Spørsmål og svar om kva reiseforsikring dekker og ikkje dekker når det skjer ekstraordinære hendingar.
Hendingar som kan påverke reisa di
Streik på flyplass og flyselskap
Ved streik på flyplassen og i flyselskapa går det dessverre også ut over dei reiselystne. Enten streiken fører til lengre køer gjennom pass-/sikkerheitskontrollen, kansellerte eller forsinka avgangar eller problem med bagasjehandsaminga – dekker ikkje reiseforsikring flybillettar eller utgifter knytt til streik.
Skogbrann
Er du i eit område med skogbrann no, eller har du bestilt reise til eit område som er berørt av skogbrann? Sjå UDs reiseinformasjon for landet du er i eller skal til.
Vi oppfordrar deg til å følge med på informasjonen frå lokale myndigheiter og frå reisearrangøren din ved skogbrann.
Kva kan eg få hjelp med?
- Blir du evakuert dekker reiseforsikringane innkjøp av nødvendige klede og toalettsaker med inntil 5.000 kroner per person fram til du får tilgang til bagasjen din. Reiseforsikringane dekker nødvendige medisinar viss du ikkje får med deg dette ved evakuering. Husk å ta vare på kvitteringar og annan dokumentasjon.
- Turoperatøren du reiser med har ansvar for å hjelpe deg viss du blir evakuert. Viss du har bestilt flybillettar direkte, har flyselskapet ansvar for å hjelpe deg med ein ny heimreise viss det blir aktuelt.
- Vel du å avbryte reisa di utan at dette er beordra, vil ikkje reiseforsikringane dekke reiseavbrot. Vi anbefalar at du tar kontakt med reiseselskapet viss du er usikker på kva du skal gjere.
Skal du til eit område med skogbrann?
Om du ønsker å avbestille reisa din, ta alltid direkte kontakt med reiseselskapet/flyselskapet. Hvis dei ikkje kan hjelpe deg, og du har bestilt fly og hotell separat, vil forsikringa kunne dekke avbestilling av reisa di. Dette gjeld kun til område lokale myndigheiter har evakuert.
Vulkanutbrot på Island
Island har fleire aktive vulkanar og utbrot og jordskjelv førekjem. Det siste utbrotet skjedde på Reykjanes i august 2024. Følg med på UDs reiseråd for Island hvis du planlegg tur.
Kva kan eg få hjelp til?
- Reiseforsikringa kan dekke evakuering frå ramma område viss lokale myndigheiter beordrar evakuering. Hugs at du må kontakte turoperatøren din eller flyselskapet først for å høyre kva dei dekker.
- Reiseforsikringa vil kunne dekke avbestilling av reisa hvis du skal på reise til eit ramma område der lokale myndigheiter har beordra evakuering. Reisa må vere kjøpt før evakueringa starta. Hugs at du må kontakte turoperatøren din eller flyselskapet først for å høyre kva dei dekker.
- Dersom flyreisa di vert påverka av vulkanutbrotet, må du kontakte turoperatøren din eller flyselskapet ditt.
Krig og uro i Midtaust og
Aust-Europa
Israel og Palestina
Utenriksdepartementet (UD) gav reiseråd for Israel og Palestina i 2023, der dei frårådar reiser til desse landa.
Ukraina, Russland, Belarus og Moldova
Utenriksdepartementet (UD) gav reiseråd for Ukraina, Russland, Belarus og Moldova i 2022, der dei frårådar reise til desse landa.
Reiseråda gjeld fortsatt, som betyr at reiseforsikringa di ikkje gjeld om du likevel reiser.
Hugs gyldig pass på reisa
For å kunne reise med pass eller ID-kort, må dette dokumentet vere gyldig. Ver merksam på at nokre land har krav om at passet eller ID-kortet er gyldig i ein viss periode etter at du forlet landet du besøker. Vanlegvis krev dei fleste land at dokumentet er gyldig i minst tre månader etter planlagt heimreisedato.
Enkelte land kan imidlertid kreve ein gyldighet på seks månader eller meir, så det er viktig å sjekke krava som gjeld i landet du reiser til, før du reiser.
Reiseforsikringa dekker ikkje avbestilling/innhenting ved ugyldig pass/ID-kort.
-/Flom.jpg.thumb.1280.1280.jpg)
Naturkatastrofar, krig eller uro
UD utferdar som hovudregel reiseråd til land der det er katastrofar eller urolegheiter. Reiseforsikringa gjeld som normalt til alle destinasjonar som ikkje er omfatta av reiseråd frå Utenriksdepartementet.
Husk å sjekke med UD om det er utstedt reiseråd til landet du besøker.
Reiseforsikringa dekker berre avbestilling dersom reiserådet kom etter bestillinga av reisa.
Får du ikkje reist?