Tips og råd
Tips og råd
Kan eg få bustadlån med låg inntekt?
Å få bustadlån med låg inntekt kan vere vanskeleg, men det er ikkje umogleg. Her får du tips til å kome nærare bustaddraumen
Kvifor er det så vanskeleg å få lån med låg inntekt?
Grunnen til at låg inntekt kan setje ein stoppar for bustaddraum er utlånsforskrifta. Den stiller desse krava til oss som bank når vi skal gi ut lån:
- Du kan låne maks 90 prosent av verdien på bustaden. Det betyr at du må ha 10 prosent eigenkapital.
- Du kan ikkje låne meir enn fem gonger inntekta di. Dette inkluderer all gjeld, også studielån, billån, forbrukslån og så vidare.
- Du må du tole at renta aukar med 3 prosentpoeng frå dagens nivå eller minst 7 prosent rente.
Desse krava finst for å beskytte folk frå å få meir lån enn dei klarer å handtere, samstundes som dei reduserer risikoen for banken.
Desse grepa aukar sjansane dine:
Sjå om det er mogleg å ha ein medlåntakar
Dersom du søker bustadlån saman med nokon, blir det enklare å få lånet. Då vil inntektene dykkar bli lagt saman, og dette legg grunnlaget for lånesøknaden.
Medlåntakaren vil ha like stort ansvar for at heile lånet blir nedbetalt.
Det er mest vanleg at kjæreste, sambuar eller ektefelle står som medlåntakar. Mange kjøper også bustad saman med venner eller familie.
Sjå også:
Kva er medlåntakar?
Betal ned dyr gjeld
Fordi du berre kan ha fem gonger inntekta di i total gjeld kan det lønne seg å kvitte seg med annan gjeld før du søker lån. Då vil du kanskje kunne få låne meir til bustad.
- Betal ned dyre kreditt- og forbrukslån dersom du har det. Studielån er eit gunstig lån med låg rente, og derfor haster det ikkje like mykje å kvitte seg med dette.
- Kredittkort, òg dersom det ikkje er teke i bruk, vil telje som gjeld. Dersom du har moglegheit, kan du derfor seie opp kredittkort du ikkje bruker for å auke sjansane dine for høgare lån.
Få hjelp av ein kausjonist
Sjølv om medlåntakar er det som er mest aktuelt når du skal søke lån med låg inntekt, vil også ein kausjonist kunne auke sjansane dine for å få lån.
Ein kausjonist vil ha ansvar for å betale heile eller delar av gjelda di dersom du ikkje betaler den sjølv. Det er ikkje uvanleg at foreldre stiller som kausjonistar for barna sine når dei skal kjøpe sin første bustad, dersom dei har moglegheit til det.
Sjå også:
Kva er forskjellen på medlåntakar og kausjonist?
Sjekk om du kan auke inntekta
Det å auke inntekta vil også vere ei mogleg løysing, sjølv om det er enklare sagt enn gjort. Det er nokre grep du kan vurdere:
- Spør om lønsforhandling hos arbeidsgjevaren din
- Sjekk om du har moglegheit til å ta ein ekstra jobb
- Snakk med arbeidsgjevar om det er nokre kurs eller liknande du kan ta for å gå opp i lønn
- Vurder om du kan byte jobb for å få høgare lønn
Hugs at den endringa du gjer er noko som skal vere berekraftig over tid. Det er ikkje alle som vil ha to jobbar viss dei planlegg å stifte familie, til dømes.
Senk forventningane
Nokre gonger kan det vere lurt å senke krava litt for å kome seg inn på bustadmarknaden. Dei færraste får kjøpt draumebustaden med ein gong. Finn ut kva som er aller viktigast for deg, og juster søka dine deretter:
- Kan du kjøpe ein litt mindre bustad?
- Har du vurdert bustadbyggelag i staden for sjølveigar?
- Kunne du budd i rekkehus i staden for hus?
- Kva med å kjøpe litt utanfor byen?
Ved å gå mot straumen kan du spare mykje pengar og dermed vere nærare eit bustadkjøp.
Legg ein langsiktig plan
Viss du innser at det å kjøpe bustad no ikkje er mogleg, må du ikkje miste motet. Det betyr berre at du er nødt til å legge ein meir langsiktig plan for å nå målet.
Sett opp eit budsjett og sjå kor du eventuelt kan kutte utgifter. Med ein langsiktig spareplan vil du månad for månad vere nærare å kunne kjøpe din første bustad.
Snakk med rådgjevaren din i banken for å finne din veg inn på bustadmarknaden.
Snakk med oss – også om du ikkje oppfyller krava
Kva du kan få i bustadlån påverkast av mange faktorar. Derfor anbefaler vi å sende inn ein søknad og ta ein prat med rådgjevar, òg om du tenker at draumen om eigen bustad er langt unna akkurat no.
Tips og råd
Tips og råd
Få stålkontroll på økonomien
Tips og råd
Kjøpe den første bustaden din?
Tips og råd
