Studentøkonomi

Set opp eit budsjett

Noko av det smartaste du kan gjere er å sette opp eit enkelt studentbudsjett, slik at du får oversikt over kor mykje pengar som kjem inn, og kor mykje som går ut. 

I tillegg kan denne budsjettmalen (excel) hjelpe deg med å få oversikt.

Bu billegare

Å bu er ofte den største utgiftsposten for dei som vel å flytte for å studere. Eit smart tips er å starta bustadjakta tidleg. I tillegg kan det vere lurt å leige bustad saman med ein venn. Då kan de dele på alle utgifter som leige, internett, straum og innkjøp av felles ting som vaskemaskin og møblar.

Her finn du ei lur sjekkliste for deg som skal leige bustad.

Søk studielån og stipend

Studielån er eit billeg lån. Det kan derfor vere smart å ta ut heile studielånet og heller spare det du ikkje brukar. Lånet er rentefritt i studietida, og opptil 40 % av lånet kan omgjerast til stipend. 

I Legathandboka finn du hundrevis av stipend som blir delt ut kvart år til verdige søkarar. Send gjerne inn fleire søknader. Og best av alt: Pengane er skattefrie!

Jobb deltid

Å jobbe ved sida av studiane er løysinga for mange. Dei ekstra tusenlappane er gull verd for ein trong studentøkonomi – samtidig som det ofte kan lønne seg både erfaringsmessig og på CV-en din. Men pass på at du ikkje overstig Lånekassen si inntektsgrense (214.213 kroner før skatt i 2024). Tener du meir vil stipendet ditt bli kutta.

Bruk studentrabatten

Det er masse rabattar og tilbod spesielt retta mot studentar. Sjå kva studierabattar du kan få.

Sel det du ikkje brukar og kjøp brukt

Ein del ting må ein nødvendigvis ha, men det er ikkje nødvendig å kjøpe alt nytt. Du kan finne alt frå brukte pensumbøker til klede, bestikk og møbler på nett. Å selje unna det du ikkje lenger bruker er ein smart måte å få litt ekstra å rutta med som student. 

Sjå tips om korleis du kan spare pengar og miljøet. 

Hugs forsikringane

Du bør ha minimum innbu- og reiseforsikring. Hugs at dersom du er over 20 år er du ikkje lenger dekka av forsikringa til foreldra dine. Melder du flytting i Folkeregisteret er du heller ikkje dekka av forsikringane til foreldra, dette gjeld òg før du fyller 20 år.

Planlegg handleturen

Det er mykje du kan gjere for å få pengane til å rekke lenger som å Slik kan du unngå dyre impulskjøp som kan loppe deg for mykje meir enn du trur.

I tenesta Min økonomi kan du skaffe deg ei oversikt over kva du bruker pengar på, og sjå om du finn utgifter du heller kan setje av til sparing.

Spar fast kvar månad

Når du er student er det ikkje lett å spare, men det er mogleg. Ein av dei beste vanane du kan ha er ikkje å bruke opp alle pengane, men legge litt til side kvar månad. Nokre tusenlappar på ein  bufferkontokan redde deg når du får ei uventa utgift.