Det kan vere fleire årsaker til at BankID-appen ikkje fungerer. Her er nokre feilsituasjonar som kan oppstå, sjekk om rettleiinga kan hjelpe:

Appen gir null respons etter at eg har fylt inn fødselsnummer

Då har du mest sannsynleg slått av varslingar på mobilen din. Opne BankID-appen og slå på varslingar ved å trykke på meldinga som ligg på heim-skjermen. Då får du ein snarveg inn i appen kvar gong du skal godkjenne ein førespurnad.

Eg får ikkje app som eit alternativ ved innlogging

Du må velje BankID, og ikkje BankID på mobil, når du skal logge inn med app. Når du loggar inn første gong med app, vel du app som metode: klikk på "Vel annan BankID" under feltet for eingongskode. Så vel du ønska kodeapp i lista, trykker deg vidare og følger instruksjonane på mobilen din.

Eg får ikkje opp pushmeldingar frå BankID-appen på Apple-mobilen/nettbrettet kva er feil?

Dersom du ikkje får opp pushmeldingar frå BankID-appen, må du først sjekke om du har skrudd på varslingar på mobilen eller nettbrettet du bruker. Dette blir gjort i innstillingane på telefonen eller nettbrettet. Dersom du har skrudd på varslingar, men framleis ikkje får pushvarslingar frå BankID-appen når du loggar inn, bør du sjekke om du har aktivert fokusmodus som «Ikkje forstyrr». I innstillingane kan du velje kva appar denne modusen ikkje skal gjelde for.

Eg klarte ikkje trykke på pushvarselet, kva gjer eg?

Dersom du ikkje fekk trykt på pushvarselet frå BankID-appen når du skulle gjere ein innlogging, kan du gå inn i appen for å godkjenne innlogginga. Deretter må du gå tilbake til brukarstaden der du gjorde innlogginga, for å taste inn BankID-passordet ditt.

Eg prøver å gjere ei innlogging med BankID-appen, men han blir ståande og rulle?

Viss du prøver å logge inn med BankID-appen og den blir ståande å rulle utan at noko skjer, har du mest sannsynleg ikkje fått trykt på pushvarselet som kom opp. Då kan du manuelt gå inn i BankID-appen for å bekrefte at det er du som prøver å logge inn.

Kva gjer eg viss appen blir sperra etter at mange forsøk på innlogging har feila?

Viss appen blir sperra etter at mange forsøk på innlogging må du kontakte banken din for å låse opp BankID-appen igjen. Det hjelper ikkje å aktivere appen på nytt.

Fann du ikkje hjelp?

På bankid.no kan du finne endå fleire detaljar viss du har problem med BankID-appen.

Feilkode 66 betyr at tilgongen til nettbanken din har blitt blokkert. Det er viktig at du tar kontakt med oss på 57 82 97 00 innan kort tid slik at vi kan hjelpe deg med å løyse problemet.

Her finn du alle Sparebank 1-bankane:

Her finn du alle SpareBank 1-bankane:

Kodebrikka kan vere grei som ei reserveløysing, men er ikkje nødvendig å ha. Bruker du BankID-appen i staden har du med deg kodebrikka overalt, heile tida! Viss du har registrert mobilnummer og e-post i nett- eller mobilbanken kan du enkelt komme i gong ved å lese meir og laste ned BankID-appen her.

Dersom du ikkje bestiller ny kodebrikke og heller vel BankID-appen, bidreg du også til å redusere elektronisk avfall. Godt for miljøet og enklare for deg!

Viss du ønsker å bestille ny kodebrikke, kan du gjere dette innlogga på chat eller ta kontakt med oss på 57 82 97 00. Det tar ca. 3 veker før du får kodebrikka i postkassa. Kodebrikka er personleg og skal ikkje nyttast av andre. 

Det kan vere fleire grunnar til at du ikkje får brukt BankID. Dette kan skuldast nettlesaren, BankID-appen, eller at nettbanken er mellombels utilgjengeleg.

