Tips og råd
TIPS OG RÅD
Tips til deg som skal kjøpe din første bil
Å kjøpe sin første bil er ein spanande milepæl, men det kan òg vere overveldande. Her er nokre tips for å hjelpe deg på vegen.
Kjøpe bil - steg for steg
Bilbehov og økonomi
Når du skal kjøpe bil, tenk over både behov og økonomi. Ein bil medfører kostnader som forsikring, drivstoff og vedlikehald, i tillegg til kjøpsprisen. Dette er kostnader som er lurt å tenke over og berekne inn, når du leitar etter bilar i ulike prisklassar. Bruk gjerne ein billånskalkulator for å få oversikt over månedlege utgifter, slik at du vel ein bil som passar både livsstil og budsjett.
Treng du lån for å finansiere bilen? Før du søker lån til din første bil: Har du jobb, ein fast stilling og ein arbeidskontrakt eller ein lærlingkontrakt å vise til? Kontrakten må vise til eit arbeidsforhold over ein lengre periode og ei inntekt.
Skaff finansieringsbevis
Treng du lån for å finansiere bilen? Søke om finansieringsbevis og få ei oversikt over kor mykje du kan låne. Eit finansieringsbevis er heilt uforpliktande, og vi hjelper deg å vurdere kva du har økonomi til. Det kostar ingenting, og kan fornyast, endrast, lagrast til seinare, og gjerast om til lån.
Finn bilen du ønsker
Bruk anerkjente nettstader og marknadsplassar for å finne bilar som oppfyller dine krav.
Sjekke at opplysningane om bilen stemmer
Sjekk med seljar om alle servicar er følgt og om bilen har hatt større skader, og kva utstyr som følger med bilen. Opplysningar om bilen er EU-godkjent, om seljar er eigar av bilen, tal på eigarar og andre opplysningar om bilen finn du hos Statens Vegvesen. Du kan ikkje klage på noko du overser i annonsa.
I tillegg kan det vere lurt å sjekke at bilen har alt det utstyret du ønsker, kva dekk som følger med og om alle nøklane følger med. Finn også ut om bilen har garanti og eventuelt kor lenge han varer.
Sjekk tilstanden
Sjekk kilometerstand, årsmodell og EU-kontroll hos Statens vegvesen. Ein godkjent EU-kontroll sikrar at bilen oppfyller nødvendige krav for å kunne bli køyrt. Viss seljar ikkje gir ein tilstandsrapport, kan det vere lurt å få ein frå NAF, Viking eller ein bilverkstad. Rapporten gir informasjon om eventuelle feil og bilen sin generelle tilstand. Det anbefalast også å bruke Forbrukarrådet si sjekkliste eller andre pålitelege kjelder, spesielt ved kjøp av bruktbil. Sjå kva du bør tenke på viss du kjøper bruktbil.
Sjekke heftelsar
Sjekk alltid om bilen har heftelsar. Har du lån hos oss passar vi på at du får ein bil utan heftelsar. Du kan sjekke heftelsar hos Brønnøysundregisteret. Ein heftelse betyr at eigaren har lånt pengar med pant i bilen. Heftelsen følger bilen, og ikkje eigaren.
Prøvekøyr bilen
Sørg for å prøvekøyre bilen for å sikre at den fungerer som forventa. Sjå kva du bør sjekke under prøvekøyring.
Signer lånedokumenta før du hentar bilen
Dersom du har eit finansieringsbevis eller treng billån er det viktig at du tek kontakt med oss før du overtar bilen. Lånedokumenta må vere signert før du hentar eller omregistrerer bilen.
Sjølv om du signerer låneavtalen med oss, er du ikkje knytt til handelen før vi har fått signert kjøpekontrakt og/eller salsmelding. Det betyr at du kan ha alt klart før du reiser for å sjå på bilen.
Teikn forsikring før du hentar bilen
Før du kan omregistrere og overta bilen må du ha forsikringa i orden. Då er du dekka frå dag éin i tilfelle noko skulle skje.
