Tips og råd
For deg mellom 50 og 62 år.
Kvifor er pensjon viktig?
Pensjon er nøkkelen til at du skal få eit godt liv som pensjonist. Men folk flest får mindre enn dei forventar. Med andre ord; skal du leve som du gjer i dag, må du spare sjølv. Det er aldri for seint å spare til pensjon.
Få oversikt over pensjonen din
Dei fleste kan forvente å få berre halvparten av dagens lønn i samla pensjon frå folketrygda og arbeidsgjevar. Her kan du sjekke kor mykje du får utbetalt som pensjonist.
Råd for di livsfase
Sjekk korleis jobben din sparer til pensjon
Vet du kor god pensjonsordning du har gjennom arbeidsgjevar?
Det er store forskjellar på kor mykje arbeidsgjevarar sparer i pensjon for sine tilsette. Arbeidsgjevar er pliktig til å spare minst 2 % av di årlege lønn inntil 12 G (1 G = 118.620). Sparer arbeidsgjevaren din 2 %, har du ei minimumsordning. I dei beste ordningane kan arbeidsgjevar spare 7 % av lønna inntil 12 G, pluss inntil 18,1 % ekstra for tilsette med lønn over 7,1 G. Beløpet trekkast ikkje frå lønna og utbetalast fyrst når du pensjonerer deg.
Les meir om pensjon frå arbeidsgjevar
Jobbar du i offentleg sektor?
Er du fødd etter 1962, vert pensjonen din berekna etter kor mange år du har jobba i offentlig verksemd før 2020, og kor mange år du jobbar i det offentlege etter 2020. Pensjonen som tenast opp etter 2020 er bestemt av lønna år for år ved at det byggast opp ei pensjonsbehaldning på tilsvarande måte som folketrygda sin alderspensjon. Pensjonsbehaldninga utgjer 5,7 % av samla lønn inntil 12 G per år og nyttar same reglar som folketrygda for å berekne kor stor pensjonen vert på uttakstidspunktet.
I tillegg til ordinær offentlig tenestepensjon kan du ha rett til offentlig AFP eller Særalderspensjon.
Sjekk om du har eiga pensjonskonto
Dei fleste arbeidsgjevarar sparer til pensjon gjennom ordninga som kallast innskotspensjon. Då har du òg eigen pensjonskonto. Det gjer det enklare for deg å få oversikt over pensjonen din.
Du får automatisk eigen pensjonskonto der din arbeidsgjevar sparer til pensjon, men du kan sjølv velje å flytte pensjonen din til ein annan leverandør.
Jobbar du i offentleg sektor eller har hybrid- eller ytelsespensjon, gjeld ikkje eigen pensjonskonto for deg.
Spar sjølv
Undersøkingar viser at dei fleste ønsker 80 % eller meir av dagens lønn, som pensjonist. For å få til dette må du òg spare sjølv. Jo tidlegare du startar privat pensjonssparing, jo betre økonomi får du når du går av med pensjon.
Juster risiko etter ditt behov
Når du sparer i IPS eller pensjonssparekonto, plasserast pengane dine i fond. Du går gjennom ein sparerettleiar der du blir stilt spørsmål om din risikovilje, spareperiode og berekraftspreferansar. Basert på dine spørsmål, anbefaler vi deg ein spareprofil. Du vel sjølv om du ønskjer å følgje denne anbefalinga.
Etter at du har oppretta sparinga, står du òg fritt til å endre spareprofilen din. Dette kan du enkelt gjere sjølv i mobilbanken eller nettbanken.
Pensjonskapitalbevis
Pensjonskapitalbevis er eit "bevis" på pensjonspengar du har opparbeidd deg i tidlegare jobbar du har hatt. Beviset blir oppretta kvart gong du sluttar i ei bedrift som har innskotsbasert pensjonsordning og samlast automatisk på eigen pensjonskonto.
Om eigen pensjonskonto ikkje gjeld for deg og du fortsatt har fleire pensjonskapitalbevis, kan du samle dei hos oss. Då får du lågare gebyr, betre oversikt, og det blir meir i pensjon til deg.
Sett deg inn i fordelar og ulemper med AFP
Drøymer du om å gå av tidleg med pensjon? Reise, gå i fjellet og ta igjen alt du ikkje har hatt tid til medan du har vore i jobb?
Avtalefesta pensjon (AFP) er ei pensjonsordning for deg som er tilsett i privat sektor med avtalefesta pensjon i tariffavtalen. AFP-pensjonen vert utbetalt i tillegg til alderspensjon frå folketrygda og er livsvarig. Tar du ut AFP før 67 år, vil pensjonen vere høgare før 67 år enn etter. Sett deg inn i fordelar og ulemper med tidleg uttak før du bestemmer deg for kva som er rett pensjonsalder for deg.
Nedbetaling av gjeld er òg sparing
Det er viktig å hugse på at nedbetaling av lån òg er ei form for sparing.
Er det smartast å spare i bustad, bank eller fond? Det kjem an på kor gammal du er, kor stort lån du har, om du har fleire lån og dine planar for framtida. Det viktigaste målet med sparing på lang sikt, er å ha råd til å leve det livet du ønskjer deg som pensjonist.
