Klager ved overtaking av bustad

Hol og skruar i veggen

Skruar og hol i veggen er ganske vanleg ved overtaking av ein bustad. Det same gjeld også fargeforskjellar der det tidlegare har hengt bilete, hyller eller stått møblar. Slike hol og fargeforskjellar reknast som normal slitasje i ein bustad.

Avhendingslova seier at bustadar skal overleverast «rydda og reingjort», men det betyr ikkje fiksing av hol og skruar i veggen, eller utjamning av slike fargeforskjellar. Det betyr at det ikkje er krav til seljar om å fikse dette, med mindre det er spesielt nemnt i kontrakta.
 

Kvitevarene er borte/øydelagde

Overtakingsdatoen er her, og du møter meklar og seljar for å overta bustaden og fylle ut overtakingsprotokoll. Men vent, kjøleskapet og vaskemaskina som du trudde skulle følge med, har seljar tatt med seg.

Den nye standarden i lausøyrelista (ny i 2020) er at frittståande kvitevarer ikkje følger med. Unntaket er viss det står noko anna i salsoppgåva, eller at det har blitt sett som forbehold at dei skal følge med buet.

Viss du overtar ein bustad med defekte kvitevarer, kan du klage til bustadseljaren. Men det kan vere greitt å hugse på at du som bustadkjøpar har ein eigenandel på 10.000 kroner ved manglar i bustaden, i henhald til avhendingslova.
 

Det bur allereie "nokon" her

Insekt som for eksempel skjeggkre og sølvkre har blitt ganske vanlege i norske bustadar Du som bustadkjøpar kan sjølv ha tatt med desse frå den gamle bustaden din via pappøskjer, møblar eller oppbevaringslager. Men dersom du meiner at desse allereie var i bustaden ved overtakinga, er det to ting du bør vite når du klagar:

1. Sjekk at det ikkje står noko om dette i eigenerklæringa eller tilstandsrapporten til bustaden. 
2. Send inn klage (reklamasjonsfristen her er 3 månader etter overtaking) før du får fastslått at insekta allereie var i bustaden ved overtaking, ved hjelp frå ein skadedyrspesialist.

Kjekt å vite:
I samsvar med avhendingslova har du som bustadkjøpar krav på å få dekka kostnadar (over 10.000 kroner) til å bli kvitt desse, men ikkje verditapet som følge av sjenerande insekt.