IBAN er ei forkorting for International Bank Account Number, og er det internasjonale kontonummeret ditt som du må bruke når du skal få betalingar frå utlandet eller betale til utlandet.
BIC (SWIFT) er den internasjonale koden til banken eller adresse. Vår BIC er: SOFJNO22.
Har du bankkort for bedrift sperrar du kortet i nettbank bedrift. Logg inn i nettbanken, gå til Min oversikt, Kort, vel det kortet det gjeld og klikk Sperre kort.
Har du ikkje nettbank bedrift, men er privatkunde med mobil- eller nettbank privat, kan du lese meir om korleis du sperrar kortet her.
Kredittkort for bedrift kan du sperre Eurocard-appen, eller ringe 21 01 50 40. Kredittkortet er ei teneste frå Eurocard.
Det er berre mogleg å gjere innskot i innskotautomaten til eigen bank og med identifikasjon med kort frå din SpareBank 1-bank.
Det vil med andre ord ikkje lenger vere mogleg å gjere innskot i innskotsautomat til ein annan SpareBank 1-bank enn din eigen.
Kvifor skjer dette?
Kvitvaskingslova (Løyve om tiltak mot vitvasking og terrorfinansiering §§9 og 10) stiller strenge krav til bankane når det gjeld å kjenne kundane sine og opphavet til midlane. Det fører til at vi må setje i verk fleire tiltak for å sikre at tenestene våre oppfyller lova og Finanstilsynet sine krav til tenesta.
Kva alternativ har eg?
Vipps har etablert ei ny teneste som kallast «Kontanttenester i butikk». Med denne tenesta kan du ta ut og setje inn kontantar med bankkortet ditt og PIN-kode i matbutikken. Tenesta er tilgjengeleg i ca 1400 butikkar i Norgesgruppen fordelt over heile landet.
Betalinga ligg i forfallsregisteret i 4 dagar. Viss den ikkje blir betalt i løpet av dei fire dagane, blir den flytta til "Ikkje utførte betalingar".
Oversikt over betalingar finn du i nettbanken under Betaling > Transaksjoner > Kontobevegelser. Her kan du også ta ut bilag på alle betalingar.
Innlandsbetalingar blir overførte måndag til fredag kl. 00.05, 08.45, 10.00, 11.30, 14.00 og 15.00*.
Betalingar som blir godkjente etter kl 15.00 fredag, blir med på første overføring natt til måndag kl. 00.05.
Alle betalingar som blir godkjente før kl. 15.00, kjem fram same dag. Overføringar mellom eigne kontoar i same bank blir gjort med ein gong.
Utlandsbetalingar må godkjennast før kl. 14.00 for å bli behandla same dag.
* Ikkje garantert oppgjer kl. 15.
Eit reservert beløp er pengar som skal belastast kortet ditt, men som ikkje er trekt endå.
Når du brukar kortet ditt, blir ikkje pengane trekt med ein gong. Først sjekkar vi om det er dekning, og dersom det er det, blir beløpet reservert. Kor mykje du har disponibelt blir redusert med tilsvarande beløp, sjølv om saldoen framleis er uendra. Først når transaksjonen blir bokført neste virkedag, blir saldo oppdatert.
Vi anbefaler at du i alle fall betalar minstebeløpet på rekninga, så slepp du å få purregebyr.
Viss du ikkje kan betale minstebeløpet, ta kontakt, så finn vi ei løysing saman.
Betalar du ned alt du har lånt innan forfallsdato, kostar det deg ingenting. Viss du vel å utsetje å betale heile eller delar av kredittkortrekninga, blir det lagt til renter på lånet til summen er betalt ned.
Priseksempel ved utsett betaling:
SEPA står for Single Euro Payments Area, og er eit felles betalingsområde for euro som skal gjere det lettare å handle på tvers av land tilhøyrande EU/EØS i Europa. ISO 20022 XML er det nye formatet for innsending av betalingsfiler som skal nyttast for betalingar i euro innan SEPA og som har vore gjeldande frå 31. oktober 2016.
Tidlegare eFakturaer finn du i Fakturatjenesta under arkiv.
For å få tilgong til Fakturatjenesta må du vere brukar. Administrator i Fakturatjenesta kan opprette nye brukarar og gi tilgong.
Du kan bruke vårt skjema for å bestille Avtalegiro fast betaling.
Ønsker du meir informasjon om tenesta kan du sjå vår produktside for Avtalegiro.
NB: Viss du får neste rekning i posten, er det fordi den blei laga før Avtalegiroen blei oppretta. Den må betalast som vanleg.
Viss du har mista bankkortet ditt, eller det har blitt øydelagt, kan du enkelt bestille nytt i nett- eller mobilbanken. Det kostar 300 kroner, og du vil få det nye kortet i posten etter cirka ei veke.
