Forsikring av driftsbygg
Forsikring av driftsbygningar dekker små og store landbruksbygningar, som for eksempel lagerbygg og bygningar for dyrehald, reiskap og arbeidsmaskiner.
Forsikring av driftsbygg
Ikkje landbruk? Sjå næringsbyggforsikring
Dekker skade på fastmontert produksjonsutstyr.
Dekker tapte leigeinntekter ved skade.
Dekker yrkesskade for ulønna arbeid.
Kva dekker forsikring av driftsbygning?
Forsikringa kan tilpassast alle driftsbygningane på garden I tillegg kan du utvide til topp med tilleggsforsikringar som vi tilpassar ut ifrå ditt behov.
Oversikta er forenkla. Sjå vilkar for detaljar.
| Om forsikringa | ||
|---|---|---|
| Forsikringssum | ||
| Dekningar | ||
| Ansvarsforsikring | Dekkes av Topp | |
| Brann | Dekkes av Topp | |
| Naturskade | Dekkes av Topp | |
| Rettshjelp | Dekkes av Topp | |
| Vatn og anna væske | Dekkes av Topp | |
| Tjuveri og hærverk | Dekkes av Topp | |
| Glas og sanitærporselen | Dekkes av Topp | |
| Fastmontert produksjonsutstyr | Dekkes av Topp | |
| Vindskadar | Dekkes av Topp | |
| Snøtyngde og takras | Dekkes av Topp | |
| Byggeforsikring | Dekkes av Topp | |
| Husleigetap | Dekkes av Topp | |
| Prisstigning | Dekkes av Topp | |
| Riving og rydding | Dekkes av Topp | |
| Offentleg påbod | Dekkes av Topp | |
| Huseigaransvar | Dekkes av Topp | |
| Ansvar for tilleggsnæring | Dekkes av Topp | |
| Ulønna yrkesskadeforsikring | Dekkes av Topp | |
| Valfrie tilleggsdekningar | ||
| Kunstnerisk utsmykking | Dekkes av Topp | |
| Riving og rydding - auka forsikringssum | Dekkes av Topp | |
| Husleigetap - auka forsikringssum | Dekkes av Topp | |
Hos oss er ansvarsforsikringa inkludert
Hos oss treng du ikkje å kjøpe separat ansvarsforsikring, då den er inkludert i forsikringa. Ansvarsforsikringa inkluderer både produkt- og bedriftsansvar, så du er sikra dersom du blir erstatningsansvarleg.
Vilkår og produktinformasjon
Vilkår og IPID
Har du allereie forsikring på driftsbygning(ane) dine hos oss, må du logge inn og sjå vilkåra som gjeld for din landbruk.
Nedanfor kan du laste ned standardvilkåra som er utgangspunktet, dersom du kjøper forsikring i dag. Det er viktig å vite at du får skreddarsydd forsikringsavtalen og vilkåra etter behova i gardsdrifta.
Har du gjødselkjellar?
Gjødselkjellarar kan vera kjelde til både bygningsskadar og helsefare. Lekkasjar kan føre til skadar på bygningar, jordsmonn og miljø, og røring i kjellaren gir risiko for farleg gassutvikling.
Med eit slurry-anlegg blir luft tilført til gjødsla kontinuerleg, noko som reduserer behovet for manuell røring. Det bidreg til å fjerne faren for hydrogensulfid og andre skadelege gassar – samtidig som gjødsla blir meir næringsrik og lettare å spreie.
Vindmølleforsikring
Har du ei vindmølle på garden, eller planlegg du å investere i ei? Våre landbruksrådgjevarar hjelper deg å skreddarsy forsikringane til garden din, anten det er vindmøller, solcelleanlegg eller andre større investeringar.
Skadeeksempel
Eksempel på skadar der bonden har fått bruk for forsikringa
Brann i låve
Varmgang i eit eldre elektrisk anlegg gjorde at det starta brann i låven. Deler av låven brann ned og medførte totalskada bygning. Forsikringa dekte rivning, rydding og gjenoppbygging av ny låve.
Tak blåste av
Etter eit kraftig uvêr hadde det blåst av takstein frå eit lagerbygg og ned på to arbeidsmaskiner. Forsikringa dekte både skadane på taket og arbeidsmaskinene.