Viss du får ei feilmelding som startar med BID, så handlar feilen om BankID.

Meir hjelp finn du under Kundeservice.

1. Klikk på knappen Logg inn øvst i høgre hjørne
2. Vel BankID som innloggingsmetode
3. Tast inn fødselsnummeret ditt
4. Viss du bruker BankID-appen må du no bekrefte referanseorda som kjem opp på mobilen din. Bruker du kodebrikke må du taste inn kode frå brikka.

Har du ikkje BankID? Då vel du For deg som ikkje har BankID, og følger rettleiinga som kjem opp.

Rettleiing: Slik loggar du inn i nettbanken med BankID-appen og raskare BankID

I denne rettleiinga viser vi deg trinn for trinn korleis du loggar deg inn i nettbanken med BankID-appen når du har skrudd på raskare BankID (innlogging med finger eller ansiktsgjenkjenning).

Du må laste ned appen på den nye mobilen din, og aktivere den på nytt. Når BankID-appen er aktivert på ein ny telefon eller nettbrett vil den slutte å fungere på den gamle.

Det raskaste er å opprette ein depositumskonto i nettbanken eller mobilbanken. Den som skal leige ut startar prosessen i nettbanken sin eller mobilbank. Leigetakaren får ei melding på SMS og e-post når avtalen kan signerast. Som leigetakar kan du registrere deg hos oss med BankID viss du ikkje er kunde frå før.

Er leigetakar under 18 år eller utan BankID?

Viss du som leigetakar skal signere ein avtale om depositumskonto, men manglar BankID, må både du og utleigar kome innom eit bankkontor. Ta med gyldig legitimasjon og leigekontrakten.

Viss leigetakar er under 18 år, må dei ta kontakt med banken for å få signert avtalen. Ofte er det føresette som signerer avtalen på vegner av leigetakarar under 18 år. 

Sjølv om det er utleigaren som opprettar kontoen, er det leigetakaren som eig den og skal ha renteinntektene. Leigetakaren må derfor ha ein konto hos oss. Det kostar ikkje noko å bli kunde og du treng ikkje å ha andre ting enn depositumskontoen her.

Både utleigar og leigetakar må vere samde om beløpet som skal takast ut eller at kontoen skal avsluttast. Viss alle pengane skal bli betalt tilbake til den som leiger, må utleigar gi oss beskjed om det. Viss det er utleigar som skal ha pengane, må leigetakar seie ifrå. Viss beløpet skal fordelast mellom dykk, må begge gi beskjed om kva de har blitt samde om, så fiksar vi resten. Viss leigetakar ikkje har nettbank hos oss, må de komme innom eit bankkontor.

Både utleigar og leigetakar må signere avtalen før depositumskontoen blir oppretta. Kontoen vil ikkje vere tilgjengeleg i nettbank eller mobilbank før begge har signert. Fristen for å signere er 14 dagar.

Er leigetakar under 18 år eller utan BankID?

Viss leigetakar skal signere ein avtale om depositumskonto, men manglar BankID, må både leigetakar og utleigar kome innom eit bankkontor. Ta med gyldig legitimasjon og leigekontrakten.

Viss leigetakar er under 18 år, må de ta kontakt med banken for å få signert avtalen. Ofte er det føresette som signerer avtalen på vegner av leigetakarar under 18 år. 

Du får oversikta over inn- og utbetalingane ved å trykke på den kontoen du vil sjå på når du er på oversiktsida i mobil- eller nettbanken. Når du er inne på kontoen kan du søke på til dømes namn, beløp eller tidsperiode.

Eit anna alternativ er å søke i arkivet i nettbanken. Klikk på namnet ditt oppe til høgre og vel Dokumentarkiv.  Der kan du mellom anna søke etter kontoutskrifter, melding om betalingar, årsoppgaver og renteoppgåver.

