SMS-svindel
Svindel på SMS, også kalla SMiShing, blir stadig meir vanleg. Her vil svindlarane fiske etter sensitiv informasjon, gjerne ved å sende deg ei melding med ei lenke du absolutt ikkje bør klikke på.
Kjenneteikn på SMiShing
Smishing er ein metode som liknar på phishing, men i staden for e-postar bruker svindlerene tekstmeldingar (SMS) der dei forsøker å lure deg til å gi opp sensitiv informasjon som dei kan misbruke.
Faresignal du kan sjå etter
- SMS kjem heilt uventa og avsendar utgir seg for å vere frå banken eller andre kjente aktørar du normalt stoler på. Nokre gonger frå ein heilt ukjent avsendar.
- Du blir bedt om å gi opp sensitiv informasjon enten ved å svare på SMS eller ved å trykke på ei lenke i SMS-en. Det kan til dømes vere skatteetaten, banken, ein nettbutikk eller eit budfirma som ber deg oppdatere betalingsinformasjonen din.
- SMS lenkar til ei falsk nettside der svindlarane prøver å hente din sensitive informasjon ved å få deg til å logge inn, oppdatere kortinformasjon og/eller personopplysningar.
- SMS spelar på hastverk som krev umiddelbar respons. Til dømes at eit abonnement blir sperra om du ikkje trykker på lenka og betaler ei rekning innan ein kort tidsfrist.
Det er ingen seriøse aktørar som heilt tilfeldig ber deg om å logge inn eller oppdatere personopplysningar via ei lenke i SMS. Dette er eit typisk raudt flagg på smishing!
Døme på SMS-svindel
Eit døme på smishing kan vere ei tekstmelding som visstnok er frå ein offentleg aktør, som ber mottakaren om å opne ei melding eller stadfeste kontoopplysningar ved å klikke på ei lenke og logge inn på ei falsk nettside.
- Den falske nettsida kan sjå ut som den ekte aktøren nettsida si, men all informasjon som blir skriven inn der, blir faktisk sendt til svindlarane, som deretter kan misbruke den.
- Svindel SMS-ane kan legge seg i same tråd som tidlegare legitime SMS-ar du har fått frå aktøren du stoler på (sjå døme i skjermdump).
Er du i tvil om SMS-en er ekte eller ikkje, kan du gå til nettsida til aktøren, finne telefonnummeret deira, og ringe å spørje om dei nyleg har sendt ut ein slik SMS. Ein tommelfingerregel er å alltid logge inn via aktøren si offesielle nettside og ikkje via lenker.
Slik unngår du å bli lurt
- Ver skeptisk til uventa tekstmeldingar. Spesielt dei som ber om personleg informasjon.
- Ikkje del sensitiv informasjon med nokon (til dømes fødselsnummer, BankID-passord, kortnummer eller PIN-koder) på SMS, sjølv om dei som ber deg gjere det ser ut til å vere banken, politiet, eller andre du stoler på. Vi vil aldri be deg om å oppgi denne typen informasjon, verken via SMS, e-post eller telefon.
- Ikkje klikk på mistenkelege lenker for å sjå kor dei fører. Stol aldri blindt på innhald i meldingar, sjølv om det ser ut til å komme frå banken din, eller nokon du stoler på. Aldri logg inn på nettsider via lenke i SMS.
- Ver oppmerksam på språk og innhald i meldingar. Ver ekstra oppmerksam viss avsendaren har eit utanlandsk telefonnummer.
- Sist, men ikkje minst: ikkje ring tilbake eller svar på tekstmeldinga. Det kan koste deg dyrt.
Kva gjer du viss du har fått ein falsk SMS?
Du har fått ein SMS, men ikkje trykt på lenka
Slett SMS-en snarast, utan å trykke på lenka. Så lenge du følger dette rådet er du trygg, og du treng ikkje å ringe oss.
Du har fått ein SMS, og trykka på lenka
Har du klikka på lenka i ei svindelmelding kan du risikere at du har fått virus på PC-en eller mobilen din. Då må du installere/gjenopprette alle program på nytt. Er du usikker på korleis dette blir gjort, bør du kontakte datakyndige, til dømes der du kjøpte PC-en eller mobilen din, eller eit firma som tilbyr teknisk støtte. Les meir om sikring av datamaskin, mobil og nettbrett på nettvett.no.
Du har klikke på lenka og fylt ut informasjon
Har du klikke på ei lenke i svindelmeldinga og fylt ut betalingsinformasjon må du ta kontakt med oss på +47 57 82 97 00 umiddelbart! Då kan vi få sperra kortet, konto og eventuelt BankID så raskt som mogleg.
Sjekk om kontoen din er belasta noko som du ikkje er kjent med. Viss det har skjedd, sender du inn reklamasjon i mobilbanken eller nettbanken etter at du har kontakta oss.
Endre også passorda dine for alle brukarstader som kan vere berørt.
