Sjukdom og reise

Vert du sjuk eller skada på ferie i utlandet, er det viktig at du tar kontakt med vår alarmsentral SOS International eller ringer deira døgnopne telefon:

(+47) 22 96 50 45

Dei er ein døgnopen teneste, som hjelper deg med å finne næraste godkjente sjukehus eller lege, og dei sørger for at du får riktig og nødvendig behandling. Dei hjelper deg med alt frå sjuke barn og matforgifting til brukket bein. I tillegg vil dei ta seg av alt det praktiske.

På sjukehuset/legekontoret
Dersom du blir bedt om å vise fram reiseforsikringsbeviset/reisekortet ditt, finn du dette i mine forsikringar, mobilbanken/nettbanken eller LOfavør-appen, under reiseforsikring. Har du reiseforsikringen som er inkludert i kredittkortet finn du dette i mobilbanken/nettbanken under kredittkort > fordeler > reisefordeler.

Hugs å ta vare på kvitteringane dersom du betaler for lege, medisin eller transport. Du vil trenge dette når du skal bruke forsikringa. 

Dersom du blir lagt inn på sjukehus dekkjer vi også feriedagane du eventuelt mister. Dette gjeld også dersom ein lege ber deg halde senga på hotellet i minst tre dagar. Hugs då å få ei bekrefting frå legen som behandla deg om kor lenge du er bedt om å vere sengeliggande. Legeerklæring kan du få frå legen på staden, eller via ein videokonsultasjon. Hugs at du må kontakte legen når det skjer, og ikkje i etterkant av sjukdom eller skade, tipsar Therese. 

Vart sjuk på reise?
Dersom du vart sjuk eller skada på ein reise du alt har starta på eller gjennomført, får du vegleiing i skjema for sjukdom eller skade på reise. Har du alt vore i kontakt med SOS International? Då har vi alt oppretta ei sak for deg. Då kan du sjekke status på din skadesak hjå Fremtind.

Det er viktig at du kontaktar lege på staden og får ei legeerklæring for å få dekka:

• Tapt ferie ved sengeleie
• Ny heimreise
• Ubenytta billettar til arrangementer 

Utgifter som medisin, legehonorar, transportutgifter og liknande kan du vente med å melde inn til du er heime igjen. Hugs å ta vare på kvitteringar.

Sjuk før reise?
Dersom det gjeld ei reise du har bestilt og ikkje kan gjennomføre likevel, får du vegleiing i skjemaet for avbestilling.

Skal du ut å reise, og har ein kronisk liding eller ein eksisterande sjukdom eller skade og lurer på om reiseforsikringa dekkjer kostnadene? – få gratis medisinsk rådgiving hos SOS International før du reiser.

Europeisk helsetrygdkort (også kalla Helfo-kort og helsekort) er eit gratis kortbevis for alle som er medlem av folketrygda i Norge og er statsborgar anten her eller i eit anna EØS-land eller i Storbritannia og Sveits. Helsetrygdkortet gjev rett til nødvendig medisinsk behandling ved offentlege helsevesen i EØS-land (inkludert Storbritannia og Sveits) når du er ute på reise, eller studere.

NB: Storbritannia gjekk ut av EU i 2021, men frå 1. januar 2024 gjeld ei ny trygdeavtale mellom Storbritannia og Noreg. Er du norsk statsborgar og reiser som turist til Storbritannia, kan du igjen nytte europeisk helsetrygdkort der. Sjå full liste over land du kan bruke helsetrygdkortet.

Helsetrygdkortet kan du bestille gratis på helsenorge.no:

Europeisk helsetrygdkort erstattar ikkje reiseforsikring.
Europeisk helsetrygdkort gir deg rett til det same offentlege helsetilbodet som innbyggjarar, men du må òg betale dei same eigenandelane som dei. Standarden på det offentlege helsevesenet varierer mykje frå land til land, og det er ikkje alltid du får dekka alle utgifter. På fleire stader er det private helsevesenet det beste tilbodet. Behandling i privat helsevesen er ikkje dekka gjennom helsetrygdkortet.

Har du både Europeisk helsetrygdkort og reiseforsikring har ein veldig god helseforsikring når du er i utlandet.

Vi har sett opp ein dekningsoversikt som viser forskjellane mellom helsetrygdkortet og reiseforsikring, så du lettare kan sjå:
 

*ved akutt sjukdom/ulykke

Sjå også

Må eg ha europeisk helsetrygdkort?
Kor finn eg reiseforsikringsbeviset mitt?