Viss du ønsker å sperre ein konto må du ta kontakt når du er innlogga via chat i nettbanken eller sende oss ei direktemelding frå nettbanken.

Viss du berre ønsker å skjule ein konto i nettbank og mobilbank trykker du på Tilpass over dagleg bruk kontoane i oversikta, enten i mobilbanken eller nettbanken. Så flyttar du enkelt kontoane du vil skjule ned til Skjulte kontoar

Du kan enkelt dele tilgong til ein konto i mobilbanken eller nettbanken.

1. I oversikta trykker du på kontoen du vil gi tilgong til.
2. Mobilbanken. Trykk på ikonet av tannhjulet oppe i høgre hjørne.
   Nettbanken: Trykk på fana Kontoinnstillingar
3. Trykk på (+) knappen under kategorien Kontodeling.

Du vel her samtidig kor mykje kontroll personen
skal ha over den delte kontoen:

• Kontoutskrift: Du kan gi personen berre tilgong til å sjå kontoutskrifta.
• Innsyn: Du kan gi tilgong til å sjå aktivitet på kontoen og overføre pengar til kontoen, men ikkje flytte pengar ut av kontoen.
• Disponent: Du kan gi vedkommande full tilgong til å gjere alt på same måte som deg. Han eller ho loggar inn med sin BankID i sin eigen nettbank, og kan der sjekke saldo, betale rekningar, overføre pengar mellom kontoar, opprette Avtalegiro osb.

Den du vil dele konto med må vere kunde hos oss og kunne logge seg inn i nettbanken vår og mobilbank.

Les meir: Bli disponent

Kontoen må vere knytt opp mot nettbanken din for at du skal kunne sjå han. Viss kontoen ikkje er synleg i nettbanken kan vi hjelpe deg med dette. Viss det gjeld ein konto du skal disponere kan eigaren av kontoen bruke nettbanken sin for å legge deg til som disponent med nettbanktilgong.

Viss du tidlegare har skjult ein av kontoane dine, gjer den synleg igjen under Konto - Kontoinnstillingar i nettbanken. Viss du ikkje finn kontoen din under Kontoinnstillingar, ta kontakt med oss så hjelper vi deg.

Les meir
Del konto med andre

Du finn alle betalte rekningar i nettbanken og mobilbanken. I oversikta vel du konto og trykker på den betalinga det gjeld, så får du opp detaljar om transaksjonen. Du kan òg nytte søkefeltet i kontoen for å finne transaksjonar. I nettbanken kan du også skrive ut betalingsdetaljane. NB: Betalingsdetaljar er ikkje gyldig som kvittering.

Du kan også finne oversikt over alle utførte betalingar og overføringar i historikk:

Mobilbank: Meir - Betaling - Historikk
Nettbank Betaling - Historikk

Å reaktivere betyr å aktivere på nytt. Viss du til dømes byter mobiltelefon eller mobiloperatøren din gjer endringar, kan det hende at eingongskode-appen vår ikkje vil fungere. For å få den til å fungere normalt igjen må du slette eingongskode-appen, laste den ned og aktivere på nytt. Følg instruksjonane i appen.

Viss du bruker nettlesaren Safari på iPad kan du oppleve ufullstendige sider og problem med betaling i nettbanken. Dette løyser du ved å bruke mobilbanken eller skru av privat nettlesing i Safari. Slik skrur du av privat nettlesing.

Dette kan skje viss du bruker nettlesaren Internet Explorer. Løysinga kan vere å bruke ein annan nettlesar. Last ned Google Chrome eller Mozilla Firefox. Viss du framleis opplever same problem med ein annan nettlesar, ta kontakt med oss så hjelper vi deg.

For å logge inn i nettbank bedrift må du klikke logg inn på bedrift sidene, hit kjem du ved å klikke Bedrift oppe til venstre. Har du klikka logg inn på privat sidene, kan du klikke Gå til nettbank bedrift.

