Vis alle kredittkorta dine og forbrukslån i mobilbanken
Visste du at du enkelt kan sjå all forbruksgjelda di i nettbanken vår, også gjeld du har andre stadar?
Full oversikt med få klikk
Har du kredittkort liggande som du ikkje brukar så ofte? Kanskje også nokre handlekontoar? Viss du føler du har mista litt oversikten over kor mykje du har i kreditt og gjeld – og hos kven – er dette ein kjempeenkel måte å ta kontrollen tilbake på.
Med eit bevisst forhold til kor mykje du har i kreditt, kor mykje du har brukt – og ikkje minst kva du har brukt den på – vil du få betre kontroll på eigen økonomi.
Slik gjer du det:
Nedst i mobilbanken finn du overskrifta Hent informasjon. Her vel du Kredittkort og forbrukslån.
Dette lurer andre på
Kva slags informasjon kan eg få opp om låna?
I mobil- og nettbanken kan du få opp følgande om alle dine usikra lån, både kredittkort og nedbetalingslån:
- Kredittramma på kredittkortet
- Kor mykje du har brukt av kredittramma
- Rentebærende balanse (kor stort beløp det kjem renter på)
- Gjenverande beløp på nedbetalingslånet
- Nedbetalingsplan
- Nominell rente og månadleg gebyrkostnad
- Kven du har lånet hos
- Om du har medlåntakar på lånet eller ikkje
Kvar får de informasjonen frå?
Informasjonen får vi frå Norsk Gjeldsinformasjon og er henta frå det nasjonale gjeldsregisteret.
Vi treng samtykke frå deg til å kunne innhente informasjonen frå dei. Samtykket lagrar vi i seks månadar. Etter dette må du gi samtykke på nytt for å fortsatt få opp alle låna i nett- og mobilbanken. Dette samtykket kan du når som helst trekke tilbake.
Korleis lagrar de opplysningane om låna eg har i andre bankar?
Vi hentar opplysningane kvar gong du loggar inn i mobil- eller nettbanken, og slettar dei når du loggar ut igjen, så vi lagrar dei faktisk ikkje i det heile tatt! Opplysningane vil ikkje eingong vere tilgjengeleg for tilsette i banken.
Sjekk om du bør samle smålåna dine
Har du fleire forbrukslån, eller kredittkortgjeld du betalar renter på over lengre tid, bør du vurdere å refinansiere forbruksgjelda di. Då samlar du alt i eitt lån, noko som betyr færre gebyr og lågare kostnadar.
NB! Hugs at også unytta kredittrammer som handlekontoar og kredittkort som berre ligg i skuffa er med på å avgrense kor mykje du kan ta opp i lån.