Forsikrar du bilen hos oss får du full oversikt over både lån og forsikring i mobilbanken og nettbanken. Samlar du forsikringane dine hos oss kan du få inntil 20 % rabatt .
Skriv kjøpekontrakt
Når du har funne bilen du ønsker og blitt einige med forhandlar eller seljar om pris og vilkår, er det på tide å signere kjøpekontrakt. Kjøper du bil privat bør du sjekke at seljar og eigar av bilen er same person hos Statens vegvesen.
Vi utbetalar pengane til seljar så snart alt av lånedokument er mottatt. Derfor er det viktig at lånedokumenta er signerte før du hentar bilen.
Kjøpekontrakten er eit bindande dokument mellom deg som kjøpar og seljar/forhandlar. Kontrakten skal innehalde:
- opplysningar om kjøpar og seljar
- alle viktige opplysningar om bilen
- kjøpesum
- kontonummer til seljar
Etter signering av kjøpekontrakt må køyretøyet omregistrerast til ny eigar.
Send inn salsmelding.
Det er seljar som sender inn salsmelding ved å logge inn på Statens Vegvesen. Seljar treng kjøpar sitt namn, fødselsnummer og mobilnummer. Kjøpar vil motta ein sms og godkjenner salsmelding på nett. Eventuell medeigar må også godkjenne salsmeding. Ny eigar kan ikkje bruke bilen før den er omregistrert.
Omregistrer bilen
Når salsmeding er godkjent må du som kjøpar betale omregistreringsavgift før du kan bruke køyretøyet. Omregistreringsavgifta betaler du på Statens Vegvesen. Kor mykje avgifta er på, kjem an på biltype, vekt, motor og anna utstyr. Sjå Skatteetaten for berekning av avgifta. Bilen må vere EU-godkjent før den kan omregistrerast.
Når omregistreringsavgift er betalt kan du skrive ut midlertidig vognkort og bruke ditt nye køyretøy. Ordinært vognkort får du i posten i løpet av fire til sju virkedagar.Midlertidig vognkort kan du laste ned på Statens Vegvesen.
Bombrikke
Hugs å overføre eller skaffe ny bombrikke viss nødvendig.
Låne pengar for å kjøpe bil?
Før lånet kan utbetalast til seljar, må følgande vere i orden:
- Lånedokumenta må vere signerte.
- Vi har motteke kopi av kjøpekontrakten.
- Bilen er forsikra og omregistrert i ditt namn.
Vi sørger også for at eventuelle heftelsar er innfridd og gir deg ei stadfesting på utbetaling av lånet. Ein heftelse betyr at eigaren har lånt pengar med pant i bilen. Heftelsen følger bilen, og ikkje eigaren.
PS! Dersom du angrar på lånet har du 14 dagars angrerett. Det betyr at du må betale tilbake saldo, rente og tinglysingsgebyr.
Eigenkapital
Har du eigenkapital er det du som overfører beløpet direkte til seljar.
Skal du finansiere bilkjøpet sjølv?
Har du eigenkapital er det du som overfører beløpet direkte til seljar. Det er viktig at du og seljar har signert kjøpekontrakt før du betaler og du må hugse å sjekke om bilen har heftelsar hos Brønnøysundsregisteret. Her er det viktig at du får bekrefta at heftelsen vil bli sletta.
Gratulerer! Du er no eigar av din nye bil!
Sjekkliste prøvekjøre bruktbil
Ei grundig prøvekøyring er like viktig som å sikre at bilen oppfyller dine behov og passar ditt budsjett. Dette må du hugse på:
- Sjekk alltid serviceheftet.
- Sjå etter skadar i lakk, riper eller bulkar. Rust bør sjekkast i skjermbuar, underside av dørene og innside av bagasjerom.
- Høyr etter lydar i motor, gjerne i ulike hastigheiter. Kjenner du vibrasjon når du køyrer over 60 km/t?
- Test bremsene fleire gonger. Sjekk at ABS fungerer.
