Tips og råd
TIPS OG RÅD
Sparebanden
Møt Sparebanden! Dei har ein viktig jobb, nemleg å lære barn og vaksne om noko enormt viktig – pengar og økonomi for barn.
Sparebanden
Sparebanden er på eit viktig oppdrag
Pengar kan vere vanskeleg å forstå, sjølv for vaksne. Korleis kan det då vere enkelt for barn? Å involvere barna i økonomien i familien gjer at dei føler større ansvar og får auka forståing for kva ting kostar. Det vil dei tene på seinare i livet.
Sparebanden skal gi familiar støtte og hjelp til å danne gode pengevanar. Vi lovar ikkje eit liv fullt av rikdom, men hjelp til å forstå meir om pengar og økonomi i ei verd i stadig endring.
Hels på Spare, Bruke, Dele og Skape.
Saman skal vi hjelpe barna med å få gode pengevanar.
Eg er Spare
«Viss eg sparer litt og litt, så får eg til slutt råd til det eg ønsker meg!»
Du kan seie at eg er roleg og fornuftig. Ein ryddig og ordentleg type.
Eg er god til å planlegge og legge gode spareplanar.
Eg synest det er viktig å vente med å kjøpe til eg har tenkt meg litt om. Gjerrig? Nei, men eg liker å ha ein plan for det eg gjer.
Eg er Bruke
«Å, den var fin! Kan vi ver så snill kjøpe den? Då blir eg kjempeglad!»
Her er eg! Hoppande glad, impulsiv og med glimt i auget.
Eg er kanskje ikkje den mest seriøse av oss, men elskar å motivere, spreie glede og finne gode grunner til å bruke litt pengar.
Å bruke er vanskelegare enn det ser ut som. Derfor søker eg ofte råd hos dei andre for korleis eg kan få det eg ønsker meg.
Eg er Dele
«Å dele gjer meg superglad! Det kjennest så mykje betre enn å kjøpe noko til meg sjølv.»
Det viktigaste for meg er ikkje å ha mykje pengar sjølv, men å gjere ting saman.
Eg er opptatt av rettferd og er veldig omsorgsfull. Eg blir glad av å både tenke på og dele med andre.
Eg vil gjerne ha pengar og ting sjølv, men eg treng ikkje å ha meir enn andre.
Eg er Skape
«Å bruke pengar på ein idé synest eg er spennande? Ja, gjerne!»
Eg er oppfinnsom, leiken, nysgjerrig og energisk.
Eg ser alltid etter moglegheiter og løysingar, og hjelper Spare, Bruke og Dele. Saman kan vi få til kva som helst.
Gode idéar får meg til å slå hjul og eg elskar å tene pengar på noko ingen har tent pengar på før.
Tips og råd frå Sparebanden
- Lær barna kvar pengar kjem frå, ikkje berre kva dei kan brukast på eller sparast til.
- Ta med barna i butikken. Snakk om tinga de kjøper og kvifor de må velje ein ting framfor ein annan. Og ja – det er lov å velje ein dyrare ting viss grunnen er god!
- Kva med å ta ein runde i garasjen, finne litt ting og sjå om dykk kan selje dei for ein slant? Sjå korleis det fysiske blir til digital valuta.
- Lommepengar er ein super måte å lære om økonomi på. Då lærer barna at dei kan tene penger, men at det òg er grenser for bruk. Dei må spare for å nå måla sine.
- Går noko i stykker? Reparer det eller lag noko nytt av det, saman med barna. Gøy og økonomisk fornuftig.
- Lær barna å spare tidleg. Lag 3 sparebøsser og marker dei med «spare», «dele» og «bruke» og la barna sjølv velje kvar dei vil plassere pengane sine.
Produkt for barn
Tips og råd
Tips og råd
Ventar du barn? Dette bør du tenke på
Tips og råd
Lær barna sparing
Tips og råd