Veksttunell tatt av flaum
Etter eit ekstremvêr med mykje regnbyger blei store delar av ein veksttunell og pumpehuset øydelagt av vatn. Forsikringane dekte riving, rydding og gjenoppbygging av ny veksttunell med vassrøyr og pumpehus.
Brannførebygging som gir rabatt på forsikringa
20 % rabatt
for el-kontroll medtermografering
20 % rabatt
for FG-godkjente brannalarmar og varslingssystem
10 % rabatt
med skadeførebyggande sensor installert
Andre førebyggande tiltak
Du får ein redusert eigenandel på inntil 15.000 kr viss du har:
- Gjennomført og godkjent brannførebyggande El-kontroll (NEK 405-03) utan avvik, ved brannskadar som skuldast feil i elektrisk anlegg.
- Tjuverialarm tilknytta alarmsentral, ved tjuveriskadar.
- Brannalarm med utringingar (FG-godkjent installasjon - NS3960), ved brannskadar.
- Vassalarm/automatisk vasstoppar på hovudinntaket, ved innvendige røyrskader.
Våningshus
Har du ein gard er det ikkje berre uthusa og driftsbygningane som bør forsikrast. Har du hugsa på våningshusa som gardshus, kårbustad, stabbur og andre bygningar som ikkje er direkte knytt til drifta?
Har du hatt uhell eller skade på driftsbygning?
Kva lurer andre på?
Gjødselkjellarar (eller møkkakjellarar som dei så fint kallast) er ein essensiell del av mange gardsbruk, og det å ta godt vare på dei kan bidra til ei trygg, effektiv og skadefri drift. Over tid vil betongkonstruksjonane for husdyrgjødsla forfalle viss dei ikkje blir heldt ved like. Det kan det føre til rust, lekkasjar og farlege gassar – som igjen kan føre til miljøskader og driftsutfordringar. Derfor er det viktig at du som bonde held auge med tilstanden og førebygger problem, så du forlenger levetida til gjødselkjellaren.
Regelmessig inspeksjon er eit godt utgangspunkt for vedlikehald av gjødselkjellaren. Det kan vere lurt å utføre ein grundig inspeksjon av kjellaren minst éin gong i året og etter ekstremvêr for å sjå etter teikn på skader som:
- Rust på arméring
- Sprekker og lekkasjar
- Avskalling av yttervegger og dekker, til dømes på grunn av frostsprenging
- Korrosjon på grunn av salt frå urin og gjødsel, og dessutan CO2 frå lufta
For å hindre skader er det viktig med førebyggande vedlikehald.
- Sørg for god ventilasjon for å halde kjellaren så tørr som mogleg og unngå vassamlingar.
- Påfør korrosjonsbeskyttende belegg på utsette område.
- Reingjer jamleg og fjern gjødselrestar og anna organisk materiale som kan bidra til korrosjon.
Viss du oppdagar skader , er det lurt å ta tak i dei tidleg for å unngå større problem seinare.
- Reparasjon av sprekker og avskallingar: Bruk eigna mørtel for å tette skader .
- Utbetring av rustangrep: Fjern rust frå arméringa og påfør korrosjonsvern før gjenstøyping.
- Ved meir omfattande skader kan det vere nødvendig med ekstra arméring eller forsterking av konstruksjonen. I slike tilfelle kan det vere ein god idé å rådføre seg med fagfolk, viss ikkje du sjølv har erfaringa og kompetansen.
Viss du skal grave i nærleiken av gjødselkjellaren, er det viktig å fjerne all gjødsel først for å unngå trykk mot veggane.
Farlege gjødselgassar
Gjødselkjellarar kan innehalde farlege gassar som ammoniakk og hydrogensulfid, så tryggleik bør alltid vere i fokus. Gjødselgassar kan vere både luktfrie og livstruande. Dei fleste ulykkene oppstår ved røring eller pumping av gjødsel, og situasjonen er mest kritisk når skorpa på gjødselen blir broten.
