Signering av kontrakt og lånepapir

Kontraktsmøtet føregår som regel på kontoret til meklaren, der du og seljaren kanskje møtest for aller første gong. Saman med meklaren går de gjennom kjøpekontrakten, punkt for punkt, og signerer deretter på at bustaden blir din.

Hugs å ta med deg eit bankkort med bilde, førarkort eller pass slik at meklaren får tatt ein kopi. 

Dette kan òg vere tidspunktet for å spørje om litt praktiske ting rundt bustaden, som naboar, støyforhold, og om det går an å komme og ta mål for å sjå om sofaen passar.

Kontraktsmøtet kan verke som ein rein formalitet, men for å unngå misforståingar i etterkant er det lurt å bruke god tid og få alt de eventuelt blir samde om med i kontrakten.

Kontraktsmøtet er òg siste frist for å teikne bustadkjøparforsikring viss du ikkje allereie har gjort det, dette kan vere ein stor tryggleik for deg som kjøper dersom det skulle dukke opp vesentlege feil og manglar med bustaden som det ikkje har blitt opplyst om.

Kjøpekontrakten skal innehalde informasjon om:

• Kjøpesum
• Omkostningar
• Oppgjer
• Overtaking:
• Andre saker som du og seljar eventuelt har blitt samde om i forkant

Når begge partar har signert kjøpekontrakten, må signert kopi blir sendt til banken, som deretter ferdigstiller lånepapira. Ofte ordnar meklaren dette for deg, men det er ditt ansvaret at papira blir sendt tidsnok.

Lånepapira må signerast i god tid før overtaking av bustaden, slik at meklar skal få pengane for bustadkjøpet på klientkontoen i tide.

Lånepapira kan enten bli signert i banken, per post eller at du får tilsendt ein SMS/e-post med lenke og beskjed om dokument til signering.

Vel du å sende papira i posten, må du òg ha vitne som signerer alle papira. Signerer du i banklokala, vil rådgjevaren fungere som vitne.

Det er mykje papirarbeid som skal på plass i samband med eit bustadlån – her er oversikta over alt som må signerast, og kven som signerer kva:

Låntakarar:

• Tilsegnsbrev
• Gjeldsbrev
• Utbetalingsfullmakt
• Pantedokument
• Erklæring om pantsetting
• Forsikringserklæring

Kausjonistar:

• Pantedokument
• Erklæring om pantsetting
• Forsikringserklæring