Har du oversikt over pensjonen din?

Veit du kor god pensjonsordning du har gjennom arbeidsgivaren din?

Det er store forskjeller på kor mykje arbeidsgjevarar sparer i pensjon for sine tilsette. Arbeidsgjevar er pliktig til å spare minst 2 % av di årlege lønn inntil 12 G (1 G = 118.620). Sparer arbeidsgjevaren din 2 %, har du ei minimumsordning. I dei beste ordningane kan arbeidsgjevar spare 7 % av lønna  inntil 12  G, pluss inntil 18,1 % ekstra for tilsette med lønn over  7,1 G. Beløpet blir ikkje trekt frå lønna og blir utbetalt først når du  pensjonerer deg. 

Les meir om pensjon frå arbeidsgjevar

Jobbar du i offentleg sektor?

Er du fødd etter 1962, blir pensjonen din berekna etter kor mange år du har jobba i offentleg verksemd før 2020, og kor mange år du jobbar i det offentlege etter 2020. Pensjonen som tenast opp etter 2020 er bestemt av lønna år for år ved at det byggast opp ei pensjonsbehaldning på tilsvarande måte som folketrygda sin alderspensjon. Pensjonsbehaldninga utgjer 5,7 % av samla lønn inntil 12 G per år og nyttar same reglar som folketrygda for å berekne kor stor pensjonen blir på uttakstidspunktet.

I tillegg til ordinær offentleg tenestepensjon kan du ha rett til offentleg AFP eller Særalderspensjon.

Les meir om avtalefesta pensjon (AFP)

Dei fleste arbeidsgjevarar sparer til pensjon gjennom ordninga som kallast innskotspensjon. Då har du også eigen pensjonskonto. Det gjer det enklare for deg å få oversikt over pensjonen din.

Du får automatisk eigen pensjonskonto der arbeidsgjevaren din sparer til pensjon, men du kan sjølv velje å flytte pensjonen din til ein annan leverandør.

Jobbar du i offentleg sektor eller har hybrid- eller ytelsespensjon, gjeld ikkje eigen pensjonskonto for deg.

Sjølv om det er ei stund til, er det ein fordel å tenke over kva slags liv du ønsker å leve når du ein gong blir pensjonist. Dei fleste ønsker eit aktivt liv, men mange vil oppleve at samla pensjon blir lågare enn dei hadde sett for seg. Ønsker du deg god økonomi og fridom som pensjonist, er det mykje å hente på å spare sjølv. Jo tidlegare du startar å spare til pensjon, jo mindre er det som skal til.

Å spare til pensjon er mykje enklare enn du trur. Hos oss kan du velje mellom to ulike spareformer: IPS - pensjonssparing med skattefordel eller pensjonssparekonto.

Når du sparer i IPS eller pensjonssparekonto, blir pengane dine plassert i fond. Du går gjennom ein sparerettleiar der du blir stilt spørsmål om di risikovilje, spareperiode og berekraftspreferansar. Basert på dine spørsmål, anbefaler vi deg ein spareprofil. Du vel sjølv om du ønsker å følge denne anbefalinga.

Etter at du har oppretta sparinga, står du også fritt til å endre spareprofilen din. Dette kan du enkelt gjere sjølv i mobilbanken eller nettbanken.

Pensjonskapitalbevis er eit "bevis" på pensjonspengar du har opparbeidd deg i tidlegare jobbar du har hatt. Beviset vert oppretta kvar gong du sluttar i ei bedrift som har innskotsbasert pensjonsordning og blir samla automatisk på eigen pensjonskonto.

Om eigen pensjonskonto ikkje gjeld for deg og du fortsatt har fleire pensjonskapitalbevis, kan du samle dei hos oss. Då får du lågare gebyrar, betre oversikt og det vert meir i pensjon til deg. 

For mange er økonomien strammare i etableringsfasen, med utgifter til både bustad og barn, enn den er i pensjonistfasen. Du kan spare store beløp i 30- og 40-åra i form av investering i eigen bustad. Når du vert pensjonist, er boliglåna ofte nedbetalt og utgiftene mykje lågare enn tidlegare i livet. 

Det viktigaste målet med sparing på lang sikt er å ha betre råd til å leve det livet du ønskjer deg som pensjonist.

Betale lån eller spare? Sjå tipsa våre