Dette valet blir hugsa slik at du slepp å velje nettbank bedrift neste gong.

Viss du har problem med visning av eit pop-up vindauge (forgrunnsvindauge) i nettbanken må du deaktivere blokkeringa i nettlesaren. Når du prøver å opne det aktuelle vindauget som blir blokkert vil du få ein beskjed i nettlesaren din at eit pop-up vindauge blei blokkert. Klikk på varslinga for å tillate at denne typen vindauge blir vist frå SpareBank 1.

Døme frå nettlesar:

Nei, du må ikkje låne bort din BankID - fordi BankID er den digitale legitimasjonen din og underskrifta di.

Dette er veldig viktig å tenke litt over, for det betyr at i staden for kulepenn, papir og pass, kan du bruke BankID som legitimasjon og signering på nett.

BankID er deg, og det er derfor vi er så strenge med kven som bruker den. Akkurat som passkontrollen ikkje slepp deg gjennom viss du held opp passet til ein annan person.

Og sidan du kan bruke BankID til viktige ting som både signering av dokument, pantsetje bustad, få tilgong til helseopplysningar, fond og ei rekke andre tenester, kan du ikkje låne den bort.

Oppdagar vi at du har lånt han bort, vil vi av sikkerheitsårsaker sperre kontoen og BankID'en din. Dette gjeld dessverre uansett om du treng hjelp til innlogging eller viss du låner BankID'en til ektefellen din for å kunne styre utbetalingar. 

Du kan teste din BankID og nettlesar på BankID.no. Vel vanleg BankID.

Viss du har problem med å bruke din BankID på andre nettsider enn Sparebank1.no, sjekk om du får logga inn i nettbanken. Viss innlogging i nettbanken fungerer er det sannsynlegvis ein feil på den aktuelle nettsida eller løysinga du prøvde å bruke.

Viss du er over 18 år og har eit norsk fødselsnummer, kan du møte opp i banken med legitimasjon for å få BankID. 

Gyldig legitimasjon for å få BankID er pass m/RFID, reisebevis m/RFID eller norsk nasjonalt ID-kort. Vi ber om å sjå legitimasjonen din fordi det er eit lovpålagt krav.

BankID for ungdom under 18 år

Barn og ungdommar mellom 12 og 18 år må også komme innom banken med pass m/RFID eller norsk nasjonalt ID-kort for å få BankID.

Som forelder kan du bestille BankID til barnet ditt nettbanken. Når alle med foreldreansvar har signert avtalen sender vi ein SMS med beskjed om at BankID er klar, slik at ungdommen sjølv kan møte opp i banken og få BankID.

Viss du veit passordet ditt men ønsker å byte til eit nytt passord gjer du som følger: 

1. Trykk på denne lenka
2. Skriv inn fødselsnummeret ditt
3. Klikk på Meny øvst til høgre i vindauget og vel Endre BankID-passordet.  
4. Følg rettleiinga for å endre passordet, og lag eit sikkert passord.

Det nye passordet må vere minst 8 teikn og innehalde både bokstavar og tal, eller ein kombinasjon av små og store bokstavar. Bruk spesialtegn, til dømes $ eller #, for å gjere det ekstra sikkert. Vi sjekkar passordet ditt mot ei liste av ofte brukte passord som ikkje er sikre nok, inkludert fødselsdatoen din. 

Hugs at BankID-passordet ditt er personleg. Du skal ikkje dele det med andre. Du bør endre passordet ditt viss du trur at nokon andre har fått vite det. Har du gløymt passordet ditt, må du ta kontakt med oss på 57 82 97 00.

Les meir om sikker bruk av nettbank og mobilbank.

Sjå også
Gløymt BankID passord?

Viss innloggingsbilete heng utan at du kjem vidare, har du sannsynlegvis ikkje skrudd på varsling på mobilen. Mobilen din må godta varslar frå BankID-appen. For å skru på varslar må du gjere følgjande:

Gå til Innstillingar på mobilen din:

Når du no har skrudd på varslar skal BankID-appen fungere!

