Husforsikring

Skadedyr-forsikring

Har du fått besøk av skadedyr eller insekt i huset? Både hus- og innbuforsikringa vår har dekningar som kan hjelpe deg med å få bukt med dei små plageåndene.

Skjeggkre

Innbuforsikring topp har dekning mot skjeggkre og dekker bekjemping av desse med inntil 150.000 kroner. Skjeggkre gjer ingen skade på bygningar eller menneske, og blir ikkje sett på som skadedyr. Skjeggkre er derfor ikkje dekka av husforsikringa.

Har du oppdaga skjeggkre i bustaden din?

Meld ifrå om skjeggkre

Mus og rotter

Det er særleg i vintermånadane, når mus og rotter trekker til varme på leiting etter mat, dei gjer mest skade. Dei trekker ofte til varme stadar som til dømes loftet eller tak i hus og hytter. Der kan dei gnage i treverk, leidningar, kablar og vatnslangar som kan føre til store skadar.

I tillegg kan lukt frå døde mus og rotter vere sjenerande. Har du topp husforsikring er du dekka mot mus og rotter som gjer skade på bustaden, eller på hytta dersom du har topp hytteforsikring. Du er dekka både for skadane på bygningen og for bekjempinga av dyra.

Har du fått besøk av mus eller rotter?

Meld ifrå om mus/rotter

Maur

Det finst maur som kan gjere stor skade på bygningen, som til dømes stokkmaur. Andre typar maur som jordmaur (sukkermaur) kan vere sjenerande, men blir ikkje rekna som skadedyr og dekkast dermed ikkje av forsikring. Har du fått stokkmaur på besøk kan desse gnage holrom og gangar i både treverk og isolasjonsmaterialar.

Har du husforsikring med tilleggsdekning for sopp-, råte- og insektskadarer du dekka både mot skadane og bekjemping av maur som gjer skade på bygning.

Har du oppdaga maur som gjer skade?

Meld skade på bygningen her

Veggedyr og kakerlakkar

Veggedyra er små insekt på størrelse med eplefrø som gjerne held til i sofa eller seng, og som lever av å suge blod. Veggedyr gjer ikkje skade på bygningen, men kan vere irriterande og gje stikk/kløe. Har du innbuforsikring er du dekka med opptil 150.000 kroner til bekjemping av veggedyr (og kakerlakkar).

Har du oppdaga veggedyr eller kakerlakkar i bustaden din?

Meld ifrå om veggedyr og kakerlakkar her

Dyr eller insekt?

Er det skade på bygningen (treverk, isolasjon o.l.) er det toppdekninga av bygningsforsikringane som gjeld. Den dekker alle skadar forårsaka av dyr som t.d. mus, rotte og hakkespett. Har du tilleggsforsikring for sopp-, råte- og insekt er du også dekka mot skade frå insekt, som t.d. maur, larvar, borebille, husbukk osb.

Skjeggkre, veggedyr eller kakerlakkar er ikkje sett på som skadedyr, då desse ikkje gjer fysisk skade, men dei kan vere svært sjenerande. Innbofursikring topp dekker hjelp til å fjerne desse med inntil 150.000 kroner.

Eigenandel
Ved skade på bygningen gjeld eigenandelen du sjølv har valt i forsikringsavtala. Ved bekjemping av skadedyr og insekt er eigenandelen 2.000 kr uavhengig av kva eigenandel du har valt på husforsikringa.