- Røring og pumping
Når du rører i husdyrmøkka, blir farlege gassar frigjorde. Rør i fleire etappar og ta pausar for å sleppe ut gass gradvis. - Ventilasjon og tom bygning
Sørg for god utlufting før og under arbeid. Ta husdyra ut av bygningen. Rør helst på vindfulle dagar, og la vinden blåse bort frå fjøs og folk. - Hald avstand
Gassar kan sive opp og fortrenge oksygen, også utandørs. Unngå direkte eksponering, og ver ekstra varsam ved gjødselkummer. - Måleutstyr
Utstyr som måler oksygen- og hydrogensulfidnivå gir ein peikepinn på når det er trygt. Hugs at utstyret må kalibrerast jamleg. - Planlegg for HMS
Tenk gjennom kva du gjer viss det skjer ei ulykke. Ha klare nødrutinar på plass i tilfelle ulykker eller gasslekkasje. Les meir om HMS og gjødselgass.
Skadeførebyggande teknologi
Skadeførebyggande teknologi, som slurry-anlegg, tilfører luft til gjødsla og fjernar faren for skadeleg gassutvikling, samtidig som den aukar innhaldet av næringsstoff i gjødsla. Vi gir rabatt på landbruksforsikringane ved bruk av skadeførebyggande sensorteknologi.
Alle registrerte køyretøy skal minimum ha ansvarsforsikring.
1. januar i år blei det innført endringar i bilansvarslova. Det betyr at også alle typar uregistrerte traktorar som går fortare enn 10 km/t må forsikre. Det gjeld også traktor som kun blir brukt på eigen eigedom eller lukka område.
Skulle ein uforsikra uregistrert traktor gjere skade, vil Trafikkforsikringsforeininga stå for skadebehandlinga og i kvart enkelt tilfelle vurdere regress mot køyretøyeigar.
Kva er varme arbeid?
Arbeid med varme er arbeid der det blir nytta arbeidsverktøy og -utstyr som genererer gnistar og varme som kan føre til brann. Arbeid med varme inkluderer bruk av open flamme, varmlufts-, sveise-, skjære- og slipeutstyr. Forsikringsselskapa har sett krav til at dei som utfører arbeid med varme utanfor faste tilrettelagde produksjons- og verkstadsrom skal ha sertifikat frå Norsk brannvernforening eller ein organisasjon godkjend av Norsk brannvernforening.
Kor gjeld sikkerheitsforskrifta?
Sikkerheitsforskrifta gjeld ved utføring av varme arbeid i alle miljø med brannrisiko. Unntatt er varme arbeid som blir utført i spesielt tilrettelagde produksjons- og verkstadsrom. Rommet skal vere adskilt frå annan verksemd som eigen branncelle. Denne skal ha ubrennbare overflater.
Avtale med ekstern handverkar/entreprenør
Hvis varme arbeid skal bli utført av ekstern handverkar/entreprenør skal den som er sikra påse at sikkerheitsforskrifta sine krav inngår i skriftleg avtale eller kontrakt med denne.
Sikkerheitskrav:
- Arbeidsinstruks for utføring av varme arbeid utgitt av Finans Norge eller tilsvarande instruks skal vere utfylt og signert før utføring av arbeidet. Arbeidsinstruks for varme arbeid finn du lengre ned på sidan eller på fgsikring.no.
- Alt brennbart materiale i risikoområdet der varmt arbeid utførast skal vere fjerna eller beskytta.
- Opningar i golv, veggar og tak i risikoområdet der varmt arbeid utførast skal vere tette.
- Eigna slokkeutstyr i forskriftsmessig stand, minimum 2 stk. 6 kg/liter håndslokkeapparat skal vere lett tilgjengeleg. Ett håndslokkeapparat kan erstattast med brannslange påsett vatn fram til strålerøret.
- Navngitt brannvakt skal kontinuerleg overvåke brannrisiko under arbeidet, i pausar og nødvendig tid etter at arbeidet er avslutta, minimum ein time. Utførande kan vere brannvakt der brannrisikoen vurderast som låg.
- Brannvakt og utførande skal ha gyldig sertifikat for utføring av varme arbeider frå Norsk brannvernforening eller samarbeidande organisasjon i øvrige nordiske land.
Sikkerheitskrav ved arbeider på tak:
I tillegg til punkta over gjeld følgjande sikkerheitskrav:
- Det er forbod mot bruk av open flamme på oppfôra og lufta tretak.
