Køyretøyforsikring

Ansvarsforsikring er påbode på alle registrerte motorkjøretøy.

For uregistrerte motorkjøretøy som el-sykkel, bør du ha innbuforsikring. Den inkluderar ansvarsforsikring.

For små elektriske kjøretøy som el-sparkesykkel, segway og liknande blei det frå 1. januar 2023 påbode med ei eiga ansvarsforsikring for små elektriske kjøretøy.

Ansvarsforsikring er ei forsikring som i hovudsak sikrar at du ikkje blir erstatningsansvarleg viss du påfører andre eller andres eigedom skade med kjøretøyet. Ønskjer du også å dekkje eiga køyretøy må du ha kaskoforsikring.

Les meir om forsikringsplikt for motorvognar på tff.no

Definisjonen på små elektriske køyretøy er dei tekniske krava til desse. For å lettare forstå desse krava kan det vere greitt å vite kva slags typar køyretøy det er snakk om.

Døme på små elektriske køyretøy:

• El-sparkesykkel
• Ståhjuling
• Elektriske skateboard
• Einhjuling (EUC)
• Tohjuling (Segway)
• Ståbrett
• Sjølvbalanserande brett/hoverboard (Airwheel)

Elsykkel er ikkje definert som små elektriske køyretøy og er heller ikkje pålagt eiga ansvarsforsikring. Her er du dekt av ansvarsforsikring i innbuforsikringa, men om du har ein veldig dyr elsykkel vil vi anbefale deg ei eiga sykkelforsikring.
 

Dei tekniske krava til desse køyretøya er:

• Køyretøyet må ha permanent hastigheitsgrense på 20 km/t, med maks 10 % sikkerheitsmargin (maks 22 km/t er lovleg).
• Maksvekt på 70 kg (inkludert batteri).
• Maksbreidd på 85 cm.
• Makslengde på 120 cm.
• Må ha bremser, lys framme, refleks bak og ringeklokke.
• Det er berre tillatte med sete på køyretøy med sjølvbalanserande teknologi.

Køyretøy som ikkje kan oppnå hastigheit over 10 km/t er ikkje definert som små elektriske køyretøy og er heller ikkje pålagt ansvarsforsikring. Desse er dekt av innbu- og reiseforsikring. 
 

Reglar for bruk av små elektriske køyretøy:

• Aldersgrense på 12 år.
• Promillegrense på 0.2 ‰.
• Påbode med hjelm for barn under 15 år.
• Påbode med ansvarsforsikring
• Berre lov å vere éin person på kjøretøyet.
• Skal vere tydeleg og varig merka med produsentens namn, typebetegnelse og fabrikasjonsnummer.
  
  

Greitt å vite
Når du leiger små elektriske kjøretøy er det utleigefirma som er ansvarlege for forsikring.
 

Sjå også

Kva forsikring dekker den elektriske rullestolen min?
Må eg ha forsikring på el-sparkesykkel?
 

For å finne ut om ein bil er forsikra kan du logge inn med BankID hos Trafikkforsikringsforeningen. Der kan du søkje på registreringsnummer for å finne ut om bilen er forsikra (uavhengig av forsikringsselskap).

Kvar er bilen forsikra?
Viss du ikkje veit kvar ein bil er forsikra kan du logge inn med BankID hos Trafikkforsikringsforeningen. Der kan du sjekke kva forsikringsselskap som har forsikra bilen.

Sjå også:

Viss bilen køyrast av nokon under 23 år må vi få beskjed om dette, slik at det står i forsikringsavtalen for bilforsikring. Det er fordi det er større sjanse for uhell når ein er under 23 år, som vil påverke prisen noko. Forsikring kan bli avkortet dersom dette ikkje står i avtalen og det skjer ein skade.

Er du usikker på kva som står i forsikringsavtalen din kan du sjekke dette ved å logge inn til mine forsikringar, mobilbanken eller nettbanken.

Ønsker du å endre, slik at personar under 23 år kan køyre bilen din? Kontakt oss, så fiksar vi det.

Lærekøyre?
Skal de ut å lærekøyre treng de ikkje registrere førar under 23 år. Per definisjon er det den som sit i passasjersetet og gir opplæring som er førar av bilen når ein lærekøyrer. 
 

Har du bilforsikring i eit anna selskap?