Enkelte gonger kan det ta litt tid før varslinga slår inn, så viss du framleis ikkje får varsel frå appen på mobiltelefonen opnar du berre BankID-appen manuelt.

Slik gjer du det:

1. Last ned BankID-appen i App Store eller Google Play
2. Opne BankID-appen og følg stega.  

For leigetakar er depositumkonto ein sikkerheit viss det skjer noko som gjer at husleiga burde bli lågare. Viss leigetakar meiner å ha rett til avslag, må det dokumenterast kvifor og det må takast ut søksmål. Blir søksmålet godkjent kan ikkje utleigar ta ut pengar av depositumkontoen.

For å gå over til BankID må du møte opp i banken med pass m/RFID, reisebevis m/RFID eller norsk nasjonalt ID-kort.

Har du D-nummer kan du også få BankID. Ta med gyldig legitimasjon og D-nummeret ditt til oss, så hjelper vi deg med BankID.

Les meir om korleis du kjem i gang med BankID.

Du kan dessverre ikkje endre passordet sjølv. Kontakt oss på kundesenteret mellom klokka 07.00 og 24.00, så hjelper vi deg.

Det er ulike krav til desse to tenestene fordi dei fungerer ulikt.

Alle bankar er pålagt å legitimere kundane sine for å opprette BankID. Kravet for å få BankID er pass m/RFID, reisebevis m/RFID eller norsk nasjonalt ID-kort.

Viss du har d-nummer, så har vi laga ei løysing vi kallar Utan BankID som likevel let deg bruke nett- og mobilbanken. Løysinga har ikkje alle moglegheitene ein har med BankID, men du kan bruke dei fleste banktenestene våre. 

Når du loggar inn utan BankID får du tilgong til mobil- og nettbanken, men du har nokre avgrensingar. Ein del av tenestene i banken krev at du må signere med BankID, til dømes viss du skal søke om kredittkort eller bustadlån. Viss du treng tilgong til fleire tenester må du ta kontakt med banken for å opprette BankID. 

Les meir om korleis du kjem i gang med BankID.

Ja, innlogginga kan brukast på tvers i alle Sparebank 1-bankar, og kan brukast til dei digitale tenestene våre.

For å kunne logge inn i banken treng du anten BankID eller tenesta Utan BankID. For å få BankID eller Utan BankID må du møte opp i din lokale SpareBank 1 med gyldig legitimasjon og D-nummeret ditt. Då hjelper vi deg slik at du kan logge inn i nettbanken og mobilbanken.  

Gyldig legitimasjon for å få BankID er pass eller norsk nasjonalt ID-kort. 

Då kontaktar du oss på kundesenteret mellom klokka 07.00 og 24.00, så hjelper vi deg. 

Gyldig legitimasjon for å få tenesta Utan BankID er: pass, norsk reisebevis for flyktningar, norsk førarkort, norsk utlendingspass og nasjonalt id-kort frå EØS-land og Schengen godkjent for reiser innan Schengen.

Opphaldskort er ikkje gyldig legitimasjon.

Sjå også
BankID

Då kontaktar du oss på kundesenteret mellom klokka 07.00 og 24.00, så hjelper vi deg.  

Nei, bruker du "Utan BankID" med eingongskode-appen vil det no vere kodebrikke som er alternativet for deg. Viss du ikkje har kodebrikke frå før må du ta kontakt med banken for å bestille det.

Eingongskode-appen vil fungere heilt fram til du får kodebrikka.

Du loggar inn på nettbanken ved å trykke på “Logg inn” knappen. Under er fleire forklaringar på kor du finn denne knappen på pc, nettbrett og mobil.

Logg inn på PC

På pc finn du “Logg inn” knappen heilt øvst til høgre på sida. Viss du ikkje ser knappen kan det vere at du må scrolle til toppen av sida. På bildet under kan du sjå ei raud pil på sjølve knappen. 