- Sjekk om dekka er skeivslitne og mønsterdjupne
- Sjekk om nokon varsellamper lyser og om klimaanlegg, varmesete, spegel, ryggekamera og vindauge, og vindaugspussarar fungerar som dei skal.
- Sjekk batteri og oljelekkasje på bensin- og dieselbilar.
- Sjekk rekkevidde og ladeleidningar på elbil.
- Sjekk kva du får med av ekstra utstyr som reservehjul, jekk, sommardekk og vinterdekk, varseltrekant og tal nøklar.
Skal du kjøpe ein litt eldre bruktbil?
Kaskoforsikring dekker skader på din eigen bil som følge av kollisjon og utforkøyring. Dette treng du sannsynlegvis ikkje viss du kjøper ein eldre bruktbil. Ein tommelfingerregel er at du ikkje treng å forsikre deg mot tap du lett kan erstatte sjølv.
Viss du ikkje treng kaskoforsikring kan du søke om eit kaskofritt billån på inntil 130.000 kroner. Då får du billegare bilforsikring, men renta på eit kaskofritt billån er høgare enn på eit vanleg billån. Du som er under 34 år, får derimot lågare rente enn på eit ordinært kaskofritt billån.
Merk at du utan kaskoforsikring ikkje får noko igjen på forsikringa ved sjølvvalda skade – òg viss bilen blir vraka.
Kva lurer andre på?
Vi treng aller først ein digital søknad frå deg. Du kan også sjekke ut lån til køyretøy i mobilbanken din. Her kan du prøve ut lånekalkulatoren vår før du sender oss ein søknad.
Slik gjer du det:
- Sjekk pris i lånekalkulatoren vår. Fyll ut pris på bilen du ønsker å kjøpe og eventuelt eigenkapital, og sjå kor mykje lånet vil koste deg. Når du er ferdig, vel du "Søk billån".
- Identifiser deg. Vi må vite kven du er for å kunne behandle lånesøknaden. Når du startar søknaden må du derfor logge inn med BankID, om du ikkje allereie er logga inn, for å identifisere deg. Vi treng også godkjenning frå deg for å innhente siste opplysningar om skattemelding og lønn. Du treng ikkje å vere kunde frå før for å søke lån.
- Send inn søknad. For rask behandling av søknaden din må du legge inn informasjon om sivilstatus, bustadforhold, gjeld og inntekt. Fyll ut resten av søknaden og vel "Send inn søknaden".
- Finansieringsbevis Om søknaden blir godkjent, har du/de eit godkjent finansieringsbevis og kan slå til når riktig køyretøy dukkar opp! Finansieringsbeviset kostar ingenting og varer i 60 dagar. Det kan fornyast, endrast og slettast. Men hugs – du kan ikkje overta bilen før lånedokumentet er signert, så ta kontakt med oss så snart du har funne bilen som er aktuell.
- Signer lånedokument. Hugs at lånedokumenta må signerast før overtaking av bilen. Vi treng endeleg kjøpesum og riktig registreringsnummer før vi kan sende deg lånedokument for signering. Lånet signerer du elektronisk ved hjelp av BankID.
- Bekrefting på utbetaling til seljar. Du vil motta eigen e-post med bekrefting på utbetaling som kan sendast til seljar.
- Last opp kopi av kjøpekontrakt. Etter at lånet er signert sender vi deg ein e-post med instruksjonar på korleis du kan laste opp ein kopi av kjøpekontrakten og du vil få eigen e-post med stadfesting på utbetaling som kan sendast til seljar.
- Utbetaling Vi utbetaler til seljar så snart alle dokumenta er i orden, forsikring er ordna og bilen er omregistrert i ditt namn. Stiller du med eigenkapital skal du sjølv overføre dette til seljar/forhandlar.
Vi behandlar søknaden så raskt vi kan. Er du kunde, kan du sjekke status på søknaden din i mobil- og nettbanken også.
Finansieringsbeviset endrar seg til lån først når lånedokumenta er signert. Men før vi sender deg lånedokumenta for e-signering treng vi:
- Registrere registreringsnummeret til køyretøyet du skal kjøpe.
