Kva lurar du på?

Har du fylt bensin på ein dieselbil, er du ikkje åleine. Det er mindre vanleg at diesel fyllast på ein bensinbil, då dieselpistolen vanlegvis ikkje passar inn i påfyllingsholet til ein bensinbil. Uansett, så hjelper vi deg.

Kva gjer eg no?
Det viktigaste er å ikkje starte bilen, så du unngår at drivstoffet som er fylt feil når fram til motoren. Ring oss på (+47 915 02300) så fort du har lese dette, så sender vi veghjelp. Bilbergaren kan vanlegvis både tømme og rense tanken din på staden, så lenge du ikkje har starta motoren.

Kva viss eg må flytte bilen?
Er du nødt til å flytte bilen bort frå pumpene, vri kun om tenninga til første hakk, slik at du får løsna rattlåsen. Det er viktig at du ikkje startar motoren, for då vil drivstoffet gå inn i motoren. Har bilen nøkkelfri start, må du finne ut korleis du får frigjort rattlåsen utan å starte bilen. Vanlegvis kan du trykke på startknappen utan å halde inne bremsen, eller sjekke instruksjonsboka for å frigjere rattlåsen. Få hjelp til å dytte bilen til ein trygg stad.

Er eg dekka av forsikringa?

• Delkasko: Dekkjer veghjelp, inkludert tømming og rens av tanken viss bilbergaren kan utføre dette på staden.
• Kasko/toppkasko: Dekkjer i tillegg feilfylling dersom motoren har blitt starta, samt leiebil (dersom du har dette inkludert i forsikringsavtalen). Ved verkstadbesøk grunna feilfylling av drivstoff, må du betale eigenandel og du mistar bonus, men kun dersom du brukar forsikringen. Ofte er reparasjonskostnaden lågare enn eigenandelen..

Kontakt oss så hjelper vi deg med både veghjelp, verkstad og leiebil.

Reiseforsikring med familiedekning gjeld for barn inntil 21 år som har folkeregistrert adresse heime. Reiseforsikringa gjeld uavhengig av om de reiser saman eller kvar for seg.

Barn som er dekka:

• Barn og stebarn*
• Fosterbarn
• Barn du har vergeansvar for
• Barnebarn og oldebarn som reiser i følgje med deg, utan foreldre.

*Som høyrer til din husstand og som har folkeregistrert adresse hos ein av foreldra.

Etter barnet fyller 21 år og flyttar heimefrå kan det vere lurt med ungpakka: Innbu- og reiseforsikring for unge.

Sykkelen din kan vere dekt både av innbuforsikring og reiseforsikring. Viss sykkelen blir stolen i Norden er det innbuforsikringa som gjeld. Då får du tilbake inntil 40.000 kroner for sykkelen, og det same gjeld for tilhengar til sykkel og barnevogn. Eigenandelen ved tjuveri av sykkel registrert i FG-godkjent sykkelregister er 2.000. Er ikkje sykkelen registrert er eigenandelen 4.000.

Viss sykkelen blir stolen utanfor kommunen du bur i, jobbar i eller studerer i, er den dekt av reiseforsikring. Det er ingen eigenandel ved bruk av reiseforsikring.

Har du ein ekstra dyr sykkel bør du vurdere ei eiga sykkelforsikring.

Er sykkelen din stolen:

Husk å anmelde saka til politiet før du melder tjuveri.

Sjå også

Du kan vere dekka for heimreise i reiseforsikring, mellom anna ved følgande hendingar:

• Du blir akutt uventa sjuk eller utsett for ulykke.
• Uventa dødsfall i næraste familie.
• Evakuering (viss beordra av UD) til sikkert område.
• Du får alvorleg skade på eigen bustad eller verksemd.

Blir du transportert heim, kan du òg vere dekka for tapte feriedagar.

Ring SOS på +47 22 96 50 45 og forklar situasjonen, så hjelper dei deg med praktisk og umiddelbar assistanse. Vi fortel deg òg kva dokumentasjon du treng for å få erstatning.

Kva dekker avbestillingsforsikringa?
Avbestillingsforsikring er ei dekning du har gjennom heilårs reiseforsikringa di eller reiseforsikringa du har gjennom kredittkortet ditt. Avbestillingsforsikringa gir deg pengane tilbake viss du treng å avbestille ei reise på grunn av uventa hendingar.

Du er dekt viss avbestillinga skuldast:

• Du, reiseledsager, næraste familie eller nøkkelperson i reisefølgje blir råka av alvorleg akutt sjukdom, ulykke eller dødsfall.
• Brann, innbrot eller vannskade som krev at du må vere til stades.
• At reisa er i strid med reiseråd frå Utenriksdepartementet. Reisa må ha blitt bestilt før UD gav ut reiseråd.

Du får refundert pengar for:

• Reisa og opphaldet.
• Utflukter og arrangement.
• Dyrepensjonat (hund/katt) når du må avbestille reisa.

Slik bruker du avbestillingsforsikringa:

1. Avbestilling av reise, hotell og andre reservasjonar
   Kontakt flyselskapet, hotellet, reisebyrået eller der du har gjort reservasjonen, og avbestill. Ta vare på stadfesting for eventuelle avbestillingsgebyr du må betale. Sjekk om reiseselskapet dekker noko ved avbestilling.
2. Be om legeerklæring og annan dokumentasjon
   Skuldast avbestillinga eigen sjukdom, skaff ei legeerklæring som stadfestar dette. Viss det skuldast annan sjukdom i familien, barn eller nøkkelperson i reisefølge, få ein stadfesting på dette.
   
   Viss avbestillinga skuldast andre årsaker enn sjukdom, som for eksempel branntilløp, ulykker og skadar, ta vare på alt som forklarar kvifor reisa måtte avbestillast.
3. Meld ifrå til Fremtind
   Fremtind utbetalar vanlegvis erstatninga raskt til kontoen din.

Skademeldingsskjemaet for bil/motorvogn kan du raskast få tak i hos dei fleste bilforhandlarar og bensinstasjonar. Du kan også laste det ned eller bestille gratis skademeldingsskjema.

Har du hatt uhell eller skade?

Ja, heilårs reiseforsikringa dekker øydelagt mobil eller knust mobilskjerm på grunn av uhell, utanfor heimen. Viss du ønsker å forsikre deg mot uhell  må du ha innbuforsikring topp eller ei eiga mobilforsikring.

Sjå full oversikt over kva for forsikringar som dekker mobilen.
 

Sjå også:

Dekker reiseforsikringa fråstolen jakke?
Dekker forsikringa brillene mine viss eg mistar dei?
Kva er reisegods?