Sjukeforsikring er ein fellesnemnar på personforsikringar og personalforsikringar som dekker utbetaling og/eller behandling ved ulike typar sjukdom eller skade. Sjukepengar frå NAV er eit eksempel på ein type offentleg «sjukeforsikring», som dekker lønna di opp til 6 G viss du blir sjuk.

Eksempel på forsikringar som kan gi utbetalingar ved sjukdom eller ulykke er:
 

Sjukeforsikringar for bedrifter:

Yrkesskadeforsikring
Yrkesskadeforsikring er ei type sjukeforsikring arbeidsgjevar er pålagt å kjøpe for alle sine tilsette. Yrkesskadeforsikringa dekker det økonomiske tapet etter ein yrkesskade eller yrkessjukdom. Yrkesskadeforsikringa kan òg utvidast til å gjelde for annan sjukdom og fritidsulykke.

Er du frivillig næringsdrivande  er du ikkje pålagd å kjøpe yrkesskadeforsikring, men det kan likevel vere trygt å ha. For å kjøpe yrkesskadeforsikring må du først ta kontakt med NAV og bestille frivillig yrkesskadetrygd.

Sjukelønnsforsikring 
Sjukelønnsforsikring utbetalast til bedrifta viss den tilsette mottar sjukepengar frå NAV ved sjukdom/ulykke. NAV dekker kun lønn inntil 6 G (grunnbeløp). Sjukelønnsforsikringa dekker resten opp til full lønn i inntil 365 dagar. Er du tilsett og sjukemeldt står det som regel i arbeidskontrakta di om du har rett til full lønn i perioden du er sjukemeldt.

Bedriftshelseforsikring
Ei helseforsikring gjennom bedrifta dekker mellom anna behandling av utvalde sjukdomar via privat helsevesen. Helseforsikringa kan òg utvidast til å dekke psykolog, fysioterapi, kiropraktikk, manuellterapi, naprapati, osteopati og misbrukavvenning.

Reiseforsikring bedrift
Bedriftsreiseforsikringa kan dekke sjuke ved fleire tilfelle. Den dekker mellom anna:

• Behandling av akutt og uforutsett sjukdom og skade på reisen. 
• Utgifter til heimreise og tilkalling av familiemedlemmer ved alvorleg sjukdom og skade. 
• Avbestilling av reise ved sjukdom.
• Eingongsutbetaling ved varig medisinsk invaliditet.

Skal du til eit EØS-land er det lurt å bestille gratis helsetrygdkort. Då har du ein ekstra offentleg sjukeforsikring på reisa, som også hjelper deg ved underliggande sjukdom.
 

Private sjukeforsikringar:

Kritisk sjukdom
Kritisk sjukdom er ei sjukeforsikring som gir ei eingangsutbetaling viss du blir ramma av alvorleg sjukdom, som til dømes kreft, hjerneslag eller MS.

Privat helseforsikring
Ei privat helseforsikring (også kalla behandlingsforsikring) dekker blant anna behandling av utvalde sjukdomar via privat helsevesen.

Uføreforsikring 
Uføreforsikring gir utbetaling viss du skulle bli ufør av til dømes sjukdom. Forsikringa består av to delar som anten kan kjøpast kvar for seg eller kombinerast. Uførepensjon gjev månedleg utbetaling og uførekapital gjev ei eingongsutbetaling. 

Reiseforsikring
Same som for reiseforsikringa for bedrifter. Sjå over.

Ulykkesdekninga er ein personforsikring som gir rett til ein eingongsutbetaling ved død og ved 100 % varig medisinsk invaliditet. Eingongssummen følger invaliditetsgrad fastsett av Omsorgs- og helsedepartementet sine tabellar. 

Dette er ei heiltidsdekning (24/7) som også gjeld for familien viss du har kjøpt familiedekning. Den dekker ulykkesskadar ved utandørsaktivitetar og fritidsaktivitetar på reise. Du er også dekt ved heimeulykke med heilårs reiseforsikring. 

Eingongssummen  blir redusert etter fylte 70, og opphøyrer etter fylte 75 år.
 

Eingongsutbetaling ved ulykke og død for heilårsreiseforsikring og enkeltreiseforsikring (kredittkort):

Sjå også

Dekker reiseforsikring ekstremsport?
Gjelder reiseforsikring for meg over 70 år?
Kva dekker reiseforsikringa?
Dekker reiseforsikring ansvar?

Både reiseforsikringsbeviset og reisekortet ditt finn du ved å logge inn i «mine forsikringar», mobilbanken eller i nettbanken.

Logg inn så kan du laste ned, skrive ut, få det tilsendt på epost eller få tilsendt i posten. Etter du er logga inn finn du reisekortet og informasjon under:
Forsikringsoversikt > Mine forsikringar > Reiseforsikring > Til reisekortet.