- Sørge for at kjøpesummen stemmer.
Når det er gjort må du:
- Signere lånedokumenta vi sender deg.
- Laste opp ein kjøpekontrakt som inneheld kontonummeret til seljar, og er signert av både deg og seljar.
- Omregistrere køyretøyet i ditt namn ved å sende inn salsmelding.
- Betale omregistreringsavgifta når salsmeldinga er godkjent.
NB: Omregistreringa kan ikkje skje før du har signert lånedokumenta.
Og så vil vi:
- Betale ut lånet direkte til kontoen til seljar, eller inn på seljar sitt lån dersom det er heftelsar på køyretøyet.
- Sende deg ei stadfesting per e-post når lånet er utbetalt.
Sjå også
Korleis føregår utbetalinga?
Kven betaler omregistreringa?
Kor lang nedbetalingstid du bør ha på billånet avheng av verdien av bilen. Vi gir inntil 10 års nedbetalingstid på eit billån, men det er viktig å passe på at prisen på billånet ikkje er høgare enn det bilen er verd. Ein bil vil tape seg i verdi over tid, og med unødvendig lang nedbetalingstid risikerer du å sitje med restgjeld den dagen bilen skal seljast.
Du kan sjå kor mykje lånet kostar med vår billånskalkulator. Med denne får du ein god indikasjon på kva prisen blir.
Sjå også
Bør eg ha eit eige billån eller auke bustadlånet?
Kor mykje eigenkapital må eg ha på eit billån?
Det er ikkje noko krav om eigenkapital for å få billån. Viss økonomien din er god nok til å betale dei månadlege lånekostnadane er det fullt mogleg å få billån utan eigenkapital.
Låner du heile kjøpesummen må du betale ei høgare rente enn viss du har noko eigenkapital. Du må også passe på at ikkje bilen tapar seg så mykje i verdi at du har meir igjen på lånet når du skal selje den, enn det du får for bilen.
Derfor anbefaler vi å stille med noko eigenkapital dersom du har moglegheit til det.
Sjå også
Kor lang nedbetalingstid bør eg ha på billånet?
Bør eg ha eige billån eller auke bustadlånet?
Vi kontaktar deg på telefon eller e-post for å oppdatere deg om status på søknaden. Er du kunde, kan du sjekke status på søknaden din i mobilbanken eller nettbanken din.
Sjå også
Korleis blir finansieringsbevis til eit lån?
Korleis føregår utbetalinga?
Nei, det kan du dessverre ikkje. Vi står klare til å hjelpe deg, men søknaden din må du alltid sende inn digitalt.
Om du treng hjelp til utfyllinga kan du kontakte oss. Kontaktinformasjonen finn du nedst på denne sida.
Ja, det kan du! Men du må signere lånedokumenta før du tar med deg køyretøyet. Sjølve overtakinga blir ein avtale mellom deg og seljar.
Vi kan sende deg lånedokument for signering før du har sett på køyretøyet. Sjølv om du signerer låneavtalen med oss, er du ikkje knytt til handelen før vi har fått signert kjøpekontrakt og/eller salsmelding. Det betyr at du kan ha alt klart før du reiser for å sjå på køyretøyet. Dersom han fell i smak kan de skrive kjøpekontrakt, fylle ut salsmelding, og sende inn til oss. Du vil få ein eigen link på e-post der du kan laste opp kjøpekontrakten, eller du kan sende den som vedlegg på e-post. E-postadressa får du tilsendt på sms.
Merk at:
- Registreringsnummer og kjøpesum må vere riktig før du signerer lånedokumenta.
- Du kan ikkje legge ut for køyretøyet sjølv og få tilbakebetalt av oss.
- Du får ikkje tilbakebetalt omregistreringsavgifta av oss, den er det du som kjøpar sjølv som betaler.
Skulle det bli endring på kjøpesum eller du finn eit anna objekt, er det viktig at du tar kontakt slik at vi får oppdatert lånedokument med riktig informasjon.
