Miljøforsikring

Kva er miljøansvar og miljøskade?

Miljøansvar
Miljøansvar handlar om å ta ansvar for miljøet, ved å begrense endringar av økosystem, reduksjon av naturressursane og biologisk mangfald. Ved uhell og uvér kan bedrifta få eit miljøansvar i form av krav om opprydning og gjenoppretting, etter naturmangfoldlova.

Miljøskade og forureining
Miljøskade i denne samanhengen er menneskeleg påverknad på naturmiljøet, gjennom forureining. Forureining er her definert som tilførsle av fast stoff, væske eller gass til luft, vatn eller i grunnen som elles kan vere til skade eller ulempe for miljøet.

Døme på skade dekka av miljøforsikringa

Ein lastebil køyrer av vegen og det lek store mengder diesel og olje ut i ei elv. Ulykka skader det biologiske mangfaldet i elva. Dette ansvaret er dekka av miljøforsikringa.

Er ikkje bedriftsansvarsforsikring nok?

​​​​​​​Erstatningsansvar som krevst etter naturmangfoldlova blir ikkje dekka gjennom vanlege ansvarsforsikringar. Bedriftsansvarsforsikringa dekkjer kun skade på andre sine gjenstandar eller personar grunna plutseleg og uforutsett forureining. Bedriftsansvarsforsikringane dekkjer ikkje skadar på eigne ting eller eigen eigedom. Miljøansvarsforsikringane derimot dekkjer også skadar på eigen grunn.

Kva er naturmangfaldlova?

Naturmangfaldlova er ei lov som har som mål å beskytte og bevare natur, landskap og biologisk mangfald i Norge for komande generasjonar. Lova regulerer også korleis naturmangfaldet skal forvaltast og korleis det skal nyttast.

I henhald til denne lova kan ei verksemd bli halde ansvarleg for miljøskadar, anten den kan klandrast eller ikke. Bedrifta kan dessutan bli ansvarleg viss den ikkje i tilstrekkeleg grad har prøvd å unngå ein skade. Ved ein skade kan bedrifta bli pålagd å betale for opprydding, i tillegg til kostnadane med å tilbakeføre naturen slik den var før skaden.