Trafikkforsikringsavgift (TFA)
(tidlegare kalla årsavgift/vegavgift)
I 2018 blei årsavgifta døypt om til Trafikkforsikringsavgift (TFA) til staten. Det er forsikringsselskapa som krev inn avgifta, saman med betalinga av køyretøyforsikringa.
Kva er trafikkforsikringsavgift (TFA)?
Trafikkforsikringsavgift er det som tidlegare heitte vegavgift/årsavgift. Det er regjeringa som har bedt forsikringsselskapa om å fakturere vegavgifta/årsavgifta for motorkøyretøy saman med forsikringa, for å forenkle rutinane til staten og spare administrasjonskostnadar.
Trafikkforsikringsavgifta vil gjelde alle køyretøy med tillat totalvekt opptil 7.500 kg som skal ha ansvarsforsikring. For køyretøy med tillat totalvekt på 7.500 kg eller meir, må du betale vektårsavgift. Denne avgifta er det framleis Skatteetaten som krev inn, og du skal ikkje betale trafikkforsikringsavgift på slike køyretøy.
Trafikkforsikringsavgifta vil stå som ei eiga linje på forsikringsavtalen din slik at du ser kva du betalar i forsikringspris og kva som er avgift til staten. Er du kunde hos oss får du dette på fakturaen din.
Trafikkforsikringsavgift/årsavgift på elbil o.l.
Frå 1. mars 2021 betaler også elbilar og el-motorsyklar trafikkforsikringsavgift (årsavgift/vegavgift). Dette gjeld også hydrogendriven bil og motorsykkel.
Frå 1. mars 2024 vart trafikkforsikringsavgifta for elbil høgare enn den for vanleg bil (bensin, hybrid eller diesel med partikkelfilter).
Kva kostar trafikkforsikringsavgifta i 2024?
Nedanfor ser du liste over døgnsatsane på avgifta for dei ulike køyretøygruppene. Stortinget fastset satsane på avgifta kvart år, og alle inntektene frå avgifta går til staten.
Sist oppdatert 09.01.2024
| Køyretøy | Før 28.2.2023 |
F.o.m 1.3.2021 t.o.m 29.2.2023 |
Etter 1.3.2024 |
| Bil og buss, diesel utan partikkelfilter | 250.000 kr | 9,84 kr (3592 kr*) | 9,11 kr (3325 kr*) |
| Bil og buss, bensin eller diesel med partikkelfilter | 250.000 kr | 8,38 kr (3059 kr*) | 7,60 kr (2774 kr*) |
| Motorsykkel (diesel, bensin eller elektrisk) | 250.000 kr | 6,10 kr (2227 kr*) | 5,23 kr (1909 kr*) |
| Veterankjøretøy, moped, traktor, taxi, motorredskap, beltemotorsykkel (snøscooter) med fleire |
250.000 kr | 1,42 kr (518 kr*) | 0,37 kr (135 kr*) |
| Køyretøy på Svalbard, NATO og ambassadar. Sjølvassurandørar | 0 kr | 0 kr | 0 kr kr |
| Bil (elektrisk, hydrogen eller brenselcelle) | 250.000 kr | 8,38 kr (3059 kr*) | 8,70 kr (3176 kr*) |
| Elektrisk moped, traktor, buss, taxi, motorreiskap, snøscooter med fleire. snøscooter med fleire. Med hydrogen og brenselcelle. |
250.000 kr | 1,42 kr (518 kr*) | 0,37 kr (135 kr*) |
*døgnsatsen x 365 dagar = pris per år
(2024 er skotår med 366 dagar)
Betaling av Trafikkforsikringsavgifta
Frå før betalte du årsavgifta i ein stor sum éin gong i året. Trafikkforsikringsavgift blir fordelt på same måte som betalinga av forsikringa di.
På fakturaen er trafikkforsikringsavgifta spesifisert for kvart køyretøy og beløpet blir delt opp i same tal betalingsterminar som forsikringsavtalen. Det vil seie at viss du du fordelt forsikringa på 12 månader, vil også avgifta bli fordelt månadleg.
Har du spørsmål om faktura og betaling? Sjå kundeservice for spørsmål og svar.
-/fremtind-bil.jpeg.thumb.1280.1280.jpg)
Spørsmål og svar om trafikforsikringsavgifta
Trafikkforsikringsavgift er ei avgift og påverkar ikkje bonus eller prisen på forsikringa. Det er ei avgift som er uavhengig av kor mykje du betaler i forsikringspremie. Trafikkforsikringsavgifta er avhengig av kva type køyretøy du har, til dømes bensindriven bil eller elbil. Trafikkforsikringsavgifta blir også den same uansett køyrelengde, slik årsavgifta er no.
