Inga spareform slår BSU
Sparer du til eigen bustad? Klarar du å spare 75 kroner om dagen, har du ein full BSU-konto på slutten av året.
BSU – ei gullgruve
Det er inga spareform som slår BSU om målet er eigen bustad. For å lykkast med BSU-sparinga er det lurt å spare jamleg. Klarer du å spare 75 kroner om dagen, eller 2292 kroner i månaden, har du ein full BSU-konto på slutten av året.
BSU: Din veg til større bustadbudsjett
I reknestykket ser du korleis sparing i BSU kan gi deg over 300.000 kroner meir å kjøpe bustad for.
- Sparer du 2292 kroner i BSU i månaden, har du 27.500 kroner i løpet av eitt år.
- Du får 10 % i skattefrådrag, som utgjer 2750 kroner. Sparer du det, har du totalt 30.250 kroner.
- For å få bustadlån må du ha 10 % eigenkapital.
- Har du 30.250 BSU-kroner i eigenkapital, kan du låne 272.250 kroner.
- Det gir deg 302.500 kroner meir å kjøpe bustad for enn året før.
Obs! For å få fullt frådrag for BSU-sparinga di, må du ha inntekt over 111.000 kroner. Skattefrådraget gjeld berre deg som ikkje eig bustad frå før.
Slik lykkast du med BSU-sparinga
Spar fast kvar månad
Spar eit fast beløp kvar månad. Sparer du til dømes 2292 kroner kvar månad, har du ein full BSU-konto på slutten av året.
Spar det du har til overs
Spar det du har til overs på brukskontoen kvar månad, til dømes alt over 1000 kroner. Pengane blir overførte automatisk til BSU-kontoen.
Når du bruker kortet
Spar eit fast beløp, ein prosentdel av det du handlar for, eller eit avrunda beløp kvar gong du bruker kortet.
"Eg kjenner inga spareordning som er så gunstig som BSU. I tillegg går det sjølvsagt an å spare utover BSU. For den målbevisste sparar er kjøp av eigen bustad så absolutt innan rekkevidde i løpet av nokre år. Jo då, det lønner seg å spare i BSU!"
Forbrukarøkonom Magne Gundersen, SpareBank 1.
Ofte stilte spørsmål om BSU
Frå det året du fyller 34 årkan du ikkje lenger setje inn pengar på BSU-kontoen din, men du treng ikkje avslutte kontoen. For å få skattelette på det du har spart det året du fyller 33 år, må pengane stå på konto til over nyttår. Når du har kjøpt bustad, og eig den heilt eller delvis per 31. desember, mistar du retten til skattefrådrag for dette året.
Du kan behalde BSU-kontoen din etter at du er 33 år, men den må til sjuande og sist brukast til bustadsformål.
Sjå også
BSU-reglar
Sparetips for deg over 34 år
Du kan spare 27.500 kroner kvart år i BSU, og maks 300.000 kroner totalt. Det tar minst 11 år å spare opp maksbeløpet.
Hugs at du ikkje kan spare lenger enn til og med det året du fyller 33 år, det vil seie at du seintast må starte sparinga det året du fyller 23 år for å få maks beløp.
Nei, du må ikkje bruke BSU-kontoen når du skal kjøpe bustad.
Om du bruker pengar frå BSU-en din til å kjøpe bustad er opp til deg sjølv og økonomien din. Ofte vil det bli lettare å kome inn på bustadsmarknaden om du bruker BSU-kontoen din. Dette kan også bety at du får mindre lån.
Kjøper du bustad før fylte 34 år, og renta på BSU-kontoen er høg, kan det vere ein fordel å vente med å «sprette» BSU-en, for renta på innskotet kan vere høgare enn bustadlånsrenta.
Før du har kjøpt din første bustad, får du eit skattefrådrag på inntil 10 % av det årlege sparebeløpet på BSU, så framt du har skattbar inntekt. Etter at du har kjøpt din første bustad, får du ikkje skattefrådrag i det heile tatt.
Hugs at du må bruke BSU-kontoen til bustadføremål.
Skattefrådraget på BSU er 10 % av det du sparer per år. Det vil seie inntil 2750 kroner. Pengane må vere på konto innan 31. desember, og stå over årsskiftet. Banken melder inn beløpet du har spart til Skatteetaten, som reknar ut skattefrådraget basert på inntekta di.
Skattefrådraget er berre for dei som ikkje eig eigen bustad frå før av. Det vil seie, eig du ein bustad (heilt eller delvis) per 31. desember får du ikkje skattefrådraget for dette året.
For å få fullt utbyte av BSU-frådraget, må du tene over 111.000 kroner. Først då betaler du nok skatt til at du får frådrag for det maksimale BSU-innskotet på 27.500 kroner.
Sjå også
BSU-reglar
Det er fleire reglar for BSU-sparinga. Ein av dei er at pengane du sparer på BSU-kontoen er øyremerka til bustad.
Dette kan du nytte pengane frå BSU-kontoen til:
- Pengane kan du bruke til eigenkapital ved bustadkjøp, nedbetaling av bustadlån eller kjøp av byggetomt.
- Pengane kan brukast til bygging av garasje.
- Pengane kan brukast til oppussing, påbygging og vedlikehald på bustaden din.
Du er sjølv ansvarleg for kva du bruker BSU-pengane til. Dersom BSU-pengane blir brukt til føremål som ikkje er godkjent i samsvar med Skatteetaten sine reglar, er det du som er pliktig til å informere Skatteetaten.
Ikkje godkjent bruk av BSU-pengar vil føre til at du må betale tilbake det du har fått i skattefrådrag på sparinga.
Du kan ikkje spare meir på BSU-kontoen etter at du har begynt å bruke BSU-pengane, med mindre det er pengar du har spart tidlegare i år. Desse er ikkje låste før årsskiftet og kan takast ut igjen.
Tips og råd
BSU-reglar
Kven kan spare, kor mykje, og til kva? Her får du BSU-reglane.
Oppfyll bustaddraumen med BSU
Bruk dei smarte spareknepa og moglegheitene som finst, som å spare i BSU.
Fyll opp BSU-kontoen
Her får du 3 gode grunnar til å fylle opp BSU-kontoen.
Ønsker du deg eigen bustad?
Start BSU-sparing tidleg!
Kva synast du om denne sida?
Samanlikn prisar
Du kan samanlikne prisane våre med prisar frå andre selskap på Finansportalen.no