Fyll opp BSU-kontoen
Her får du 3 gode grunnar til kvifor du skal fylle opp BSU-kontoen før årets frist den 30. desember.
3 grunnar til å fylle opp BSU-kontoen:
Få maksimalt igjen på skatten
Sørg for å setje inn det årlege beløpet på 27.500 kroner for å få maksimalt igjen på skatten. Ved å spare 27.500, vil du få 2750 kroner tilbake på skatten neste år.
Siste frist for å setje inn pengar på BSU-kontoen i år er 30. desember 2024
Hugs! Pengane må stå på BSU-kontoen ved nyttår. Overfører du pengar frå ein annan bank, må du rekne ein virkedag før dei kjem inn.
For å få fullt skattefrådrag for BSU-sparinga, må du ha inntekt over 70.000 kroner.
Hald farten oppe i sparinga
Sparer du mindre enn maksbeløpet eitt år, kan det ta lang tid før du når BSU-taket på 300.000 kroner. I verste fall rekk du ikkje å spare heile kvoten før du blir 34 år. Då går du glipp av verdifulle skattefrådrag. Spar derfor så mykje du kan i år, og kvart år framover.
Kom i gong no – så har du ein fot innanfor
Har du planar om å kjøpe eigen bustad neste år? Hugs at rekkefølgja er viktig her: Du må opprette BSU-konto og starte sparinga før du kjøper bustad, viss ikkje mistar du moglegheita til å nytte deg av BSU-ordninga ved bustadkjøpet.
Slik lykkast du med BSU-sparinga
Spar fast kvar månad
Spar eit fast beløp kvar månad. Sparer du til dømes 2292 kroner kvar månad, har du ein full BSU-konto på slutten av året.
Spar det du har til overs
Spar det du har til overs på brukskontoen kvar månad, til dømes alt over 1000 kroner. Pengane blir overførte automatisk til BSU-kontoen.
Når du bruker kortet
Spar eit fast beløp, ein prosentdel av det du handlar for, eller eit avrunda beløp kvar gong du bruker kortet.
"Eg kjenner ingen spareordning som er så gunstig som BSU. I tillegg går det sjølvsagt an å spare utover BSU. For den målbevisste spararen er kjøp av eigen bustad så absolutt innan rekkevidde i løpet av nokre år. Jo då, det lønner seg å spare i BSU!"
- Magne Gundersen, Forbrukerøkonom
Har du fylt opp BSU-kontoen?
Bra jobba! Hugs at det er lov å spare meir! Det finst ulike måtar å spare på.
Du kan:
Ofte stilte spørsmål om BSU
Skattefrådraget på BSU er 10 % av det du sparer per år. Det vil seie inntil 2750 kroner. Pengane må vere på konto innan 31. desember, og stå over årsskiftet. Banken melder inn beløpet du har spart til Skatteetaten, som reknar ut skattefrådraget basert på inntekta di.
Skattefrådraget er berre for dei som ikkje eig eigen bustad frå før av. Det vil seie, eig du ein bustad (heilt eller delvis) per 31. desember får du ikkje skattefrådraget for dette året.
For å få fullt utbyte av BSU-frådraget, må du tene over 70.000 kroner. Først då betaler du nok skatt til at du får frådrag for det maksimale BSU-innskotet på 27.500 kroner.
Sjå også
BSU-reglar
Du kan spare i BSU til det året du fyller 33 år.
Du kan spare inntil 27.500 kroner kvart år i BSU, og maks 300.000 kroner totalt.
Det tar minst 11 år å spare opp maksbeløpet, og det vil seie at du seinast må starte sparinga det året du fyller 23 år for å få maks beløp.
Det er fleire reglar for BSU-sparinga. Ein av dei er at pengane du sparer på BSU-kontoen er øyremerka til bustad.
Dette kan du nytte pengane frå BSU-kontoen til:
- Pengane kan du bruke til eigenkapital ved bustadkjøp, nedbetaling av bustadlån eller kjøp av byggetomt.
- Pengane kan brukast til bygging av garasje.
- Pengane kan brukast til oppussing, påbygging og vedlikehald på bustaden din.
Du er sjølv ansvarleg for kva du bruker BSU-pengane til. Dersom BSU-pengane blir brukt til føremål som ikkje er godkjent i samsvar med Skatteetaten sine reglar, er det du som er pliktig til å informere Skatteetaten.
Ikkje godkjent bruk av BSU-pengar vil føre til at du må betale tilbake det du har fått i skattefrådrag på sparinga.
Du kan ikkje spare meir på BSU-kontoen etter at du har begynt å bruke BSU-pengane, med mindre det er pengar du har spart tidlegare i år. Desse er ikkje låste før årsskiftet og kan takast ut igjen.
Frå det året du fyller 34 årkan du ikkje lenger setje inn pengar på BSU-kontoen din, men du treng ikkje avslutte kontoen. For å få skattelette på det du har spart det året du fyller 33 år, må pengane stå på konto til over nyttår. Når du har kjøpt bustad, og eig den heilt eller delvis per 31. desember, mistar du retten til skattefrådrag for dette året.
Du kan behalde BSU-kontoen din etter at du er 33 år, men den må til sjuande og sist brukast til bustadsformål.
Sjå også
BSU-reglar
Sparetips for deg over 34 år
Nei, du må ikkje bruke BSU-kontoen når du skal kjøpe bustad.
Om du bruker pengar frå BSU-en din til å kjøpe bustad er opp til deg sjølv og økonomien din. Ofte vil det bli lettare å kome inn på bustadsmarknaden om du bruker BSU-kontoen din. Dette kan også bety at du får mindre lån.
Kjøper du bustad før fylte 34 år, og renta på BSU-kontoen er høg, kan det vere ein fordel å vente med å «sprette» BSU-en, for renta på innskotet kan vere høgare enn bustadlånsrenta.
Før du har kjøpt din første bustad, får du eit skattefrådrag på inntil 10 % av det årlege sparebeløpet på BSU, så framt du har skattbar inntekt. Etter at du har kjøpt din første bustad, får du ikkje skattefrådrag i det heile tatt.
Hugs at du må bruke BSU-kontoen til bustadføremål.
Tips og råd
BSU-reglar
Kven kan spare, kor mykje, og til kva? Her får du BSU-reglane
Oppfyll bustaddraumen med BSU
Bruk dei smarte spareknepa og moglegheitene som finst, som å spare i BSU.
Inga spareform slår BSU
Klarar du å spare 75 kroner om dagen, har du ein full BSU-konto på slutten av året.
Ønsker du deg eigen bustad?
Start BSU-sparing tidleg!
Samanlikn prisar
Du kan samanlikne prisane våre med prisar frå andre selskap på Finansportalen.no