Tips og råd
TIPS OG RÅD
Barn og bank
Pengar kan vere vanskeleg å forstå, sjølv for vaksne. Her gir vi deg gode tips og triks til å hjelpe barna å lære seg gode pengevanar.
Korleis lære barn om økonomi når dei ikkje kan sjå pengane?
Etter kvart som kontantar blir mindre vanleg, må barn og unge lære om kortbruk og skaffe seg oversikt over pengar som dei ikkje kan sjå fysisk.
Hjelp barna til å utvikle dei økonomiske verdiane sine, haldningar og åtferd. Barn lærer meir om pengar når dei sjølv opplever det å få, bruke og spare pengar. Denne erfaringa gir dei ein smak av å vere økonomisk sjølvstendige, og legg grunnlaget for ein vellykka overgang til vaksenlivet.
Fem råd frå Magne om barn og økonomi
Magne Gundersen
Forbrukarøkonom
- Involver barna i økonomien i familien. Snakk om kva ting kostar.
- Bli einige om kva som må gjerast for å få lommepengar.
- Lær barna å spare tidleg. Er det noko barnet ønsker seg? Set opp ein spareplan for å nå målet.
- Snakk om pengar og arbeid - forbruk og sparing.
- Lær barna korleis bankkort fungerer.
Hald oversikt med Spink og bankkort
Appen Spink gjer det enkelt for barn å halde oversikt over sine eigne pengar. Appen viser tydeleg kva pengane er brukt til, slik at barnet får eit bevisst forhold til eige forbruk. Det er også mogleg å få ein eigen sparekonto og setje seg sparemål i appen.
Bankkortet er spesielt tilpassa barn og kan berre brukast dersom det er pengar på konto. Det kan ikkje brukast på internett. Skulle kortet bli borte er pengane likevel
trygge.
Ta kortpraten
Når barna skal begynne å bruke kort er det viktig at dei forstår pengebruk og kortsikkerheit. Her får du tips om kva barna bør vite før dei begynner å bruke bankkort for barn.
Mista kortet?
Gi beskjed til foreldre så fort som mogleg slik at dei kan sei ifrå til banken.
Oppbevare PIN-koden på ein hugselapp?
Nei, lær koden utanåt.
Dele PIN-koden med andre?
Nei. Koden er hemmeleg. Ikkje fortel koden til andre.
Tips og råd
Tips og råd
Sparebanden | Lær barn om pengar og økonomi
Tips og råd
Tenåringen og økonomi
Tips og råd