Logg inn på nettbrett

På nettbrett kan enten finne “Logg inn” knappen på same stad som på pc, øvst til høgre på sida. Viss du har nettbrettet ståande må du først trykke på dei tre strekane som er øvst til høgre på sida, deretter “Logg inn” knappen som er på midten av sida. Viss du ikkje ser knappen kan det vere at du må gå til toppen av sida. Under er steg for steg korleis du gjer dette.

Logg inn på mobil

På mobil finn du “Logg inn” knappen ved å trykke på dei tre strekane som er øvst til høgre på sida, deretter trykke “Logg inn” knappen. Viss du ikkje ser knappen kan det vere at du må gå til toppen av sida. Under er steg for steg med bilde.

For å løyse dette må du kontakte oss på 57 82 97 00.

Sjå også
Sperre kort
Sperre BankID

Om din BankID er gått ut så må du ta kontakt med oss på 57 82 97 00

Har du BankID på mobil kan du logge deg på nettbank med BankID på mobil og fornye avtalen.

Kontakt oss på 57 82 97 00, så ordnar vi det for deg.

Er du i utlandet ringer du +47 57 82 97 00.

BankID, BankID-appen, og eventuelt kodebrikke må umiddelbart sperrast når:

• Det er mistanke om at andre har fått tak i kodar og passord. 
• Telefonen er stolen eller på avvege.

Dette er minst like viktig som å sperre kortet.

Sjå også:
Sperre kort
Opne sperra BankID

Nei, det må du ikkje, og du kan bli kunde hos oss med BankID frå annan bank.

Men når BankID med annan bank opphøyrer, og du må få ny BankID, kan du få det ved å møte hos din næraste SpareBank 1 med pass m/RFID, reisebevis m/RFID eller norsk nasjonalt ID-kort.

BankID-appen støttar aktivering med telefonnummer frå ei rekke europeiske land, samt USA og Australia. Hugs at det utanlandske telefonnummeret må vere registrert som kontaktinformasjon hos oss i SpareBank 1.

Sjå fullstendig oversikt på bankid.no

Du vil få opp feilmelding dersom du prøver å hente inn ein konto frå ein bank som du ikkje har nettbankavtale hos. Ta kontakt med banken du prøver å hente konto frå for å få opprette nettbankavtale, slik at du kan legge til konto.
Du kan også få feilmelding dersom du prøver å legge til ein sparekonto dersom den andre banken ikkje deler sparekontoar.

Sjå også
Kan eg legge til konto eg disponerer i ein annan bank i nettbanken dykkar?

Det er berre mogleg å søke seks månader om gongen. Dersom du t.d. søker frå 0101xx-til 3112xx så vil du få feilmelding. Legg inn ein kortare tidsperiode og prøv på nytt.

For å få nettbank hos oss må du:

• Ha BankID.
  
• Vere kunde og ha konto hos oss.
• Vere over 13 år (verjer må signere på avtale om BankID)

Eg har BankID frå annan bank

Har du BankID frå ein annan bank kan du bli kunde og bestille nettbank med din eksisterande BankID.

Eg har ikkje BankID

For å få nettbank må du først ha ein BankID. Dette kan du få frå du er 13 år. BankID blir brukt til innlogging i nettbanken, signering av elektroniske dokument og som legitimasjonen din på nett.

Les meir om korleis du skaffar deg BankID

Se også:
Nettbank
Mobilbank
Mobilbank for barn

I utgangspunktet er det berre betalingskontoar du kan legge til, men nokre bankar tilbyr deg å legge til sparekonto og kredittkort i annan bank.

Sjå også

• Kan eg legge til konto eg disponerer i nettbanken dykkar?
• Eg får feilmelding når eg prøver å legge til ein konto frå ein annan bank?

Årsoppgåver og kontoutskrifter finn du under Mine dokument i nett- og mobilbanken.

