Tips og råd
Tips og råd
Byte bustad - Selje eller kjøpe først?
Planlegg du å byte bustad? Då er det mykje du skal setje deg inn i. Her er våre råd til å lukkast med bustadbytet.
Bør eg kjøpe ny bustad før eg sel den gamle?
Om du bør selje eller kjøpe først vil variere frå person til person. Dei aller fleste vel å kjøpe før dei sel, men det kan vere like gode argument for det motsette.
Selje bustaden først
Fordelar
- Du får betre kontroll på økonomien og veit kor mykje du har å rutte med.
- Du slepp å sitje på to lån, noko som fort kan bli dyrt viss det tar tid før du får selt.
Ulemper
- Du risikerer å måtte leige fram til du finn ein bustad som passar for deg. Då må du òg ha alle eigedelane dine på mellomlagring.
- Det kan ta tid å finne ein ny bustad du liker, spesielt viss du leitar etter noko i ein bestemt størrelse eller innanfor ein spesifikk skulekrets.
Kjøpe den første bustaden din?
Fordelar
- Du kan bruke god tid på å finne ein bustad du verkeleg ønsker deg.
- Du risikerer ikkje å kjøpe noko du berre er halvvegs fornøgd med fordi du ikkje fann noko anna.
Ulemper
- Du vil ha to bustader – og dermed to lån – i ein periode. Dette kostar, spesielt i periodar med høg rente.
- Det er uvisse knytt til kva pris du får for bustaden du skal selje.
Det kan vere lurt å snakke med ein av rådgjevarane våre før du bestemmer deg for kva du bør gjere i akkurat din situasjon.
Vurder om du har råd til mellomfinansiering
Viss du vel å kjøpe før du sel kan du søke om mellomfinansiering. Mellomfinansiering vil seie at du får lån til å kjøpe ny bustad før den gamle er seld, eller før du har fått oppgjeret frå den gamle bustaden din.
Hugs at du i tillegg til renter og eventuelle avdrag på to lån, må dekke løpande utgifter på to bustader i ein periode, mellom anna kommunale avgifter, straum og forsikring. Desse utgiftene er blant anna kommunale avgifter, straum og forsikring. Du må derfor ha god økonomi for å få mellomfinansiering.
Det er ofte avdragsfritt for å lette presset på økonomien.
5 tips til deg som skal på visning
Still førebudd
Når du finn ein bustad du likar bør du lese salsoppgåva nøye, helst før visninga. Sjekk etter spesielle merknader i taksten.
Ikkje nøl med å stille spørsmål til meklar undervegs.
Før du går i gang med bustadjakta er det smart å lage ein sjekkliste over ting som er viktige for deg i ein heim.. Bruk denne når du er på visning og sjå til dømes om bustaden har dei solforholda du ønsker, kor lang avstand det er til kollektivtransport eller næraste skule/barnehage.
Lag deg eit budsjett
Budsjett er superviktig og det er enkelt å sette opp. Då får du raskt god oversikt over økonomien, og du veit kva du bør forhalde deg til på visning.
Når det er tid for bodrunde er det viktig at du kun legg inn bod du kan leve med, og at du held deg til budsjettet ditt.
Ha finansieringa klar
Det er smart å ha lånet klart når du går på bustadjakt. Når du søker bustadlån får du ei rask tilbakemelding på kor mykje du kan låne.
Dersom du etter visning forstår at du treng meir pengar, kan vi vurdere om det finst andre moglegheiter, for eksempel med ekstra sikkerheit eller med ein kausjonist.
Få med ein fagperson
Det er smart å ha med ein person som har peiling når du går på visning, gjerne ein fagperson viss du kan. Det er nemleg lett å bli sjarmert av ein bustad som står nystelt og innbydande med levande lys og duftande blomster.
Kjøkken og bad er kostbare å utbedre. Derfor er det viktig å avdekke fuktskadar og andre skjulte manglar. Det er også viktig å sjekke om det er lytt i bustaden. Dette gjeld spesielt for eldre leiligheiter eller vertikaltdelte bustader.
Gå på mange visningar
Gå på mange visningar og sjå kva du får for pengane i det området du vil bu i.
Ved å gå på fleire visningar får du òg betre innsikt i kva du liker, og ikkje minst – kva du ikkje liker.
Ta deg òg god tid på visningane. Dette kan tross alt vere den einaste moglegheita du har til å sjå bustaden før du kjem i ein bodrunde.
Det kan også vere ein idé å ta deg ein runde i nærområdet før visning og gjere deg kjent med nabolaget.
Aktuelt for deg?
Tips og råd
Tips og råd
Slik kjem du i mål med oppussinga
Tips og råd
Kva forsikringar treng eg?
Tips og råd