Bonus på bilforsikringa kan berre arvast eller delast mellom gifte, sambuarar og partnarar. Det vil sei at barn ikkje kan arve bonusen til sine foreldre. Hjå oss er startbonusen også den høgaste i marknaden - på 60 %. Les meir om reglane for bilforsikring og bonus.
Viss bilen køyrast av nokon under 23 år må vi få beskjed om dette, slik at det står i forsikringsavtalen for bilforsikring. Det er fordi det er større sjanse for uhell når ein er under 23 år, som vil påverke prisen noko. Forsikring kan bli avkortet dersom dette ikkje står i avtalen og det skjer ein skade.
Er du usikker på kva som står i forsikringsavtalen din kan du sjekke dette ved å logge inn til mine forsikringar, mobilbanken eller nettbanken.
Ønsker du å endre, slik at personar under 23 år kan køyre bilen din? Kontakt oss, så fiksar vi det.
Lærekøyre?
Skal de ut å lærekøyre treng de ikkje registrere førar under 23 år. Per definisjon er det den som sit i passasjersetet og gir opplæring som er førar av bilen når ein lærekøyrer.
Har du bilforsikring i eit anna selskap?
Er du ung og skal kjøpe din første bil og di første bilforsikring, er det eit par tips det kan vere greitt å vite. Vi har satt saman ein liten guide med nokre viktige tips du bør tenke på i vurderinga di som førstegangskjøpar.
Fyrst av alt, så finst det 4 forskjellige bilforsikringar (eller dekningar som dei òg kallast):
- Ansvarsforsikring: Dette er det lovbestemte minimumskravet, som dekkjer skade du påfører andre personar eller deira eigedom dersom du er uheldig. Ansvarsforsikring er påkravd i Norge.
- Delkasko: Denne forsikringa dekker i tillegg skadar på bilen din som følgje av brann, tjuveri, glasskade og naturskadar.
- Kasko: Dekker det som er nemnt over, og dekker i tillegg skadar på eigen bil som følgje av kollisjon og utforkøyring.
- Toppkasko: Denne dekker alt over, i tillegg maskinskade og utvida leigebildekning.
Når du skal velje bilforsikring, er det viktig å vurdere følgjande faktorar:
- Verdien av bilen: Om bilen din har høg verdi, kan det vere lurt å vurdere kasko eller toppkasko. For eldre bilar med låg verdi kan det kanskje halde med delkasko. Har du billån med pant i bilen, krev vi at du har minimum kaskoforsikring på grunn av tryggleiken i lånet.
- Køyrelengde: Køyrelengda er den distansen du køyrer i løpet av eit år. Vi tilbyr køyrelengder frå 6.000 km til ubegrensa. Om du køyrer mykje, bør du òg vurdere ei forsikring som inkluderer veghjelp og leigebil ved skade.
- Eigenandel: Eigenandelen er den summen du må betale for å bruke forsikringa, med nokre unntak der vi har fast eigenandel (f.eks ved veghjelp). Du kan velje kva eigenandel du ønskjer. Jo høgare eigenandel, jo lågare pris på bilforsikringa.
- Andre fordelar: Du får opptil 20 % rabatt på bilforsikringa dersom du samlar dine forsikringar hos oss. Er du medlem av eit LO-forbund får du toppkasko til same pris som kasko, samt lågare eigenandel.
- Bonus Bonussystemet gjev deg rabatt på forsikring for kvart år du køyrer skadefritt. Hos oss får du 60 % startbonus.
Mange er opptekne av å få den billegaste bilforsikringa for å byggje opp bonus. Men det som er viktig å vite, er prisen etter at alle rabattar er lagde til. Det finst også andre triks for å gjere bilforsikring billegare.
Bruk vår bilforsikringskalkulator så ser du prisen før du kjøper. Du kan også få tilbod på bilforsikring ved å kontakte ein forsikringsrådgjevar.
Tips og råd
Tips og råd
Kjøpe den første bustaden din?
Tips og råd
Dette bør du vite om du skal leige leilegheit
Tips og råd