Investeringssvindel
Har du mottatt tilbod om investeringar som lovar eventyrleg profitt og låg risiko? Då er det som regel snakk om investeringssvindel.
Kjenneteikn på investeringssvindel
Det finst mange former for investeringssvindel, men dei fleste inneber at du blir kontakta av ein person som prøver å overtale deg til å investere pengar. Problemet er berre at selskapet eller kryptovalutaen du investerer i ikkje finnast.
Svindlarane er utspekulerte, og både «rådgjevarane», nettsidene og annonsane verkar veldig truverdige. Her er nokre kjenneteikn:
- Tilbodet verkar veldig bra, og du får døme på veldig høg profitt, med låg risiko.
- Du ser eller får eit tilbod på nett eller i sosiale medium om å investere i aksjar eller kryptovaluta, avansert aksjehandel eller i andre produkt med store svingingar i verdi.
- Kjendisar eller offentlege personar er ansikt utad for tilbodet.
- Når du får førespurnader som spelar på hastverk, til dømes at tilbodet er tidsavgrensa, at du «ikkje må gå glipp av denne eine moglegheita», eller at det hastar.
- Ein såkalla «rådgjevar» skal hjelpe deg gjennom prosessen, og ber deg gi frå deg BankID-kodar, legitimasjon eller stadfeste ulike trinn som etablerer deg som «kunde».
Hugs: Er tilbodet for godt til å vere sant, er det sannsynlegvis det òg.
Døme på investeringssvindel
Det finst mange former for investeringssvindel, men her er eit typisk døme:
- Du blir kontakta med eit tilbod «du ikkje kan seie nei til»
Svindlarane verkar veldig overbevisande. Ofte legg dei fram tilbodet som heilt unikt, og ei moglegheit til å tene masse pengar. - Dei bruker falske annonsar i sosiale medium og på nettsider
Gjennom falske annonsar bruker svindlarar namn, bilde og video av kjente personar med høg tillit for å få tilbodet til å verke ekte og reelt. Til dømes er Jens Stoltenberg, Erna Solberg, Olav Thon og Petter Stordalen misbrukt i falske tilbod som har leia til investeringssvindel. - Får deg til å tru at du tener pengar umiddelbart
Svindlarane bruker falske nettsider med falske kurssvingingar, grafar og transaksjonsoversikter. Dei følger deg opp gjennom meldingar, e-post og telefon, og forsikrar deg om at du tener mykje pengar. - Installerer fjernstyringsverktøy
Svindlarane lurer deg til å installere fjernstyringsverktøy som AnyDesk eller TeamViewer, som ein måte å hjelpe deg med å sette opp kontoar, brukarnamn og passord. - Tar kontroll over pengane og overfører dei til utlandet
Pengane du trur du investerer med hamnar med ein gong i hendene til svindlaren, som overfører vidare til skjulte kontoar i utlandet.
Slik unngår du å bli lurt
Ver på vakt kvar gong ein ukjend person tar kontakt med deg om investeringar – enten det er på sosiale medium, datingsider, e-post eller telefon. Det er viktig at du gjer grundig research, undersøk kven som står bak og les gjennom vilkåra for tilbodet. Bruk Finanstilsynets database for marknadsåtvaringar og søk opp selskapet du har fått eit tilbod frå. Om du finn selskapet her, må du bryte all kontakt med svindlar. Andre tips:
- Ver kritisk og bruk sunn fornuft!
- Godkjenn aldri betalingar eller pålogginger i digitalbanken du ikkje har starta sjølv, eller ikkje veit kva er.
- Gi aldri frå deg kontoinformasjon, BankID-kodar, passord eller kopi av legitimasjon.
- Aldri tillat fjernstyring av PC/nettbrett i program som AnyDesk eller TeamViewer.
Har nokon allereie prøvd å svindle deg?
- Bryt kontakt med svindlarane og ta kontakt med banken for hjelp og rådgjeving.
- Meld alltid frå til politiet om du har blitt utsett for svindel.
- Sikre dokumentasjon i form av namn, e-postar, telefonnummer, skjermbilde, kontonummer, wallet-adresser og liknande, dersom du er i kontakt med svindlarar.
- Ver obs på fleire svindelforsøk, til dømes om nokon tilbyr deg hjelp med å bergr pengane frå førre svindel.
