No kan du samle alle kontoane dine frå ulike bankar på éin stad - og få full oversikt i ein og same mobilbank. Kort sagt ein skikkeleg forenkling av kvardagsøkonomien!
Samle alle kontoane dine på éin stad
Kva betyr dette for deg?
Dei fleste av oss bruker fleire bankar og har til no vore nøydd til å logge på fleire stader for å få full oversikt. Visste du at du no kan samle alle kontoane på éin plass - på tvers av alle bankar? Snart treng du faktisk berre ein bank.
Norge har innført delar av EU-direktivet om betalingstenester (òg kalla PSD2). Dette gir deg som kunde rett til å gi andre selskap enn banken din tilgong til kontoinformasjonen din, så sant dei har godkjenningane som trengst. Du kan be om å utføre tenester på dine vegner:
- Gjennomføre betalingar. Du kan gi fullmakt til å utføre betalingar frå betalingskontoane dine.
- Samle informasjon. Du kan gi fullmakt til å lage ei samla oversikt over alle dei betalingskontoane du ønsker, avhengig av kva bank kontoane er tilknytta.
Slik legg du til konto frå annan bank
1. Logg inn i mobilbanken eller nettbanken.
2. Trykk på (+)Legg til øvst på oversiktssida
3. Vel Legg til konto frå annan bank.
4. Deretter vel du bank, og kva konto du vil sjå.
Du treng berre å forhalde deg til éin mobilbank!
Tips som gjer kvardagsøkonomien din enklare.
Sjekk saldo med eit fingeravtrykk eller sveip. Enklare blir det ikkje.
Er de ein vennegjeng, familie eller fleire som sparer til noko saman? Del kontoen din med kven du vil.
Betal rekningar på 1, 2, 3! Ta bilde av fakturaen og send den rett inn i mobilbanken.
Ofte stilte spørsmål
PSD2 er eit direktiv frå EU, som regulerer betalingstenester i EUs indre marknad. Sidan Norge er medlem av EØS omfattar dette òg oss. Regelverket skal legge til rette for auka konkurranse innan betalingstenester, fremje innovasjon, styrke sikkerheita for nettbetalingar og tilgong til konto, og dessutan å betre samhandlinga mellom ulike typar aktørar. Dette bidreg til å forenkle kvardagsøkonomien din, og til at du får fleire og betre betalingstenester. Direktivet tredde i kraft i Noreg i sept. 2019
EU-direktivet skal gi deg moglegheit til å sjå alle kontoane dine på éin stad. Vi har tilgong til alle norske bankar. Ei oppdatert oversikt over tilgjengelege bankar finn du i mobil- eller nettbanken når du skal legge til konto frå annan bank.
Både bankar og andre godkjente selskap, såkalla tredjepartar, kan tilby desse tenestene. Det betyr at du ikkje lenger treng å forhalde deg til massevis av nett- og mobilbankar eller andre betalingsløysingar, men kan samle alt på éin stad – i den appen eller løysinga du likar best.
Dette krev likevel at du som bankkunde har gitt det uttrykkelege samtykket ditt. Det blir òg stilt strenge krav til selskapa som skal utføre slike tenester. Det er viktig å sette seg grundig inn i kven du gir fullmakt til, og kva du gir selskapet eller banken fullmakt til å gjere på dine vegner.
Ein betalingskonto er i utgangspunktet ein konto som er tilgjengeleg på internett. Kontoen må kunne nyttast til daglege betalingar, og vere mogleg å nytte til både nasjonale og internasjonale betalingar. Så langt ser det ut til at PSD2 ekskluderer til dømes lånekonto, VPS-konto eller andre typar kontoar ein vanlegvis ikkje kan gjere ei betaling frå.
NB: Ver oppmerksam på at dersom du har gitt ein annan person disposisjonsrett over ein betalingskonto, vil han eller ho kunne bruke tenester som er leverte av tredjepartar dersom slike kan knytast til kontoen. Dersom du ikkje ønsker dette, må disposisjonsfullmakta tilbakekallast.
Mobilbank
Gå i menyen nedst til høgre > vel Innstillinger > Konto > Konto frå andre bankar.
Nettbank
Klikk på namnet ditt øvst til høgre > vel Innstillinger > Konto > Konto frå andre bankar
Det betyr at du får fleire moglegheiter, betre brukaropplevingar, og at du etter kvart kan velje å forhalde deg til færre apper og løysingar. Til dømes vil du kunne utføre betalingar utan at du treng å bruke kort eller nettbank, også gjennom tenester frå selskap som ikkje er bankar. Og sjølv om du har konto hos fleire bankar, vil du berre trenge éin mobilbank. Løysingane vil i større grad vere tilpassa akkurat dine behov, og du kan hente inn heilt nye tenester og funksjonar i mobilbanken din. Du finn meir informasjon om kva rettar du har når du betalar innan EU/EØS, på finanstilsynet.no.
PSD2 betyr at bankane må levere endå betre tenester for å hevde seg i konkurransen – og det er bra for deg som er kunde. Vi må mellom anna tilpasse kontotenestene våre, slik at du kan nytte andre tilbydarar av betalingstenester for å utføre betalingane dine eller samanlikne kontoinformasjonen din. Desse kan vere både andre bankar, selskap som Google, Facebook og Apple, eller heilt nye, spesialiserte aktørar som ikkje er bankar.
Nei, du må sjølv samtykke til at vi utvekslar dine data med andre aktørar. Du kan når som helst trekke tilbake eit slikt samtykke.
Alle selskap som får tilgang til betalingskontoane dine skal sørge for at den personlege sikkerheitsinformasjonen din ikkje er tilgjengeleg for andre. Selskap som tilbyr denne typen tenester er til liks med bankane underlagt tilsyn frå Finanstilsynet, Datatilsynet og Forbrukartilsynet. Les meir om korleis SpareBank 1 tar vare på personopplysningane dine.
Du må dessutan sjølv samtykke til at vi deler dine data mellom oss. Dette samtykket kan du når som helst trekke tilbake.
