Eit vanleg bankkort kan du bruke så lenge det er pengar på konto. Kredittkortet er ikkje kopla til noko konto, men gir deg tilgang til ein ekstra sum du kan låne. Når du trekker kortet, låner du pengar, og det kan du gjere inntil grensa er nådd. Når du har betalt ned alt eller deler av summen, kan du igjen låne opptil grensa. 

Det kan vere fleire årsaker til at kortet ditt ikkje fungerar:

• Du må aktivere nytt kort før det kan brukast til netthandel
  Har du fått nytt kort og skal handle på nett? Då må du aktivere kortet først. Dette gjer du enten med å bruke kortet i butikkterminal og taste inn PIN, eller du kan aktivere kortet i mobilbanken eller nettbanken under menyvalet Kort.

• Kortet ditt kan vere slite eller øydelagt
  Bestill nytt i mobil- eller nettbanken eller kontakt oss. 

• Har du gløymt PIN-koden?
  Viss du tastar feil kode tre gongar, blir kortet ditt automatisk sperra.  Har du gløymt koden, kan du hente han i mobilbanken eller nettbanken. Du kan opne kortet igjen i ein minibank ved å taste riktig kode. PS: PIN-koden på kredittkortet er som regel den same som på bankkortet.

• Har du aktivert regionsperre?
  Er du i utlandet, kan det vere regionsperra som gjer at du ikkje får brukt kortet ditt. Viss dette er tilfelle skal du ha fått ein SMS om at kortet er prøvd brukt i utlandet. Regionsperra kan du oppheve i mobilbanken.
  
  

Sjå også

• Kvifor verkar ikkje kontaktlaus betaling?
  

Betalar du abonnementet med Mastercard Ung, får du 20 % rabatt (samla inntil 500 kroner per år) på desse streamingtenestene:

• Allente
  
• Amazon Prime Video
• Apple Music
• Audible
• Discovery+
• Disney+
• Eurosport
• Fabel
• HBO Max
• Netflix
• Podimo
• PodMe
• SkyShowtime
• Spotify
• Storytel
• Strim
• Tidal
• TV 2 Play
• Viaplay
• YouTube Premium

Les meir om rabatt på streaming.

Du kan seie opp kredittkortet sjølv i nett- og mobilbanken viss du ikkje har uteståande beløp eller pengar til gode på kortet. Gå til kortet, trykk på Val og deretter Sei opp kortet. Elles kan du ringe oss på 57 82 97 00, så hjelper vi deg.

Hugs at du kan redusere kredittgrensa di sjølv i mobilbanken eller nettbanken. 

Kredittkortet ditt har same kode som dei vanlege bankkorta dine hos oss. Har du LOfavør Mastercard, er PIN-koden den du valde då du bestilte kortet. 

Viss du ikkje hugsar koden, finn du han under menypunktet Kort i mobilbanken din eller nettbank. Vel det aktuelle kortet, klikk på Val og deretter Vis PIN-kode. 

Har du betalt minst 50 % av transportkostnadene for reisa med ditt SpareBank 1 Mastercard, har du reise- og avbestillingforsikring inkludert på reisa. Forsikringa kan dekke mellom anna

• sjukdom eller ulykke på reisa
• behov for heimreise ved akutt sjukdom, evakuering o.a.
• forsinka flyavgang
• forsinka eller tapt bagasje
• avbestilling av planlagt ferie

Har du betalt meir enn halvparten av reisekostnadene med kredittkortet, kan du nytte reiseforsikringa i kortet viss eit uhell skulle oppstå. Her finn du kontaktinformasjon:

Akutt sjukdom eller ulykke

• Telefon: (+47) 24 24 07 41
• trygalarm@tryg.no

Mindre hendingar

• Meld skade her
• Telefon: (+47) 55 17 19 46

NB: Har du heilårs reiseforsikring hos oss? Meld skade på heilårs reiseforsikring her.

Når du brukar eit kredittkort, lånar du pengar av banken. Kredittgrensa di, eller kortet si kredittramme, er det maksimale beløpet du totalt kan låne før du må betale tilbake. Når kredittramma er «brukt opp», kan du ikkje bruke kredittkortet igjen før du har betalt inn på kredittkortet.

Kvar gong du betalar med kredittkortet, brukar du altså av kredittramma. Når du betalar ned heile eller delar av gjelda, anten via kredittkortfakturaen eller ved at du betalar inn ekstra i nett- eller mobilbanken, blir summen du betalar inn igjen tilgjengeleg for bruk.

Har for eksempel kortet ditt ei kredittramme på 20.000 kroner, og du brukar 10.000 kroner, har du 10.000 kroner igjen av kredittramma. Betalar du så inn 5.000 kroner, aukar den tilgjengelege kreditten din til 15.000 kroner.

Kor høg kredittgrense du kan få, avheng av ting som inntekt, betalingshistorikk og kor mykje gjeld du har frå før.

Sjå også

• Korleis endre eg kredittgrense på kredittkortet mitt?
• Eg ønsker å betale inn ekstra på kredittkortet.

I nett- og mobilbanken kan du sjølv justere kredittgrensa etter behov. Gå inn på kredittkortet, trykk på Val og deretter Endre kredittgrense. Du kan alltid redusere kredittgrensa di. Viss du har behov for å auke den, må du fylle ut ein kjapp søknad, og så sjekkar vi om vi kan tilby deg auka kreditt. Kreditten blir tilgjengeleg så fort søknaden er godkjendt.

Kvifor skulle eg ønske å redusere kredittgrensa mi?

Utlånsforskrifta avgrensar for kor mykje lån du kan ta opp, blant anna basert på kor mykje gjeld du har frå før. Her reknast heile kredittramma på kortet ditt som gjeld, anten du har brukt av den eller ikkje. Derfor kan det vere lurt å passe på at du ikkje har høgare kredittgrense enn du treng, særleg viss du til dømes planlegg å kjøpe bustad. Hugs då spesielt på kredittkort du har liggande, men aldri brukar.

PS: Har du kredittkort fleire stader og ikkje oversikt over kva kredittgrense du har på dei ulike korta? Sjekk artikkelen Sjå alle kredittkorta dine og forbrukslån i mobilbanken, så har du full oversikt på under fem minutt.

Når du betalar med kredittkortet, lånar du pengar av banken, men du må ikkje betale renter på dette lånet med ein gong. Kvar månad får du ei rekning frå oss på alt du har lånt og ikkje har betalt tilbake enno – altså det folk som jobbar i bank kan finne på å kalle uteståande balanse  eller nytta kreditt. Kredittkortrekninga inkluderer med andre ord all kortbruken fram til datoen vi sender fakturaen.

Betalar du heile kredittkortrekninga før den forfell, slepp du å betale renter. Gjelda du eventuelt ikkje betalar ned til forfall, og som det derfor byrjar å løpe renter på, kallar vi renteberande balanse.

Vidare bruk av kredittkortet blir å betrakte som nye lån, som du ikkje må betale renter på før etter forfallsdato på neste rekning. Denne uteståande balansen kallast ikkje-renteberande balanse. Samtidig samlar det seg opp renter på det du måtte ha att av kredittkortgjeld frå tidlegare. Det er derfor vi skil mellom renteberande og ikkje-renteberande balanse. Begge delar går av kredittramma på kortet, men det er altså berre den renteberande balansen du betalar renter på.

Sjå også

• Kva beløp må eg betale til forfall på kredittkortrekninga?
• Kvifor er renta på forbrukslån og kredittkort så høg?