Du skal betale trafikkforsikringsavgift så lenge du har ansvarsforsikring på køyretøyet ditt. Du er pliktig til å ha ansvarsforsikring så lenge du har skilt på køyretøyet.
Viss du ikkje bruker køyretøyet ditt, kan du avregistrere køyretøyet og gå autom lagringsforsikring der du unngår å betale ansvarsforsikring og trafikforsikringsavgift.
Køyretøy som er over 30 år, reknast som veterankøyretøy, og skal også betale trafikforsikringsavgift. Denne summen er lågare enn for vanlege køyretøy. Ta kontakt dersom du har fått krav om høgare Trafikkforsikringsavgift enn du meiner du bør ha.
Dersom du ikkje er einig i kva kategori køyretøyet ditt er i, må du kontakte Statens Vegvesen. Forsikringsselskapa baserer innkrevinga si av Trafikkforsikringsavgift på opplysningar registrert i det sentrale motorvognregisteret. Det er Statens Vegvesen som held ved like og oppdaterer desse opplysningane.
Det er inga lovpålagt ansvarsforsikring på campingvogner eller tilhengarar, og derfor heller inga trafikkforsikringsavgift.
Trafikkforsikring er den lovpålagte, obligatoriske ansvarsforsikringa ein må ha på eit køyretøy.
Alle køyretøy som er pålagde å ha ansvarsforsikring skal også betale trafikforsikringsavgift. Til dømes desse køyretøya:
Campingvogn og tilhengar er ikkje pålagde ansvarsforsikring og betalar heller ikkje trafikforsikringsavgift.
Ønsker du å byte til oss hjelper vi deg med å flytte forsikringa for køyretøyet ditt og dermed også Trafikkforsikringsavgifta.
Sjå fleire spørsmål
Nei, det er ikkje påbode eller lovpålagt å ha forsikring på campingvogn. Det er bilens ansvarsforsikring som gjeld. Men det er greit å hugse at hvis du krasjar med campingvogna har du ingen forsikring som dekkar skade på din eigen campingvogn.
Har du lån med pant i campingvogna, så vil vi krevje at du har kaskoforsikring på campingvogna.
Har du kasko campingvognforsikring er du dekka mot brann, tjuveri, innbrot, hærverk, kollisjon og utforkøyring. Både campingvogna, fortelt og tilbygg dekkast, samt lause gjenstandar og fastmontert utstyr. I tillegg har du feriegaranti hvis det skulle skje noko med campingvogna i ferien.
Ja, vi tilbyr lagringsforsikring på bil, mc og veterankøyretøy. Har du ein uregistrert bil, MC eller veterankøyretøy kan du kjøpe lagringsforsikring for å forsikre køyretøyet mot brann og tjuveri når denne står lagra. Dette er ei god forsikring for deg som allereie har ein uregistrert bil eller mc.
Dersom du allereie har forsikring hos oss og avregistrerer køyretøyet ditt i delar av året, vil du automatisk gå over på lagringsforsikring.
Husk at alle registrerte køyretøy har forsikringsplikt.
Trafikkforsikringsforeininga gir dagbøter til alle registrerte køyretøy utan (minimum) ansvarsforsikring.
...eller kontakt oss.
Les meir om:
Ein bil blir sett på som ein veteran når bilen er 30 år gammal. Dette gjeld frå og med 1. januar det året køyretøyet først blei registrert i Norge, eller produksjonsdato dersom den er importert. Det er Toll- og avgiftsdirektoratet som bestemmer definisjonen på veteranbilar, mens Statens vegvesen bestemmer den tekniske klassifiseringa for veteranbilar (teknisk gruppe: M1, M2, O1 osv.).
Reglar for veteranbil
Det er særskilde reglar du må følgje viss bilen din er ein veteranbil og du ønsker å forsikre den med veteranbilforsikring:
- Bilen kan berre brukast til hobbykøyring.
- Bilen kan maksimalt køyre 6000 km i året.
Det er ein myte at alle veteranbilar slepp EU-godkjenning. Fram til 2016 gjaldt fritaket for EU-godkjenning bilar registrert før 01.01.1960. Men i 2016 vart dette endra til kun å gjelde bevaringsverdige veteranbilar over 50 år.
Avregistrere veteranbil
Viss du avregistrerer veteranbilen i vinterhalvåret, vil du automatisk gå over på ei lagringsforsikring slik at du framleis er dekt mot blant anna brann og tjuveri når køyretøyet står lagra.
Nei, du treng ikkje seie opp bilforsikring, verken om du sel bilen eller vrake den. Når du sel bilen vil bilforsikring bli avslutta automatisk frå den same dagen Statens vegvesen registrerer melding om eigarskifte (salgsmsg) på bilen. Det same gjeld om bilen blir registrert som vraka eller meldt stjålen.