Søk i arkivet
I nettbanken kan du søke i dokumentarkivet etter spesifikke dokument. Hugs å velje riktig år/dato og type dokument.

Utgangspunktet er at du kan legge til alle kontoar du kan betale frå, altså alle brukskontoar som du eig eller disponerer. Men enkelte bankar har valt å berre dele konto der du står som eigar.

Sjå også

• Eg får feilmelding når eg prøver å legge til konto frå ein annan bank?

Same bank som deg
Er mottakar kunde i same bank som deg, kjem pengane på konto med ein gong.

Annan bank enn deg
Er mottakar kunde i ein annan bank enn deg, blir det utført betalingar fem gonger i døgnet.

I helgene er det ingen overføringar mellom bankane.

Hastar det?
Har du det travelt og vil vere sikker på at pengane kjem fram med ein gong, kan du aktivere straksbetaling i mobilbanken. I mobilbanken finn du straksbetaling under Meir og Betaling.

Med Vipps vil også pengane komme fram med ein gong viss du vippsar frå konto og ikkje frå kort. (Dersom du bruker kortet til å vippse vener kan det ta tre virkedagar før mottakaren får pengane.) 

Skal du betale eller overføre pengar til utlandet?
Her ser du kor lang tid det tar før mottakar i utlandet får pengane på konto.

Ja, eFaktura blir registrert på fødselsnummer, og dine eFaktura-avtaler vil vise i alle norske nettbankar som er registrerte på deg.

Når du har betalt ein eFaktura finn du informasjon om betalinga i den nettbanken du har betalt rekninga i.

Beløpsgrense er maksbeløpet du kan betale rekningar for kvar kalendermånad. Du kan sjølv velje eller endre beløpsgrensa under Innstillingar – Betaling – Beløpsgrense.

Nei, førebels kan du ikkje avslutte abonnement som er knytta til kredittkorta dine. Vi vil utvikle tenesta vidare slik at dette vil bli mogleg etter kvart.

Du kan fjerne ein konto du har lagt til frå annan bank i nettbanken og mobilbanken.

Mobilbank
Gå i menyen nedst til høgre > vel Innstillinger > Konto > Konto frå andre bankar.

Nettbank
Klikk på namnet ditt øvst til høgre > vel Innstillinger > Konto > Konto frå andre bankar

Førebels kan du ikkje endre studielånet ditt hos oss. Det må du gjer på Lånekassen sine nettsider.

Det er gjort ei kartlegging av kva abonnementstenster som er mest brukt. Om lag 20 av dei vanlegaste tenestene innan strøyming, mobil, trening, aviser osb. er lagt inn i denne første versjonen. Etter kvart vil du kunne seia opp fleire abonnement.

Nokre typar abonnement vil du ikkje kunne seie opp. Det gjeld f. eks. straum, som ikkje kan seiast opp med mindre kunden endrar adresse. Amerikanske abonnement kan per no heller ikkje seiast opp fordi tenesta frå Minna Technologies bygger på europeisk lovgjeving.

For at Minna Technologies skal kunne seie opp abonnementet på vegner av deg, må du gi Minna Technologies ei fullmakt. Oppdateringar om oppseiingsprosessen vil du kunne sjå i mobilbanken/nettbanken, og du kan få oppdatering på e-post frå Minna Technologies.

I tilfelle tvistar lagrar Minna Technologies informasjon om oppseiinga i 2 år.

Minna Technologies er eit selskap som har spesialisert seg på̊ å avslutte abonnement. SpareBank 1 har inngått ein samarbeidsavtale med Minna Technologies, slik at du enkelt kan avslutte abonnement du ikkje lenger treng gjennom løysinga deira. Dette gjer du enkelt i mobilbanken eller nettbanken.

Sjå også
Korleis fungerer det når eg seier opp abonnementet i mobil- eller nettbank?

