Finn draumebustaden

Det kan vere vanskeleg å forstå kva ting betyr i bustadsalsrapporten, eller tilstandsrapporten som den òg kallast. Dette kan du lese meir om på nettsidene til Norsk takst. 

Skal du på visning er det lurt å vere godt førebudd, dette kan jo faktisk vere den einaste gongen du ser bustaden før bodrunda startar.

• Les nøye gjennom prospektet, bustadsalsrapporten og eigenerklæringa.
• Skriv ned alle spørsmål du måtte ha til meklaren.
• Bli kjent med området, sjå gjennom nabolagsprofilen i prospektet og ta deg gjerne ein tur i nabolaget.
• Spør nokon du kjenner som er handy om å vere med på visninga.
• Ser du for deg å pusse opp eller bygge på bustaden kan du spørre meklaren om reguleringsplan og avgjerder for eigedommen. 

• Bruk sjekklista aktivt, ta deg god tid og ta gjerne notat undervegs.
• Sørg for å sjå alle delar av eigedommen, både ute og inne.
• Ikkje ver redd for å stille spørsmål til meklar, spør om alt du lurer på. 
• Kjenn på magekjensla – svarer bustaden til forventningane dine?

Å gå på visning er gøy, det er jo trass alt din potensielle nye heim du ser på – lykke til!

Fell du for atmosfæren og møblane i ein bustad, kan det vere grenselaust skuffande å overta ei ribba leilegheit eller tomt hus. Det er klare reglar for kva som følger med sal.

Kvitevarer og brunevarer følger berre med viss dette står spesifikt i salsoppgåva, medan varmekjelder, garderobeskap og kjøkkeninnreiing følger med.

Når det er sagt, så er det også mogleg å forhandle med seljar om å få kjøpe ting som eigentleg ikkje er inkludert. Men dette må spesifiserast skriftleg.

Elektrisk anlegg

• Ta ein titt i sikringsskapet.
• Når blei det elektriske anlegget kontrollert sist?
• Når blei det skifta eller utbetra?
• Blei arbeidet utført av godkjent elektrikar og kan dokumenterast?
   

Røyropplegg

• Kva er alder og tilstand på røyropplegget?
• Når blei det skifta eller utbetra?
• Blei arbeidet utført av godkjent røyrleggar og kan dokumenterast?
• Må røyr eller varmtvasstank skiftast?
• Held varmtvasstanken til forbruket ditt?

Baderom og vaskerom

• Er det tilstrekkeleg fall mot sluk?
  Sjekk med eit vater eller ei klinkekule, eller berre sett på dusjen.
• Ser du teikn på fuktskadar?
  Bular, svarte prikkar eller misfarging på vegg, fliser eller fugar.
• Lukter det mugg, eller er fuktig?
• Er membranen lagt av fagfolk og kan dokumenterast?
• Er anna arbeid på badet utført av fagfolk og kan dokumenterast?

Kjøkken

• Fungerer avtrekksvifta som den skal?
• Er det teikn til fukt under røyra til vasken og oppvaskmaskina?
• Ser du skjoldar eller andre teikn til fuktskadar rundt oppvaskbenken eller på golvet?

Drenering og fuktsikring

• Lukta det mugg i kjellaren?
• Er det synlege teikn på fukt, som saltutslag eller skjoldar i kjellaren?
• På loftet, finst det sopp eller mugg på undertak, skorstein, vindauge, veggar eller golv?

Ventilasjon og eventuell radonmåling

• Verkar det som det er god luft i alle rom?
• Har det blitt gjort utbetringar på ventilasjon?
• Viss det er planlagt for utleige er det pliktig å gjere radonmåling, er dette gjort?
• Er det nybygg, er det påbode med radonsperre, forhøyr deg om dette er på plass.
• Du kan òg sjekke  på "Norges Geologiske undersøking" sine nettsider som har eigne radonkart for ulike område.

Uteområde

• Passar uteområda til det du vil bruke dei til?
• Korleis er solforholda på uteområda?
• Korleis er det med skjerming frå naboar, sol og eventuell støy?
• Korleis er det med parkering, og er tilkomsten privat eller offentleg?
• Er det noko spesielt du bør vite om, som tomtegrenser, sameige og fellesområde?
   

Ytterveggar og tak

• Kor gammal er panelkledninga?
• Bør den bytast?Kva er tilstanden på taket, er det lenge til dette bør bytast?
   

Balkong/terrasse

• Er det stor nok avstand i terrassedekket til at vatnet renn av?
  Viss det nettopp har regna, sjå etter vassamlingar.
• Er beslag og nedløp i god stand?

Fellesutgifter

• Er store fellesutgifter som vil dukke opp snarleg? Dette kan i så fall føre til auka fellesgjeld og husleige.
• Kva blir dekt av fellesutgiftene?
• Kva har blitt utbetra i burettslaget, er det til dømes bytta tak eller vindauge nyleg?

Nærområde

• Kor langt er det til butikken?
• Korleis er kollektivtilbodet i området?
• Er det god barnehagedekning i området?
• Kva skulekrets høyrer det til?
• Er det langt til næraste treningssenter?