Tips og råd
TIPS OG RÅD
Tips til deg som skal selje bil
Vurderer du å selje bilen din privat? Det kan fort lønne seg, men det er smart å gjere eit grundig forarbeid og vere ryddig i prosessen. Vi har samla nokre tips på vegen.
Dette må du hugse på:
- Finn riktig pris og klargjer bilen for sal.
- Husk at du som seljar har opplysningsplikt.
- Skriv kontrakt og innfri eventuelle heftelsar på bilen.
- Hugs å flytte avtaler etter omregistrering.
Vurderer du å kjøpe eller byte bil?
Sjølv om du no tenker på å selje bilen din, har du sikkert allereie tenkt på om du skal kjøpe ny bil, eller kanskje du ønsker å byte bil. Då kan det vere smart å vurdere både bilen sin verdi og kva bil som passar dine behov, slik at du får ein god avtale viss du byter.
Kva kostar ein bil i året?
Visste du at som kunde hos oss får du oversikt over alle køyretøy du eig, og kva det kostar deg? Sjekk ut Mine køyretøy i mobilbanken og nettbanken din, og sjå utgiftene til:
- drivstoff, lån, teneste og forsikringar.
- kollektivtransport, parkering og leigebil.
- leasingavtalar eller bilabonnement
- AutoPASS-avtalar og bompasseringar
Kva lurer andre på?
Du kan innfri billånet sjølv i mobilbanken eller nettbanken. Vel billånet du vil nedbetale under "Mine lån" og klikk på "Betal ned heile lånet". Då vil du få ein faktura med gjenståande beløp.
Sjå også
Kan eg nedbetale ekstra på billånet?
Lånet blir alltid utbetalt til seljar. Vi utbetaler pengane til seljar så snart alt av lånedokument er mottatt. Dette inkluderer signerte lånedokument frå oss i SpareBank 1, kopi av signert kjøpekontrakt og salsmelding.
- Dersom det er hefte på køyretøyet vil vi innfri den ved utbetaling først, og så overføre resten til kontoen til seljar.
- Pengane vil vere synleg på kontoen til seljar innan 1-2 virkedagar.
- Vi utbetaler berre mellom kl. 08.00 og 16.00 på kvardagar.
- Det kan ta opptil 4- 6 virkedagar frå heftet er nedbetalt til det er oppdatert i Brønnøysundregisteret.
Du som kunde skal alltid overføre eigenkapitalen sjølv. Vi har ikkje moglegheit til å overføre eigenkapital. Dersom det er hefte på køyretøyet, anbefaler vi at du tar kontakt med oss for å avtale kor eigenkapitalen skal betalast. Viss det ikkje er hefte på køyretøyet, overfører du eigenkapitalen direkte over til seljar.
Nei, du treng ikkje seie opp bilforsikring, verken om du sel bilen eller vrake den. Når du sel bilen vil bilforsikring bli avslutta automatisk frå den same dagen Statens vegvesen registrerer melding om eigarskifte (salgsmsg) på bilen. Det same gjeld om bilen blir registrert som vraka eller meldt stjålen.
Ved sal, ver merksam på at den som kjøper bilen, også må kjøpe ei eiga bilforsikring før de kan omregistrere bilen til ny eier. Dette er for å unngå dagsgebyret frå Trafikkforsikringsforeningen ved uforsikra registrert køyretøy.
Hvis du midlertidig avregistrere kjøretøyet ditt vil du automatisk gå over på ein lagringsforsikring.
Alle registrerte bilar må minimum ha ansvarsforsikring. Ansvar er den grunnleggjande dekninga som er lovpålagt alle registrerte bilar.
Ansvarsforsikring dekker:
- Trafikkforsikringsavgift
- Førar- og passasjerulukke
- Andre skadar på køyretøy
- Skader på bygningar
- Skader på andre sine eigedelar.
- Rettshjelp
Ønsker du å vere dekka for skadar på eigen bil må du ha kaskoforsikring eller toppkasko.
Viss du midlertidig avregistrerer bilen vil du automatisk gå over på ei lagringsforsikring slik at bilen framleis er dekka mot blant anna brann og tjuveri.
Omregistreringsavgift er avgifta du betaler for at bilen eller køyretøyet skal bli registrert på ny eigar. Det er kjøpar som er ansvarleg for at omregistreringa blir betalt, og den skal betalast når salsmedlinga er godkjent. Omregistreringsavgifta betaler du på Statens Vegvesen.
Akkurat kor mykje du må betale avheng av:
- type køyretøy (t.d. om det er personbil, bubil eller motorsykkel)
- vekta til køyretøyet
- kor gammalt køyretøyet er
Skatteetaten har eit verktøy du kan bruke for å sjekke ut kva det kostar å omregistrere bilen. Prøv omregistreringskalkulatoren.
Hugs at du må ha forsikring og EU-kontroll i orden før du betaler omregistreringsavgifta for å unngå gebyr.
Når avgifta er betalt kan kjøpar skrive ut midlertidig vognkort og bruke sin nye bil. Ordinært vognkort får du i posten i løpet av fire til sju virkedagar. Midlertidig vognkort kan du laste ned på Statens Vegvesen.
Sjå også:
Kor lang nedbetalingstid bør eg ha på billånet?
Kva betyr det at ein bil har heftelsar?
Kjøpekontrakt
Kjøpekontrakten for bil eller andre køyretøy må innehalde:
- Personlege opplysningar:Kjøpar og seljar sitt namn, adresse, telefonnummer, e-postadresse.
- Opplysningar om køyretøyet: Registreringsnummer, bilmerke, type, årsmodell i tillegg til km-stand, tal nøklar, utstyr og servicehefte.
- Heftelsar:Seljar må bekrefte om køyretøyet er fritt for heftelsar. Ved heftelsar må seljar bekrefte korleis heftelsen vil bli sletta. Ein heftelse betyr at eigaren har lånt pengar med pant i bilen. Heftelsen følger bilen, og ikkje eigaren.
- Tilleggsopplysningar: Er køyretøyet bruktimport, EU-godkjent, har det vore skadar, rust eller problem med motor, bremser, girkasse eller anna.
- Betaling og levering:Kjøpesum, dato for overlevering og betalingsmåte med kontonummer til seljar.
- Andre atterhald: Blir køyretøyet selt «som det er» overtar kjøpar mykje av risikoen for at bilen kan ha skjulte manglar.
- Signering: Dato, stad og signatur for begge partar. Dersom kontrakten er på fleire sider, er det lurt å signere med initialar på alle sidene.
Du finn mange gode malar på nettet, så slepp du å sette opp kontrakten heilt sjølv. Du kan til dømes sjekke kjøpekontrakt på Forbrukarrådet sine sider.
Eigarskifte
Etter signering av kjøpekontrakt må køyretøyet omregistrerast til ny eigar.
- Salsmelding: Det er normalt sett seljar som sender inn salsmelding ved å logge inn på Statens Vegvesen.
- Omregistrering: Når salsmeding er godkjent må du som kjøpar betale omregistreringsavgift før du kan bruke køyretøyet. Omregistreringsavgifta betaler du på Statens Vegvesen.
Tips og råd
Tips og råd
Kva forsikringar bør du ha?
Tips og råd
Sikker bruk av nettbank og mobilbank
Tips og råd