Merkevaresvindel
Når svindlarane misbruker namna og kjennemerka til bedrifta for å tiltrekke seg offer som har tillit til dykk.
Kjenneteikn
- Svindlarane misbruker bedriftas/ditt namn eller kjennemerke for å nå ut til moglege ofte.
- Du finn falske profilar i bedriftas/ditt namn på sosiale medium.
- Svindlarar nyttar gjerne sjansen til å kontakte offer som har deltatt i konkurransar du eller bedrifta har hatt på sosiale medium, og utgir seg for å vere deg/bedrifta di. Svindlarane påstår at offera har vunne konkurransen, og ber dei om personleg informasjon for å få premien.
Slik unngår du at merkevara blir misbrukt
- Skru på totrinnsverifisering på alle plattformer der dette er mogleg.
- Avgrens bruken av administratorar på sosiale medium og i annonsekontoar.
- Bruk unike passord på alle plattformer.
- Bruk analyseverktøy aktivt og overvak korleis merkevara di blir brukt i ulike kanalar.
Kva bør du gjere om merkevara di er kopiert?
Varsle det aktuelle sosiale mediet du har oppdaga svindelen i, slik at dei kan deaktivere falske kontoar.
Opplys gjerne følgarane og kundane dine om at det føregår svindelforsøk, og at dei bør vere oppmerksame på falske kontoar.
Saman kan vi sikre kundane dine
Sjølv om det ikkje er dine eller pengane til bedrifta di som står på spel, har svindlarane utnytta nokon som stoler på deg. Ved at du varslar har vi moglegheit til å få sperra mottakarkontoar for betalingar, og på den måten få stoppa moglege overføringar til svindlarane.
