pushvarslingar. Her får du også velje kva du ønsker varsel om.
Du har Norges beste mobilbank!
Vi er superstolt av mobilbanken vår, og veldig glad for at Cicero Consulting no har kåra den til Norges beste mobilbank.
Rapporten analyserer dei norske mobilbankane og gir innsikt i kva som kjenneteiknar dei beste løysingane på markedet.
Veit du kva bilen kostar deg?
Under Mine køyretøy i mobilbanken får du betre oversikt over kva det kostar å ha bil, båt og andre køyretøy.
Du ser mellom anna:
- Lån og forsikringar
- Leasingavtalar eller Fleks bilabonnement
- AutoPASS avtalar og bompasseringar
- Dato og frist for EU-kontroll
Ta ein titt på mobilbanken
Sett av pengar
- og lag eigne kontoar for ulike formål
Få kontroll på forbruket
- og finn ut kvar pengane blir av
Spar enkelt til pensjon
- for du vil vel ha like god råd som pensjonist?
Smarte tips i mobilbanken
Nokre gonger må du berre fikse ting kjapt. Du kan òg melde skade, endre køyrelengde på bilforsikringa, søke lån og endre lånet.
Plutseleg tomt på kortet?
Med mobilbanken flyttar du kjapt pengar til kortet utan å lage kaos i køa.
Er kortet vekke?
Ta det roleg. Du kan sperre kortet ditt i mobilbanken. Finn du det igjen, er det like enkelt å opne igjen.
Vanskeleg å spare?
Neida, startar du mikrosparing sparer du litt kvar gong du bruker kortet. Då går det av seg sjølv.
Kva lurer andre på?
Det er enkelt å logge inn i mobilbanken! Første gong må du logge inn med BankID (eller med løysinga "Uten BankID" viss du bruker det). Etter dette loggar du inn enten med ein sjølvvalt PIN-kode, eller du kan bruke biometri – det vil seie fingeravtrykk eller ansiktsgjenkjenning (Face ID).
Mobilbank kan du få frå du fyller 13 år dersom du har BankID. Er du 12-14 år må BankID bestillast av foreldre eller føresette. Dersom du er 15 år eller eldre kan du komme innom eit av bankkontora våre for å få BankID. Hugs å ta med gyldig pass eller norsk nasjonalt ID-kort.
For barn over 6 år har vi Spink - mobilbanken for barn.
Har du gløymt PIN-koden til mobilbanken, eller ønsker du å endre den, må du aktivere mobilbanken på nytt. Dette gjer du enkelt frå innloggingsskjermen i mobilbanken.
Trykk på menyen oppe til venstre (3 strekar). Trykk så på Gløymt PIN og Lag ny PIN.
Hugs at du må bekrefte med BankID for å endre PIN.
Sjå også:
Gløymt BankID-passord
Gløymt PIN-kode mobilbank for barn
Gløymt PIN-kode bankkort
Glemt PIN-kode kredittkort
Ja. Synkronisering med Apple Watch kan aktiverast i mobilbanken under Meir – Innstillingar – Klokkebank. Du kan ikkje utføre banktenester på klokka, men den hjelper deg med å halde oversikta over saldo og transaksjonar. Mobilbank på Apple Watch vil berre fungere når du har klokka i nærleiken av mobiltelefonen din.
Viss du har BankID-appen på telefonen din, må du ta kontakt med oss på 57 82 97 00 for å sperre BankID-en din.
Dette gjeld også viss du har ein av dei gamle innloggingsløysingane liggande igjen på telefonen (BankID på mobil eller eingongskode-appen).