Logg inn i nettbank bedrift. I menyen går du til Kort, og vel det kortet du vil sjå PIN-koden på. Trykk på Vis PIN-kode for å sjå koden.
Inni kortet ditt er ei lita antenne som kommuniserer trådlaust med terminal i butikk. Denne antenna blir påverka av slitasje og særleg ved røff behandling ved til dømes at kortet blir bøygt.
Dersom kortet sluttar å verke, kan du bestille nytt i nett- eller mobilbanken eller du kan kontakte oss på +47 57 82 97 00.
Mikrokortet er eit tillegg til det ordinære bankkortet og fungerer på akkurat same måte, men berre kontaktlaust. For beløp under 500 kroner er det berre å «tæppe» på bankterminalen, og for beløp over 500 kroner må du taste PIN-koden. Koden på mikrokortet er den same som for dine andre kort frå SpareBank 1.
Nye reglar gjer at du no må godkjenne mottakar og eFaktura med BankID-signering. Dette treng du berre å gjere ein gong per mottakar.
For kredittkortet er dette avgrensa av kredittgrensa di. Det høgaste beløpet du kan betale med kortet er det same som du har igjen av tilgjengeleg kreditt.
Du kan sjekke tilgjengeleg kreditt under kredittkortet i nettbanken. Der kan du også sjekke – og endre – kredittgrense.
For å få rabatt på strøymetenester, må du betale abonnementa dine med Mastercard Ung-kortet ditt. Du får automatisk 20 % rabatt kvar gong du blir belasta, inntil 500 kroner per år. Rabatten gjeld både for film, musikk, seriar og podkastar.
Det kan vere fleire årsaker til at kortet ditt ikkje fungerar:
Sjå også
Lån utan sikkerheit eller lån utan pant er lån der banken ikkje tar pant i bustaden din eller andre ting du eig som sikkerheit for lånet. Dette gir høgare risiko for banken, noko som er grunnen til at usikra lån som forbrukslån og kredittkort òg har høgare rente enn til dømes bustadlån og billån.
Når du brukar eit kredittkort, lånar du pengar av banken. Kredittgrensa di, eller kortet si kredittramme, er det maksimale beløpet du totalt kan låne før du må betale tilbake. Når kredittramma er «brukt opp», kan du ikkje bruke kredittkortet igjen før du har betalt inn på kredittkortet.
Kvar gong du betalar med kredittkortet, brukar du altså av kredittramma. Når du betalar ned heile eller delar av gjelda, anten via kredittkortfakturaen eller ved at du betalar inn ekstra i nett- eller mobilbanken, blir summen du betalar inn igjen tilgjengeleg for bruk.
Har for eksempel kortet ditt ei kredittramme på 20.000 kroner, og du brukar 10.000 kroner, har du 10.000 kroner igjen av kredittramma. Betalar du så inn 5.000 kroner, aukar den tilgjengelege kreditten din til 15.000 kroner.
Kor høg kredittgrense du kan få, avheng av ting som inntekt, betalingshistorikk og kor mykje gjeld du har frå før.
Sjå også
Dagens valutakurs er prisen på valutaen i eitt land målt opp mot valutaen i eit anna land i dag. Viss dagens valutakurs for euro er 11 kroner, vil det seie at 1 euro kostar 11 kroner for oss nordmenn.
Prisen på ein valuta blir bestemt av kor mange som vil kjøpe og selje den. Enkelt forklart går prisen på ein valuta opp viss etterspørselen er høg, og ned viss etterspørselen er låg.
Viss utanlandsk valuta er dyr i norske kroner, seier vi at krona er svak. Då blir det dyrare for oss å handle eller feriere i utlandet. Er utanlandsk valuta billeg, seier vi at krona er sterk, og det blir billegare for oss å handle eller feriere i utlandet.
For at pengane skal komme fram, må dei som skal betale ha denne informasjonen:
Europa
Vanleg betaling: Kan ta inntil 2-5 virkedagar
Hastebetaling: Normalt same virkedag
Andre land
Vanleg betaling: Kan ta inntil 2-5 virkedagar
Hastebetaling: 1-2 virkedagar (kan ta lengre tid avhengig av landet du skal betale til)
Amerikanske bankar bruker Routingnumber, ABA eller FedWire som bankkode. Det blir alltid skrive som FW+9 tal i feltet for bankkode. Døme: FW123456789.