BankID på mobil er no i ferd med å bli fasa ut, og det er ikkje lenger mogleg å bestille dette. Løysinga som overtar, er BankID-appen. 

No har SpareBank 1 gått over til BankID-appen! Det betyr at du som har brukt BankID på mobil eller eingongskode på mobil må gå over til BankID-appen.

Dette gjer du:

1. Last ned BankID-appen i App Store eller Google Play
2. Opne BankID-appen og følg stega.  

Minna Technologies er ansvarleg for kundeservice og oppseiingar av abonnementa. Minna leverer løpande status tilbake til mobilbanken, slik at du kan følge oppseiingsprosessen. Du kan også ta direkte kontakt med Minna Technologies om status eller andre forhold rundt oppseiinga av abonnementa dine.

Oppseiinga av abonnement blir gjort i Minna Technlogies si løysing og dei har ansvaret for det som har med oppseiing av abonnementet å gjere. Ved spørsmål, ta kontakt med kundeservice hos Minna Technologies.

Viss du ønsker å avslutte eit abonnement kan du gjere det enkelt i mobilbanken eller nettbanken. Vel den kontoen du betaler abonnementet frå. I oversikta som viser dei siste transaksjonane på kontoen, vil du få opp valet Endre abonnement ved betalingar som du kan avslutte abonnementet på.

Sjå også

Kor får eg hjelp og svar på spørsmåla mine om oppseiing av abonnement?
Kva er Minna Technologies?

Du kan kontakte Minna Technologies slik:

1. Via chat, som ligg i same teneste som der du seier opp abonnement, altså hos Minna.
2. Via e-post til support@norway.minna.tech, som du også finn i tenesta.

For å sjå studielånet frå Lånekassen, må du først logge inn. Klikk på knappen "Legg til konto eller kort". Her får du moglegheita til å hente inn studielånet.

Den første gongen må du gi samtykke gjennom Altinn. Neste gong du loggar inn i mobilbanken eller nettbanken, blir saldo henta automatisk så lenge samtykte framleis er gyldig.

Ja, det kan du! Når du har fått utbetaling frå Lånekassen vil du kunne sjå gjelda i mobilbanken og nettbanken. Beløpet vil stige i takt med utbetalingane frå Lånekassen. Når delar av studielånet blir gjort om til stipend vil summen gå ned tilsvarande stipendbeløpet.

Viss kortet ditt har komme til rette og du er sikker på at ingen andre har hatt tilgang til det, kan du fjerne sperra i mobilbanken din eller nettbank på oversiktssida for kort. Er du i tvil om nokon andre kan ha brukt kortet, anbefaler vi at du beheld sperra og heller bestiller deg eit nytt kort.

Bankkort Viss du ikkje har bestilt nytt kort, kan du oppheve sperra. Korta er då umiddelbart klart til bruk igjen. Har du bestilt nytt kort, kan du ikkje opne det gamle.

Kredittkort: Du kan oppheve sperra innan 48 timar etter at du sperra det. Etter dette vil nytt kort automatisk bli sendt til deg.

Har du ikkje mobilbank eller nettbank, eller kjem du deg ikkje inn der, kan du ringe oss på 57 82 97 00. Er du i utlandet, ringer du +47 57 82 97 00. 

Kredittkortet ditt har same kode som dei vanlege bankkorta dine hos oss. Har du LOfavør Mastercard, er PIN-koden den du valde då du bestilte kortet. 

Viss du ikkje hugsar koden, finn du han under menypunktet Kort i mobilbanken din eller nettbank. Vel det aktuelle kortet, klikk på Val og deretter Vis PIN-kode. 

Du kan betale inn på kredittkortet når som helst, ikkje berre når du får faktura.

Mobilbanken. Vel kredittkortet ditt i oversiktsbildet. Trykk på knappen Val og deretter Innbetaling til kredittkort.

I nettbanken: Gå til kredittkortet ditt under menypunktet Kort. Klikk på Innbetaling til kredittkort.