Betale lån eller spare? Sjå tipsa våre
Difor er det viktig med riktig pensjonssparing
Alle drøymer vi om å leve godt som pensjonist, men veit du kva du får i pensjon når du blir 67 år? Hos oss kan du sjå informasjon om alle pensjonsavtalane dine – det du får frå staten, frå jobbane dine og det du sparar sjølv.
Kor mykje du kjem til å få i pensjon er påverka av mange forhold gjennom livet. Val av arbeidsgjevar, antal jobbskift, lønn, pensjonsalder, antal barn, år i deltid og permisjonar påverkar kor mykje pensjonspengar du har den dagen du går av med pensjon.
Det er viktig at du skaffar deg oversikt over din framtidige pensjon. Sjekk kor mykje du kjem til å få i pensjon, vurder kva som er viktig for deg og legg ein plan for pensjonslivet.
Pensjonssparing med skattefordel (IPS)
Har du moglegheit til å låse sparepengane fram til pensjonsalder, anbefalar vi IPS. Då får du ein skattefordel i form av utsett skatt på 22 % av beløpet du sparar.
- Du kan tidlegast starte uttak frå IPS-sparinga di når du fyller 62 år.
- Utbetalingstida er minimum 10 år, og utbetalingane skal vare til du er minst 80 år.
- Skattefordel på 22 % av sparebeløpet i form av utsatt skatt. Du kan spare maks 15.000 kroner i året
Pensjonssparekonto
Pensjonssparekonto er for deg som ønskjer meir fleksibilitet. Pensjonssparekonto gjer ikkje den same skattefordelen som IPS, men du kan ta ut heile eller delar av sparebeløpet når som helst.
- Ingen bindingstid, du kan ta ut heile eller delar av sparebeløpet når som helst
- Du kan spare så mykje du vil.
- Saldo inngår i formuesgrunnlaget, men du får ein verdsettingrabatt på 25 % av aksjeandelen
Når bør eg ta ut pensjon?
Nokon er fast bestemt på å gå av med pensjon ved 62 år, nokre ønskjer seg ein gradvis nedtrapping på tampen av arbeidslivet, og nokre kan slett ikkje tenke seg å pensjonere seg før dei blir bedt om det. Kva som er best for deg må du sjølv vurdere.
Fordelar med å ta ut pensjonen tidleg
- Kombinasjonen full lønn og full pensjon gir ein økonomisk fridom.
- Løysinga kan passe for deg som ønskjer å bruke meir pengar medan helsa fortsatt er god. Tidleg uttak gir større moglegheit for reiser og hygge som ung pensjonist og gir deg betre moglegheit til sjølv å prioritere mellom forbruk og sparing til sein alderdom.
- Tidleg uttak kan sjåast på som ei forsikring for familien ved tidleg død. Familien arvar den pensjonen som er teken ut, og som ikkje er brukt.
- Fullt uttak av alderspensjon i folketrygda utløyser ein skattereduksjon på inntil 30.000 kroner per år.
- Har du fortsatt gjeld med høg rente som 62-åring, kan det vere ein fordel med tidleg uttak, slik at du kan betale ned mest mogleg av gjelda.
Fordelar med å ta ut pensjonen seinare
- Du har større behov for pensjonspengane seinare. Dette er veldig viktig å hugse på dersom du har låg pensjonsopptening.
- Det er større avkastning ved å la pengane stå, i staden for å ha dei sjølv. Pensjonsbehaldninga regulerast i takt med grunnbeløpet fram til uttaket startar, altså i takt med samfunnet si gjennomsnittlige lønnsvekst. Dette er langt over den avkastninga nokon annan risikofri sparing kan tilby.
- Om du ikkje har livsarvingar, er det ikkje same behov for tidleg uttak for å sikre arvingane. Då er det isolert sett ein fordel å utsetje uttaket.
- Du betaler ikkje formuesskatt på pensjon som du ikkje har tatt ut. Kombinasjonen av lønn og pensjon gjer høgare skatt i form av auka trinnskatt (toppskatt), ettersom pensjon og lønn blir lagd saman når trinnskatten blir berekna.
Total kontroll i mobilbanken
Korleis står det eigentleg til med den pensjonssparinga? I mobilbanken kan du enkelt sjå kor mykje du bør spare for å få den pensjonen du vil ha når du blir pensjonist.
- Spar enkelt til pensjon
- Full oversikt.
- Få di pensjonsoversikt, både frå jobben og den private sparinga di.
- Følg med på utviklinga av sparinga din.
Tips og råd
Mellom 50 og 62 år?
Velg din alder nedenfor og få tips og råd om smart pensjonssparing.
For deg under 34 år
For deg mellom 34 og 50 år.
For deg som er over 62 år
Ser du etter skjema som høyrer til pensjonsløysingane våre?
Her finn du oversikt over våre pensjonsskjema,
enten det gjeld arbeidsuføre, dødsfall, uttak eller anna.
Skal du starte utbetaling av pensjonen din?
Samanlikn prisar
Du kan samanlikne prisane våre med prisar frå andre selskap på Finansportalen.no