Bankkode blir brukt i nokre land som ikkje har IBAN. Koden er ulik frå land til land, og bør brukast saman med BIC (SWIFT). Her ser du kva land det gjeld og kva bankkode du skal bruke:
USA har bankkode: FW + 9 tal (kallast Routingnumber, ABA eller Fedwire)
Canada har bankkode: CC + 9 tal (kallast Clearing code)
Sør-Afrika har bankkode: ZA + 6 tal
Australia har bankkode: AU + 6 tal
New Zealand har bankkode: NZ + 6 tal
Hong Kong har bankkode: HK + 3 tal
Viss du ønsker å avslutte eit abonnement kan du gjere det enkelt i mobilbanken eller nettbanken. Vel den kontoen du betaler abonnementet frå. I oversikta som viser dei siste transaksjonane på kontoen, vil du få opp valet Endre abonnement ved betalingar som du kan avslutte abonnementet på.
Sjå også
Kor får eg hjelp og svar på spørsmåla mine om oppseiing av abonnement?
Kva er Minna Technologies?
Det er gjort ei kartlegging av kva abonnementstenster som er mest brukt. Om lag 20 av dei vanlegaste tenestene innan strøyming, mobil, trening, aviser osb. er lagt inn i denne første versjonen. Etter kvart vil du kunne seia opp fleire abonnement.
Nokre typar abonnement vil du ikkje kunne seie opp. Det gjeld f. eks. straum, som ikkje kan seiast opp med mindre kunden endrar adresse. Amerikanske abonnement kan per no heller ikkje seiast opp fordi tenesta frå Minna Technologies bygger på europeisk lovgjeving.
Minna Technologies er eit selskap som har spesialisert seg på̊ å avslutte abonnement. SpareBank 1 har inngått ein samarbeidsavtale med Minna Technologies, slik at du enkelt kan avslutte abonnement du ikkje lenger treng gjennom løysinga deira. Dette gjer du enkelt i mobilbanken eller nettbanken.
Sjå også
Korleis fungerer det når eg seier opp abonnementet i mobil- eller nettbank?
Dagleg leiar har tilgong automatisk, og kan logge inn i pensjonsportalen vår.
Informasjon ligg under Dokumenter -> Kontoutdrag.
Når du får eit nytt bankkort må kortet aktiverast. Det kan du gjere enten ved å bruke det i ein betalingsterminal, eller ved å aktivere det i nettbank bedrift under Kort. Det er korteigar eller administrator som kan aktivere kortet i nettbank bedrift.
Er du korteigar og privatkunde i banken kan du også aktivere kortet i den private nettbanken din under fana Kort.
Du finn kontoutskrifter, årsoppgåve og bilag i nettbank bedrift under menyvalet Transaksjonar. Hugs å velje riktig år, altså året som har gått.
Merk at du må ha tilgong til alle kontoane til bedrifta i nettbanken for å få fram menypunktet Årsoppgave. For å få tilgong til alle kontoar, må brukar ta kontakt med nettbank-administratoren til bedrifta. Dersom ikkje alle kontoar ligg i nettbanken må bedrifta kontakte kundesenteret på chat eller telefon.
Revisorar ønsker som regel å få revisjonsoppgåva, det vil seia årsoppgåva, direkte frå banken.
Behaldningsoversikt kjem ut i januar. Dokumentet finn du i nettbank bedrift under Transaksjoner -> Arkiv. Vel "Andre kundemeldingar".
Årsoppgåve for fond kjem ut seinast i februar. Dokumentet finn du i nettbank bedrift under Transaksjoner -> Årsoppgave.
Dette hentar du i VPS (verdipapirsentralen) sin eigen portal.
Konto- og adresseringregisteret (KAR) samlar informasjon om kundar og kontoane deira. KAR er felles for alle bankar i Norge, og registeret blir oppdatert dagleg av bankane. Her kan du sjå:
Slik kan du bruke KAR-registeret i bedrifta di
KAR-registeret gjer at bedrifta di kan unngå å betale til feil person eller til ein konto som ikkje er aktiv. Det gjer at du slepp kluss og sparer tid. Som bedrift kan du slå opp i KAR-registeret på fleire måtar:
Enkeltpersonføretak (ENK) kan som ein hovudregel berre få tilgang til å sjekke om ein konto er aktiv og kan ta imot betalingar. ENK som er underlagt teieplikt i lov kan spørje på kombinasjonen kontonummer/fødselsnummer.
Føretak kan gjere ei spørjing på vegner av eit annan føretak, men er då ansvarleg for at formålet med bruk av KAR blir overhalde. Dette gjeld òg ENK underlagt teieplikt.
Har du spørsmål om KAR-registeret, og korleis du kan bruke det i bedrifta di? Ta kontakt med oss, så hjelper vi deg vidare.
Betalingar med OCR og KID blir berre viste som ein totalsum i nettbanken. For å sjå alle betalingane må du laste ned filene frå nettbanken og inn i rekneskapsprogrammet.
