Tips og råd
Tips til deg som skal selje bil
Tenker du å selje bilen din sjølv? Fordelen er at du sit igjen med heile salssummen sjølv, men då er det nokon ting du bør passe på. Her får du nokre tips til kva du bør tenke på når du skal selje bil.
Gjer bilen klar for sal
Skriv kontrakt
Fiks salsmelding og omregistrering
Dette må du hugse når du skal selje bil:
- Finn prisen du ønsker og lag annonse.
- Hugs opplysysningsplikta – det betyr at du må informere om alle forhold du kjenner til.
- Skriv kontrakt – dette er det viktigaste dokumentet du har dersom det skulle oppstå usemjer eller tvist i etterkant av salet.
- Bli samde om betaling, og fjern eventuelle heftelsar.
- Send inn salsmelding.
- Høyr med kjøpar om forsikring på bilen er ordna – elles får ikkje kjøparen betalt omregistreringsavgifta.
- Sei opp og flytt avtalar – har du avtalar på bombrikke, parkering eller liknande må du seie ifrå til dei riktige selskapa slik at du slepp å betale rekningane til den nye eigaren.
Kontrakten må inkludere
- Kontaktinformasjon: Kjøpar og namnet til seljar, adresse, telefonnummer, e-postadresse og kontonummer.
- Salsinformasjon: Pris, betalingsmåte, om omregistreringsavgifta ligg i kjøpsprisen, type og merke på bilen, årsmodell, registreringsnummer, dato for førstegangsregistrering og kilometerstand.
- Opplysningar om bilen: Til dømes om bilen er importert, har rustskader, er EU-godkjent og eventuelle feil/manglar.
- Utstyr: Kva utstyr som følger med bilen.
- Stadfestinga til seljar: Seljar skal opplyse om bilen er fri for heftelsar. Viss ikkje, må det stå noko om korleis dette skal innfriast.
- Stadfestinga til kjøpar: Kjøpar må bekrefte at seljar har vist kvitteringar for eventuelle reparasjonar, at bilen er prøvekøyrd og besiktiga, og om testdokument er framlagt. Kjøpar skal ha kvittering for betaling av siste forfalne årsavgift, andre forfalne offentlege avgifter og serviceheftet skal følge med.
- Overtaking: Dato for oppgjer og overlevering av bilen skal stå i kontrakten. Kjøpar kan overta bilen når oppgjeret er i orden.
- SigneringDato, stad og signatur for begge partar. Dersom kontrakten er på fleire sider, er det lurt å signere med initialar på alle sidene.
Du finn mange gode malar på nettet, så slepp du å sette opp kontrakten heilt sjølv. Du kan til dømes bruke ein gratis mal på kjøpekontrakt på NAF sine sider.
Kva lurer andre på?
Har seljar gjeld på bubilen, kallast dette heftelsar. Med eit eige billån sørger vi for at gjelda blir sletta og seljaren får det som blir igjen. Aukar du huslånet for å kjøpe bubil, må du sjølv passe på at seljar betalar det han skuldar.
Sjekk om bilen du skal kjøpe har heftelsar i Brønnøysundregisteret. NB: Heftelsen kan vere mindre enn det som står i Brønnøysund. Den er som då den blei registrert, og endrast ikkje i låneperioden.
Sjå også
Kor mykje eigenkapital må eg ha på eit billån?
Bør eg ha eit eige billån eller auke bustadlånet?
Kva bør eg tenke på om eg skal selja bilen sjølv?
Det er både fordelar og ulemper med å bake billånet inn i eit eksisterande bustadlån.
Fordel
- Sidan bustadlånet har lågare rente enn eit billån, kan det vere gunstig å utvide bustadlånet når du skal kjøpe bil. Viss du vel å gjere dette er det viktig at du hugsar å auke innbetalinga på lånet tilsvarande verditapet til bilen. Viss du ikkje gjer det, og betalar ned på bilen over like mange år som bustaden, risikerer du at bilen blir dyrare enn om du hadde valt eit vanleg billån med kortare nedbetalingstid.
Ulempe
- Viss du vel å auke bustadlånet i staden for å ha eit eige billån må du vere sikker på at du ikkje treng den ledige sikkerheita i bustaden til andre formål, som til dømes oppussing eller til å hjelpe barna inn på bustadmarknaden.
- Vurderer du å byte bustad dei komande åra, vil du ved å bake billånet inn i bustadlånet redusere EK-andelen du kan trenge (eigenkapitalkrav på 15 %).
- Dersom du ikkje betaler ned i tråd med verdifallet på bilen, så risikerer du å sitje igjen med restgjeld når bilen blir seld.
- Har du først finansiert bilen i bustadlånet, går det ikkje an å endre til vanleg billån med sikkerheit i bilen i etterkant.
For å finne ut om ein bil er forsikra kan du logge inn med BankID hos Trafikkforsikringsforeningen. Der kan du søkje på registreringsnummer for å finne ut om bilen er forsikra (uavhengig av forsikringsselskap).
Kvar er bilen forsikra?
Viss du ikkje veit kvar ein bil er forsikra kan du logge inn med BankID hos Trafikkforsikringsforeningen. Der kan du sjekke kva forsikringsselskap som har forsikra bilen.
Sjå også:
Alle registrerte bilar må minimum ha ansvarsforsikring. Ansvar er den grunnleggjande dekninga som er lovpålagt alle registrerte bilar.
Ansvarsforsikring dekker:
- Trafikkforsikringsavgift
- Førar- og passasjerulukke
- Skader på andre køyretøy
- Skader på bygningar
- Skader på andre sine eigedelar.
- Rettshjelp
Ønsker du å vere dekka for skadar på eigen bil må du ha kaskoforsikring eller toppkasko.
Viss du mellombels avregistrerer bilen vil du automatisk gå over på ei lagringsforsikring slik at bilen framleis er dekt mot mellom anna brann og tjuveri.
Mi bilforsikring finn du ved å logge inn til mine forsikringar (mi side). Her kan du mellom anna:
- Sjå detaljar, vilkår og forsikringspapir
- Endre betalingsfrekvens (månadleg, kvartalsvis, halvår eller årleg)
- Melde skade, hending eller uhell
- Endre kilometerstand og køyrelengde
- Sjå pris, eigenandel, tilleggsforsikringar o.l.
- Bestille grønt kort for utanlandskøyring + mykje meir
Nei, du treng ikkje seie opp bilforsikring, verken om du sel bilen eller vrake den. Når du sel bilen vil bilforsikring bli avslutta automatisk frå den same dagen Statens vegvesen registrerer melding om eigarskifte (salgsmsg) på bilen. Det same gjeld om bilen blir registrert som vraka eller meldt stjålen.
Ved sal, ver merksam på at den som kjøper bilen, også må kjøpe ei eiga bilforsikring før de kan omregistrere bilen til ny eier. Dette er for å unngå dagsgebyret frå Trafikkforsikringsforeningen ved uforsikra registrert køyretøy.
Hvis du midlertidig avregistrere kjøretøyet ditt vil du automatisk gå over på ein lagringsforsikring.