Ved sal, ver merksam på at den som kjøper bilen, også må kjøpe ei eiga bilforsikring før de kan omregistrere bilen til ny eier. Dette er for å unngå dagsgebyret frå Trafikkforsikringsforeningen ved uforsikra registrert køyretøy.
Hvis du midlertidig avregistrere kjøretøyet ditt vil du automatisk gå over på ein lagringsforsikring.
Kan eg avskilte bilen utan å levere skilt?
Ja, det er ikkje lenger eit krav om at skilta på avregistrerte køyretøy skal leverast inn til ein trafikkstasjon, ved midlertidig avregistrering av køyretøy. Du kan sjølv midlertidig avregistrere køyretøyet på vegvesen.no når du sjølv ønsker. Det vil framleis vere mogleg å møte fysisk med skilta på ein trafikkstasjon dersom du ønsker det.
Kva med forsikringa?
Når du avregistrerer/avskiltar bilen midlertidig, går forsikringa di automatisk over på ei lagringsforsikring.
Om du treng å køyre/flytte bilen medan den er avregistrert må du bestille prøveskilt/dagsforsikring hos Statens vegvesen. Du treng ikkje ansvarsforsikring når du køyrer med prøveskilt då dagsforsikring er inkludert, og dekkast av Statens vegvesen. Du kan bruke prøveskilt ved:
- prøvekøyring, for eksempel i samband med kjøp og sal
- flytting av køyretøy frå ein stad til ein annan
- prøving av køyretøy i samband med reparasjon eller anna
- køyring i samband med fortolling, godkjenning og registrering
Korleis registrerer eg ein avregistrert bil?
For å kunne registrere ein avregistrert bil må du fyrst ha ei bilforsikring. Om du alt har ei lagringsforsikring på bilen din, kan du logge inn på forsikringa for den bilen det gjeld og velje «Gjenoppta "dekning"».
Deretter kan du påregistrere køyretøyet ditt igjen hos Statens vegvesen.
Sjå også
Kondemnert bil?
Kva slags forsikring er påbode på motorkøyretøy?
Må eg forsikre bilen før omregistrering?
Avskiltingskrav?
Manglande EU-kontroll
Sjølv om bilen din ikkje er EU-godkjent, gjeld bilforsikringa. Men det er eit viktig unntak: Om ein mangel på bilen er årsaka til uhellet, kan du få avkortning på erstatninga.
Dersom du har gløymt EU-kontrollen og køyretøyet ditt ikkje har blitt EU-godkjent innan fristen, vil du kunne motta ei avskiltingsbegjæring frå Statens vegvesen. Det betyr i praksis at køyretøyet ditt blir ilagt køyreforbud (bruksforbud). Hvis du ikkje ordnar opp vil du når som helst kunne bli stoppa av politiet, tollvesenet eller vegvesenet. Dei vil avskilte køyretøyet og sende skilta til oppbevaring på ein trafikkstasjon. Når Statens vegvesen avskiltar køyretøyet sender dei òg ut melding om avregistrering, noko som igjen gjer at vi automatisk gjer om forsikringa di til ei lagringsforsikring.
Ikkje betalt forsikring
Om du ikkje betalar forsikringa vil forsikringsselskapet avslutte forsikringa. Det vil òg gå ut ei melding til Statens vegvesen om at køyretøyet ikkje er forsikra, som vil sende ut ein avskiltingsbegjæring på køyretøyet. Du vil òg begynne å få dagbøter frå Trafikkforsikringsforeningen.
Levere skilt/avregistrere sjølv
Har du fått ei avskiltingsbegjæring frå Statens vegvesen må du avregistrere bilen. Tidlegare måtte du levere skilt til ein trafikkstasjon, men no kan du avregistrere bilen utan å levere skilt. For å kunne registrere bilen tilbake må du rette opp i grunnen for avskiltingsbegjæringa.
Hvis køyretøyet berre er i bruk delar av året, kan du velje å avregistrere kjøretøyet for å unngå å betale forsikring og trafikkforsikringsavgift (vegavgift) i perioden køyretøyet ikkje er i bruk. Då kan du avregistrere bilen på vegvesen.no så lenge du sjølv ønskjer. Når du gjer dette vil vi automatisk gjere om forsikringa di til ein lagringsforsikring.
Flytte avskilta køyretøy
Hvis du har avskilta køyretøyet, men likevel ønskjer å flytte bilen (for eksempel til verkstad for EU-kontroll), kan du bestille prøveskilt frå Statens vegvesen. Då er ansvarsforsikring inkludert i dagsprisen du betalar.