Viss du oppgraderer bustaden din til nytt energimerke A eller B kan du få grønt bustadlån hos oss. 

Før du set i gang arbeidet med å oppgradere bustaden din må du òg vite kor mykje du kan låne. For å finne ut dette kan du enten søke om finansieringsbevis, sende ein lånesøknad eller snakke med ein av rådgjevarane våre.

Lurer du på kva energitiltak du bør gjennomføre? Då kan du snakke med ein energirådgjevar. Energirådgjevaren kan hjelpe deg med å kartlegge bustaden, gi den eit energimerke og lage ein plan for å redusere energibruk. 

Energiplanen kan innehalde enkelttiltak som for eksempel utskifting av vindauge eller etterisolering, eller meir omfattande tiltak som å oppgradere bygningskroppen. I mange tilfelle vil rådgjeving i kombinasjon med energitiltak kvalifisere til støtte frå Enova.

Viss du for eksempel skal oppgradere bygningskroppen og gjere omfattande tiltak, kan du få eit grønt byggelån. Når byggeperioden er ferdig vil lånet bli gjort om til eit grønt bustadlån.

Skal du gjere mindre omfattande tiltak? Då kan du søke om eit miljølån. 

Uansett hjelper vi deg i prosessen. 

Når du har gjennomført dei energisparande tiltaka, og bustaden din har fått energimerke A eller B, må du sende den nye energiattesten din til oss. Når vi har fått den dokumentasjonen vi treng kan vi oppdatere lånet og rentene dine.