- Ved bruk av open flamme på kompakte og øvrige tak som ikkje er nemnt i punkt over skal brennbar isolasjon vere beskytta med minst 30 mm ubrennbar isolasjon. Ved bruk av open flamme skal det vere ein sikkerheitsavstand på minst 60 cm til parapet, gesims, gjennomføringar, sluk og liknande som består av brennbare materialar.
Åpne/last ned dokumenter i PDF
Ja, vi gir rabatt på både næringsbygg-, eigendels- og avbrotstapsforsikringa viss de har FG-godkjent sprinkleranlegg, der det ligg rapport i FG si database «FG-kontroll».
Det skal vere utarbeida ein standardrapport av firmaet som har kontrollert sprinkleranlegget. For å få rabatt for sprinkleranlegg, krevst det at anlegget er prosjektert og utført i henhald til FG sitt regelverk. De aller fleste sprinkleranlegga i Norge er dessverre ikkje FG-godkjent, og då vert det heller ikkje rabatt.
Rabatten blir bestemt ut ifrå kor stor del av bygningen som har sprinklar og kvaliteten på sprinkelanlegget.
- Andelen av bygget som er sprinkla
Ofte er berre delar av bygget sprinkla. Sprinkleranlegget kan likevel gi rabatt. Det vil framkomme av rapporten kor stor del og kva del av bygget som er sprinkla/ikkje sprinkla. For at sprinkleranlegget skal vere godkjent er det krav til at skillet mellom sprinkla og usprinkla areal er utforma som brannseksjoneringsvegg. Er delar av bygget sprinkla får de delvis rabatt.
- Kvaliteten på sprinkelanlegget
I rapporten skal det stå kor stor del av arealet som er sprinkla, kva anmerkningar som er gjort av anlegget og kva anleggsvurdering det har fått. For å få godkjent rabatt på sprinkleranlegget skal rapporten aldri vere eldre enn 1 år. Anleggsvurderinga (karakteren) kan ligge frå 0 til 100, der 100 er best.
Kontrolløren set ein alvorlegheitsgrad til liten, middels eller stor, der hen finn avvik. På kvar alvorlegheitsgrad blir det gitt eit poengtrekk. Avviket dokumenterast med bilete eller dokument.
Datainnbrot er svindel med datateknologi som framgangsmåte. Det vil seie at nokon eller ei programvare (til dømes virus, trojanar eller liknande) skaffar seg uautorisert tilgang til datasystema eller dataa til bedrifta, eller blokkering av bedrifta sine datasystem eller data.
Med bedrifta sine datasystem meinast system som bedrifta eig, leiger eller driftar sjølv. Datasystem og tenester som er levert av ein tredjepart, via sky eller andre hostingtenester reknast også som bedrifta sine, forutsett at det er inngått skriftleg avtale mellom partane.
Ja, vi tilbyr eit breitt spekter forsikringar av produksjonsdyr for landbruk. Blant anna kan du forsikre alt av storfe som kviger, okser og kalvar – både for melking og slakting, som for eksempel:
- Ammeku (som har kalva minst éin gong og som ikkje er melkekyr).
- Ammeku med kalv, der kalven blir fôra opp til slakt.
- Melkeku som har kalva og sett inn i produksjon av melk.
- Slaktedyr (kalvar som blir fôra opp for slakt).
- Kyr som blir melka for konsum (meierileveranse eller eigen lokal kvote).
Vi tilbyr også forsikring av blant anna småfe, fjørfe og svin.
Har du gardsdyr som hund, katt og hest, har vi eigne dyreforsikringar for desse òg. Les om kjæledyrforsikringar.
Sjå også:
Forsikring av driftsbygg
Forsikring av driftslausøyre
Ulukksforsikring for bonde og familie
For å seie opp ei bedriftsforsikring eller landbruksforsikring må du ta kontakt med oss, slik at vi kan avslutte forsikringa for deg.
Viss du ønsker å melde tilsette inn/ut av forsikringsavtalane kan du logge inn til «mine bedriftsforsikringar» og gjere dette sjølv.
Forsikringsselskapet vårt er Fremtind Forsikring
Du kjøper forsikringa di hos i SpareBank 1, og den dagen du må bruke den, kontaktar du forsikringsselskapet vårt Fremtind.