Vennebetaling

Med vennebetaling på mobilen, kan barna trygt betale tilbake det dei har lånt av vener og familie.

- Akkurat som oss vaksne, treng barna nokre gonger låner pengar. Med vennebetaling i Spink kan dei trygt betale tilbake det dei har lånt av vener og familie, utan å vere avhengige av kontantar, seier Anne Gundersen, konseptansvarleg for familie i SpareBank 1.

Ein av fem seier at barna låner pengar

I ei undersøking gjennomført av Kantar TNS for SpareBank 1, seier ein av fem foreldre at det hender at barna deira låner pengar. Det dei i stor grad låner til er småting som mat, godteri, leikar og spel.

- Vi vaksne veit jo sjølv kor lett det har blitt å Vippse, og vi ser at barna har same behov for enkelt å kunne overføre pengar til vener og familie. Ei slik teneste har vore etterspurt av kundane våre lenge, seier Gundersen.

Les også: Lær barna å spare

Sikkert å betale til vener

For at barnet skal kunne betale og motta pengar frå vener, må ein forelder godkjenne kvar enkelt mottakar. Dette gir foreldre kontroll på barna sitt forbruk, samt kven barna betaler til og får pengar frå.

- Vennebetalingsfunksjonen er ein trygg og lærerik måte for barna å gjere opp for seg på. Den er utvikla i dialog med både foreldre og Forbrukartilsynet, og målet har heile tida vore å gjere den mest mogleg sikker og brukarvennleg, seier Gundersen.

Tenesta har ei maksgrense på 1000 kroner for fire dagar. Dette kjem i tillegg til maksgrensa som ligg i barnebankkortet, som er på same beløp.

Les også: Kvifor skal barnet mitt tenke på pengar?

Dette er Spink

Spink er SpareBank 1 sin mobilbank for barn mellom 6 og 15 år. Appen lar barnet sjå saldo på kortet, få vekes- og månadsoppsummering av forbruket sitt, sjå sparekontoen sin og lære seg å spare ved bruk av sparemål. Barnet kan overføre pengar mellom kortkonto og sparekonto, be foreldre om pengar, og betale til vener og familie gjennom funksjonen vennebetaling.