Ja, for dei aller fleste lønner det seg å kjøpe seg inn i sambuaren sin bustad. Viss du ikkje er medeigar i bustaden, er du heller ikkje med i bustaden si verdiauke over tid. Det har ikkje noko å seie kor mykje du har betalt i husleige, eller at du har bidratt til straumrekningar, vedlikehald eller betalt ned felles billån. 

Eit av dei vanlegaste argumenta for å kjøpe framfor å leige er at det er meir økonomisk å betale ned på lån framfor å betale leige. Når du betaler leige har du uansett indirekte vore med på å betale ned bustadlånet. 

Den som ikkje står som eigar av bustaden vil i realiteten stå på bar bakke dersom forholdet ryk, og kjem dermed svært dårleg ut av det økonomisk.

Kort fortalt: Så lenge du har råd til å betene lånet og har eigenkapitalen til å kjøpe deg inn vil det å eige lønne seg. 

Sjå også: 
Eige eller leige?

Fordelar

• Du kjem deg inn på bustadsmarknaden
• Dei får eit meir likeverdig forhold
• Du tar del i verdiutviklinga på bustaden
• Du unngår «sambarfella» og risikerer ikkje å stå utan noko ved eit eventuelt brot

Ulemper

• Det blir meir komplisert å eventuelt gå frå kvarandre
• Du må betale dokumentavgift med mindre de er gifte eller bustaden er i eit burettslag 

Ein annan fordel er at de blir pusha til å snakke saman om økonomi, noko mange synest er ubehageleg i eit nytt forhold. Prøv å sjå det som noko positivt, kanskje de kjem enda nærare kvarandre?

Eigarandel fortel kor stor prosent kvar av de eig av bustaden. Korleis eigarandel i ein bustad skal fordelast kan ein bestemme sjølv. Her er nokre vanlege løysingar: 

• Mange sambuarar ønsker å eige 50/50. Viss den eine parten ikkje har råd til dette med ein gong kan ei løysing vere å kjøpe ein mindre andel først, og kjøpe seg meir inn etter kvart. 
• De kan gå inn med ulik eigenkapital og få ulik eigarandel, der de fordeler eigarandel basert på kor mykje eigenkapital kvar de har gått inn med. 
• Viss de ønsker å fordele 50/50, sjølv om den eine stiller med meir i eigenkapital, kan de løyse dette ved å lage ei avtale (helst ei sambuarkontrakt) om korleis ulik eigenkapital skal løysast ved eit eventuelt samlivsbrot og bustadsal. 

Uansett kva løysing ein vel er det viktig at fordelinga blir rettferdig. 

Viss det dreier seg om ein sjølveigarbustad må du betale dokumentavgift på din andel. Dette kjem i tillegg til kjøpesummen, og avgifta er på 2,5 prosent. 

Så lenge du har planar om å bu i bustaden ei stund kan du historisk sett vere trygg på at du får tilbake den kostnaden i form av verdiauke. Viss de ikkje planlegg å bu i bustaden spesielt lenge kan det vere lurt å vurdere å vente med å kjøpe seg inn.   

Viss det dreier seg om aksjeleiligheit eller leilegheit i burettslag slepp ein dokumentavgift. De slepp også dokumentavgifta viss de er gift.

Sjå også: 
Kva er forskjellen på sjølveigar og burettslag? 

Husforsikring kjem de ikkje utanom viss de har hus saman. Ei husforsikring forsikrar mot blant anna brann og vasslekkasjar. I tillegg bør innbuforsikringa vere på plass. 

Når de eig saman er det viktig å tenke smart rundt økonomi og sikre kvarandre viss det skulle skje noko. Vi anbefaler sterkt å ha livsforsikring når de har felles gjeld. Dette er ei forsikring som dekker den etterlatne viss du dør. Denne forsikringa blir også ofte omtalt som gjeldsforsikring.

Snakk med rådgjevaren din for å få råd og hjelp til å teikne forsikringar.