Kva lurar du på?

Har du moglegheita til å spare i BSU – Bustadsparing for ungdom, er dette den smartaste måten å spare til eigenkapital. Her får du den beste renta på sparepengane dine, og inntil 2.750 kroner i skattefrådrag kvart år. Du kan spare i BSU til det året du fyller 33 år.

Har du ikkje moglegheit til å spare i BSU, finst det òg andre måtar å spare pengar på. Dette får du full oversikt over på våre sparesider.

Å spare opp nok pengar til bustad er ikkje nødvendigvis lett, spesielt viss du ikkje kjem i gong tidleg, men det finst heldigvis alternativ til sparing som kan vere til god hjelp:

• Nokon kan stille som kausjonist (i all hovudsak foreldre)
• Du kan arve pengar eller be om forskot på arv
• Du kan kjøpe saman med andre
• Du kan søke om statleg støtte

Du kan lese meir om desse alternativa på sida Bustadlån utan eigenkapital.

Kor stort bustadlån du kan få, avheng av fleire ting rundt økonomien din, mellom anna inntekter, utgifter og eigenkapital.

Ifølgje bustadlånsforskrifta kan du få maks 5 gonger inntekta di i samla lån (bustadlån + andre lån). Har du høgt studielån har det med andre ord betyding for kor mykje du kan få i bustadlån. 

Banken ser ikkje berre på dagens inntekt når din låneevna blir vurdert:

• Kan du vise til høgare inntekt i åra som kjem, er det positivt.
• Om de er to som kjøper bustad saman, er det felles inntekt som blir lagt til grunn.
• Kjøper du bustad med utleige, blir leigeinntektene tatt med i reknestykket. 

Av utgifter ser banken på kva andre lån du har, buutgifter som straum, kommunale avgifter og liknande, kostnader til barnepass, transport, fritidsinteresser og anna forbruk. I tillegg tar banken høgde for at du skal kunne tole ei renteauke på 3 %. 

Eit finansieringsbevis er ganske enkelt eit bevis frå banken på kor mykje du kan kjøpe bustad for.

Det er enkelt og uforpliktande å søke, og du slepp å laste opp dokumentasjon, det ordnar vi for deg. Når søknaden er sendt inn, vil ein rådgjevar gå gjennom denne, og ta kontakt med deg før finansieringsbeviset ditt blir ferdigstilt.  

Når du får finansieringsbeviset, er det gyldig i 6 månader, du kan då vere med å by på bustad i denne perioden. Får du ikkje brukt det innan 6 månader, kan du enkelt fornye det hos oss.

For å søke om finansieringsbevis, fyller du ut lånesøknaden i neste steg.

Du bør ta stilling til om du bør kjøpe eller selje først. Det finst ikkje noko fasitsvar på akkurat dette, men ofte kan det vere tryggast å selje først. Då veit du akkurat kor mykje du har å rutte med, og du slepp å betale lån på to bustader.

Ulempa er at det kan ta tid før du finn ny bustad, og du kan ende opp med å måtte finne ein mellombels plass til deg sjølv og alle tinga dine etter du har flytta ut, det kan bli litt styr.

Skulle du ende opp med å kjøpe først, er det vanleg å søke om mellomfinansiering. Du får då lån til den nye bustaden, samtidig som du betaler på det gamle lånet.