Datainnbrot er svindel med datateknologi som framgangsmåte. Det vil seie at nokon eller ei programvare (til dømes virus, trojanar eller liknande) skaffar seg uautorisert tilgang til datasystema eller dataa til bedrifta, eller blokkering av bedrifta sine datasystem eller data.

Med bedrifta sine datasystem meinast system som bedrifta eig, leiger eller driftar sjølv. Datasystem og tenester som er levert av ein tredjepart, via sky eller andre hostingtenester reknast også som bedrifta sine, forutsett at det er inngått skriftleg avtale mellom partane.

Styreansvaret er eit erstatningsansvar. Styreansvaret inneber at både styreleiar, styremedlemmar og varamedlemmar kan bli personleg erstatningsansvarlege viss dei påfører nokon eit økonomisk tap.

Ansvarlegheita er lovfesta i aksjelova for aksjeselskap, men kan også vere ulovfesta for foreiningar. Styreansvaret er eit individuelt og personleg ansvar som er tett knytt til styremedlemmet sine oppgåver. Styremedlemmet kan bli ansvarleg viss hen ikkje ivaretar sine oppgåver etter lov, vedtekter eller retningslinjer.

Døme på styreansvar
Dei vanlegaste styreansvarssakene inntrer i samband med for dårleg oppfølging av dagleg leiar, at eit styremedlem tar ei avgjerd utan formell godkjenning frå styret eller at styret ikkje følger opp økonomien i selskapet godt nok.

Styreansvarsforsikring i burettslag og sameige
I vår burettslag- og sameigeforsikring er styreansvarsforsikring inkludert som ein del av forsikringspakka. Enten du er fersk i eit styre for eit burettslag eller eit sameige eller om du har sete der ei stund, bør du sjekke opp at de har ei forsikring som inkluderer styreansvar.

Kvifor styreansvarsforsikring?
Det er mogleg å forsikre seg mot styreansvaret. Styremedlemmar i ei bedrift kan bli erstatningsansvarlege overfor aksjonærar, kreditorar, kontraktspartnarar, offentlege myndigheiter og andre aktørar. I verste fall kan det føre til at styremedlemmar går personleg konkurs. 

Styreansvarsforsikring kan derfor vere viktig å ha når det skal rekrutterast medlemmar til styrearbeid. For mange kandidatar vil det vere avgjerande om dei er beskytta av styreansvarsforsikring når dei påtar seg eit slikt ansvar. Med andre ord vil ikkje styregodtgjersla stå i forhold til den økonomiske risikoen du tar ved å sitje i eit styre, utan styreansvarsforsikring.

Erstatning frå forsikringa
For å få dekt erstatningsansvar frå styreansvarsforsikringa må:

• dei erstatningsrettslege vilkåra vere til stades.
• det må føreligge eit ansvarsgrunnlag.
• eit økonomisk tap hos motpart.
• det må vere ein årsakssamanheng mellom handlinga/unnlatinga og det økonomiske tapet.

Juridisk bistand er inkludert i alle våre ansvarsforsikringar. Dette inneber at viss du mottar eit erstatningskrav i ein skadesak, så vil forsikringsselskapet vårt bistå med juridisk hjelp i saka. Dette inkluderer:

• avklaring av om det føregår eit rettsleg erstatningsansvar.
• vurdering av storleiken på kravet som er retta.
• juridisk bistand viss saka må inn for domstolane.
   

Kva er forskjellen på «juridisk bistand» og rettshjelpsforsikring?
Rettshjelpsforsikring er ei eiga forsikring som bedrifta kan kjøpe. Rettshjelpforsikring er ei eiga forsikring som kan dekke kostnadar til ein sjølvvald ekstern advokat for bistand i ein rettsleg tvist der bedrifta er part. Rettshjelpsforsikring gjeld både viss bedrifta mottar eit krav frå nokon, eller viss bedrifta vel å retta eit krav mot nokon. Les meir om rettshjelpsforsikring.

Har du mottatt eit erstatningskrav i ein skadesak?