Har du enkeltreiseforsikring via Mastercardet ditt finn du reiseforsikringsbeviset under: 
Mastercard > Fordelar > Reisefordelar

Sjå også

Kva er europeisk helsetrygdkort, og kor bestiller eg det?
Gjeld forsikringa viss det er reiseråd for landet eg skal til?
Dekker reiseforsikring forsinka fly?
Kva er SmartDelay+?
Kva er Reise SMS?

Kva dekker avbestillingsforsikringa?
Avbestillingsforsikring er ei dekning du har gjennom heilårs reiseforsikringa di eller reiseforsikringa du har gjennom kredittkortet ditt. Avbestillingsforsikringa gir deg pengane tilbake viss du treng å avbestille ei reise på grunn av uventa hendingar.

Du er dekt viss avbestillinga skuldast:

• Du, reiseledsager, næraste familie eller nøkkelperson i reisefølgje blir råka av alvorleg akutt sjukdom, ulykke eller dødsfall.
• Brann, innbrot eller vannskade som krev at du må vere til stades.
• At reisa er i strid med reiseråd frå Utenriksdepartementet. Reisa må ha blitt bestilt før UD gav ut reiseråd.

Du får refundert pengar for:

• Reisa og opphaldet.
• Utflukter og arrangement.
• Dyrepensjonat (hund/katt) når du må avbestille reisa.

Slik bruker du avbestillingsforsikringa:

1. Avbestilling av reise, hotell og andre reservasjonar
   Kontakt flyselskapet, hotellet, reisebyrået eller der du har gjort reservasjonen, og avbestill. Ta vare på stadfesting for eventuelle avbestillingsgebyr du må betale. Sjekk om reiseselskapet dekker noko ved avbestilling.
2. Be om legeerklæring og annan dokumentasjon
   Skuldast avbestillinga eigen sjukdom, skaff ei legeerklæring som stadfestar dette. Viss det skuldast annan sjukdom i familien, barn eller nøkkelperson i reisefølge, få ein stadfesting på dette.
   
   Viss avbestillinga skuldast andre årsaker enn sjukdom, som for eksempel branntilløp, ulykker og skadar, ta vare på alt som forklarar kvifor reisa måtte avbestillast.
3. Meld ifrå til Fremtind
   Fremtind utbetalar vanlegvis erstatninga raskt til kontoen din.

Du kan vere dekt for heimreise i reiseforsikring, mellom anna ved følgende hendingar:

• Du blir akutt uventa sjuk eller utsett for ulykke.
• Evakuering (viss beordra av UD) til sikkert område.
• Du får alvorleg skade på eigen bustad eller verksemd.

Ring oss på +47 915 02300 og forklar situasjonen, og vi hjelp deg med praktisk og umiddelbar hjelp.

Vi fortel deg òg kva dokumentasjon du treng for å få erstatning.
 

Nei, reiseforsikringa gjeld ikkje viss det er utstedt reiseråd for landet eller område i landet du besøker. Eit reiseråd frå UD er ein reiseadvarsel og betyr i bunn og grunn «ikkje reis».

Kvifor gjeld ikkje reiseforsikringa?
Når UD (Utenriksdepartementet) kjem med reiseråd, betyr det at norske styresmakter ikkje reknar det som trygt for norske borgarar å vere i dette landet eller området. Det er UD som bestemmer kva som er trygt for norske borgarar i utlandet, og dermed er det UD vi viser til i forsikringsvilkåra våre.

UD kjem med reiseråd til område der det er uro, som til dømes epidemi, terror, krig og naturkatastrofe. Dette vil påverke blant anna infrastruktur og helsevesen, og dermed også evna vår til å tilby deg hjelp. Vi ønsker at du skal kunne reise med full tryggleik og garanti om hjelp dersom noko skulle skje, utan unntak. Derfor vil vi heller ikkje oppmode deg til å reise til områder som ikkje er trygge. 

Det viktigaste ved ei reiseforsikring er hjelp ved akutt og uventa sjukdom eller skade. Viss du vert sjuk eller skader deg, er det viktig at reiseforsikringa vår kan hjelpe deg med nødvendig hjelp raskt. Reiseforsikringa er difor kun gyldig viss UD opphevar reiserådet for landet eller området.

Kva med avbestilling eller heimreise?
Viss reiserådet kom etter du bestilte reisa din, er du dekka av avbestillingsforsikringa. Viss du alt er på reise når det kjem eit reiseråd for området du befinn deg i, vil forsikringa dekke meirutgifter for å reise heim.

Er du usikker på landet du skal reise til?
Sjekk om det er reiseråd, og les meir om UD sin reiseinformasjon på regjeringen.no